割完包皮之後唔識打飛機

冇幾耐之前因為包莖同埋反覆發炎,所以醫生建議我去割包皮, 割完之後,佢叫我最少六個禮拜唔好自慰或者有性行為,而我亦有跟佢講嘅嘢去做。

而家距離割完包皮已經兩個月,近排諗住試下再自慰,以前我包莖嘅時候,通常都係隔住塊包皮去刺激龜頭,之後就會射到精,刺激龜頭嘅時候亦都有好舒服嘅感覺。但係而家冇咗塊包皮,我淨係捉住莖部 chok,完全掂唔到個龜頭,一啲都唔舒服,更加射唔到精。我想問下通常割咗包皮嘅人係點樣打飛機嘅?

我小六便割左包皮,但割了包皮並唔影響我自慰的習慣。割了包皮之後,沒有了包皮與龜頭之間的潤滑,要在龜頭處塗些潤滑劑才能夠打飛機,不然的話,乾磨的話會傷及龜頭的皮膚。

我通常會塗些凡士林在龜頭處作潤滑劑,跟住用手指套成ok狀上下在龜頭和冠狀溝來回磨擦來自慰。你剛剛才割完包皮,龜頭和冠狀溝未曾被手接觸過,會極為敏感,或許用手磨了不久後便會射精。但當日子耐了,你龜頭習慣了打飛機的刺激,龜頭的皮膚亦會變厚,不咁容易會受刺激而即射。

記得打飛機時一定要在龜頭塗上潤滑劑,最好是水溶性的,不刺激龜頭皮膚的,不然很易弄傷龜頭。

若龜頭太過敏感,受不了手指環來回的刺激,可以用手指按摩冠狀溝,用手指慢慢按摩龜表面,等皮膚慢慢習慣手部刺激後,才再用手指套成環狀上下來回磨擦龜頭和冠狀溝

Hello~多謝你嘅發問!

割包皮之後龜頭會外露,唔再係好似割包皮之前咁要隔住包皮去刺激。所以你可以喺自慰期間嘗試吓直接刺激龜頭嘅位置,從而獲得快感,令你有射精嘅感覺。不過要留意嘅係,初時直接刺激龜頭有機會好敏感,而造成不適,所以啱啱開始嘗試嘅時候記住循序漸進,按自己嘅感覺去調整刺激嘅力度。

你亦可以嘗試吓係自慰時添加一啲潤滑劑,從而減低包皮同陰莖嘅摩擦,潤滑劑方面建議選擇水性或者矽性,水性相對容易清洗,但係都比較容易揮發,需要定時補塗;而矽性就相對持久,但係唔可以同矽性嘅性玩具(例如飛機杯)一齊用。另外,都唔建議選擇油性,因為相對比較難清洗,如果清潔得唔乾淨都可能會導致發炎,而且如果你自慰嘅時候會使用安全套嘅話,油性潤滑劑都會破壞乳膠安全套。

射精嘅原理係因為你嘅性器官受到刺激而勃起,刺激累積到一定程度就會出現射精嘅反應。其實龜頭有好多神經末梢分佈,所以係個好敏感嘅地方,觸碰到嘅時候會有比較強嘅感覺,所以有包皮保護。而家割咗包皮,龜頭要適應唔同嘅刺激同埋對刺激嘅反應,呢啲都係正常嘅,可能你需要啲時間慢慢適應下。再加上,你割咗包皮之後兩個月都冇刺激過陰莖,都有機會令到你嘅陰莖比較敏感或者唔適應。

另外,除咗直接刺激龜頭之外,你都可以嘗試探索下自己嘅敏感帶,嘗試用唔同嘅力度、頻率、手法或者輔助工具去刺激陰莖同陰莖附近嘅地方,搵一個令你最舒適嘅方式去進行自慰。

希望以上嘅解答幫到你~

(Intern同學 Nicole)

多謝你嘅解答,等我下次自慰嘅時候都用下潤滑劑,但係你係淨係用手指 OK 嘅部份磨擦龜頭?定係成隻手掌都會掂到個龜頭架?另外想請教下,做愛嘅感覺係點架?會唔會因為個龜頭長期露咗出嚟,而會敏感左定係冇咁敏感架?

呢種敏感嘅感覺,會持續幾耐?

亦都好多謝你嘅解答。我個龜頭因為包莖,從來未試過露出嚟。而家啱啱割完包皮, 行路嘅時候或者平時,個龜頭同條底褲磨擦接觸,會另外有半勃起嘅感覺,非常敏感。想問下呢種敏感嘅感覺,通常幾耐先會冇架?

謝謝你的提問。用大姆指和食指套成ok環狀,沿著龜頭上下來回磨擦時,大姆指與食指內側會摩擦到龜頭表面,帶來快感。ok環只要按住你陰莖的粗幼調節,舒服地套住龜頭便可。當手指環移動到龜頭底部時,虎口位會接觸到冠狀溝,帶來另一次的快感。

龜頭會因沒有包皮的保護而外露,長期與內褲磨擦的結果是,龜頭的表皮會慢慢變厚,靈敏度降低。通常個多月後,你便會發覺龜頭磨得冇以前般敏感。這樣有好處亦有唔好處。

我個人覺得,好處是,龜頭靈敏度降低了的話,在自慰和做愛時冇咁快射精,有延遲射精的效果,改善了早洩的問題。且因為龜頭外露,沖涼時也容易清洗,不會藏污納垢,沒需要翻開包皮清洗的煩惱,亦沒有因包皮過長過短導致翻包皮時拉扯到龜頭時的煩惱存在,容易打理。在做愛時,龜頭直接接觸到陰道,能互相磨擦。但沒割包皮在做愛時,前後抽插的動作會拉扯到包皮,同時磨擦到龜頭帶來另一種快感。壞處是,當割包皮的時候,會將龜頭背後連接包皮的組織同時割走,這組織在自慰時會帶來另一種快感。此外,割了包皮會少了一重從包皮帶來的天然滋潤,但同時要時常翻開包皮清洗龜頭垢。

割與不割好壞參半。

因為你啱啱先割咗包皮,所以可以想像下本身有包皮保護嘅龜頭唔需要接受咁多外界嘅刺激,突然間冇咗包皮嘅保護,無論用手嘅邊個部份磨擦,其實都會非常之敏感。 :sneezing_face:

至於做愛嘅感覺,會同自慰好唔一樣,你係用陰莖去做抽插嘅動作,而陰道裏面唔同嘅凹凸深淺都會有唔同嘅刺激,有啲人會形容為陰道裏邊好緊、好熱、好濕,而且有一種吸住吸住嘅感覺,但係又同用真空飛機杯唔同,好似識唞氣嘅真空狀態。 :wink:

的確會因為龜頭露出咗之後,接受到嘅刺激多咗,就好似你所講嘅同底褲磨擦,或者係自衛嘅時候直接用手去刺激,都唔多唔少會減低咗個敏感度,導致喺自慰又或者做愛嘅期間比較持久嘅情況出現。不過都唔需要擔心嘅,而家都有好多唔同嘅安全套、潤滑劑、性玩具可以帶嚟唔同嘅刺激同感受。 :laughing:

至於啱啱割完包皮之後敏感嘅情況會持續幾耐,就真係睇本身你耐受性有幾高啦。有啲人可能兩個禮拜就會習慣,有啲人可能要三四個月,都真係幾難講得實。不過我諗你覺得關注嘅地方應該係勃起嘅時候會有尷尬嘅情況。你可以試吓着一啲比較緊身啲嘅底褲,將陰莖嘅位置固定,咁樣就唔會有着鬆身底褲嗰種不斷磨擦嘅情況出現。又或者經濟情況許可的話,可以買一啲囊袋分離嘅內褲,會有專屬嘅位置固定陰莖,就算勃起都無咁容易俾人發現。 :face_with_hand_over_mouth:

謝謝你的回答。而家再過咗一個月,龜頭嘅敏感度的確冇一個月前咁高,但都仲係幾敏感。但除咗呢個手法之外,割咗包皮之後仲會唔會有第二個自慰嘅手法?我諗我以後都只能夠用潤滑劑去自慰,我亦都再試過幾次乾打,但係都係唔係好舒服,射唔到精。

你覺得割包皮之前,你喺陰莖上嘅敏感位置,同埋割咗包皮之後嘅敏感位置,有冇唔同?

我最近都嘗試做愛,龜頭直接同陰道磨擦嘅感覺的確比我割包皮之前舒服好多,但係同時亦都帶嚟第二個煩惱,就係我嘅龜頭都仲係好敏感,有時候我嘅陰莖插咗入陰道之後,抽插咗兩三分鐘就會覺得龜頭好熱好敏感,然後就會忍唔住射精。呢個現象正唔正常?自慰嘅時候,大概都係十分鐘內就會射精,呢個時間又屬唔屬於正常?

而家龜頭多咗同底褲磨擦,係比起以前冇咁敏感,但係正如我上面所講,其實都仲係幾敏感,插入左陰道之後,冇兩三分鐘就會射精,呢個情況係唔係正常架?會持續幾耐架?

我本身個醫生都同我講嗰我條繫帶都有啲緊,佢本身都想叫我割埋佢,我應唔應該割?但我又覺得佢未非常影響到我平時嘅性生活,但始終勃起咗之後會有少少扯住扯住嘅感覺。我應該點做?繫帶過緊,會唔會做做下愛嘅時候撕裂或者斷裂架?

其實自慰方法可以有許多變化,不過確實,割了包皮之後,敏感帶少了,自然自慰方式也會較少變化。除了傳統的ok手指狀的自慰方式外,可嘗試反手握著陰莖和龜頭,ok狀指環先扣著陰莖根部,再上下來回抽動。這時,手掌會直接摩擦到龜頭,亦會帶來強烈的快感。另一方法是用傳統的ok手指環先套在龜頭上,指環由龜頭移至陰莖根部後移開,由另一手接續做相同的動作,由龜頭移至根部。兩手交替做相同的動作,模仿陰莖插入陰道的動作。

請不要乾磨陰莖,這是危險動作,有機會磨損龜頭。自慰時一定要塗上潤滑劑,增加陰莖與手部的表面面積的同時,亦幫助陰莖在手部來回滑動。

至於敏感帶,正如我上面提及,割包皮後敏感帶會減少。未割包皮前,龜頭背面丫,包皮翻開時被暴露出來的部份丫,甚至繫帶,都係敏感帶。但割包皮之後,便只留下龜頭和冠狀溝的敏感帶部份。被刺激的部位會少了,但這同時暗示達到高潮因敏感部位少了而沒以往那麼容易,有助延遲射精。

你說的情況都屬正常。日子再久了,再過多十年八載,隨著年紀一大,身體機能亦開始衰退,人到了中年的時候你可能會感到有心無力,出現勃起的問題。隨著自慰和做愛次數的增加,龜頭亦日復一日和內褲磨擦,龜頭的敏感度會因習慣了磨擦而慢慢變弱。若你真的頂唔順,在做愛或自慰時龜頭感到異常敏感難耐的話,可以帶著避孕套。被多一層膜隔著自慰或做愛,理應敏感度會降低。

繫帶方面,通常割包皮時醫生會一併割掉。我年少時割包皮時便已失去繫帶,所以沒有你的勃起時繫帶被勒住的問題。我的建議是,既然繫帶的存在並不引起你日常生活的不便,且正如我上面提過的,繫帶亦係敏感帶的一部份。你能否通過運動,緩解繫帶在勃起時勃住龜頭的不適感呢?嘗試抽空做一做運動,當陰莖勃起時,拉拉繋帶。日子久了,繫帶習慣了勃起時被拉扯的動作,或許有機會會變鬆,改善拉扯的問題。除非你的繫帶確實勒得很緊,在過度勃起時有撕裂的危險,那你便乾脆割了繫帶吧。

Hello~好多謝你信任我哋,分享困擾左你好耐嘅情況:heartpulse:

首先係自慰覺得唔舒服嘅問題,大部份人喺打飛機或者發生性行為嘅時候,都會刺激龜頭或者冠狀溝嘅位置,但其實並唔係淨係得呢啲部位先會覺得敏感。所以喺探索自己邊一個地方比較敏感嘅時候,可以嘗試喺自慰嘅時候刺激其他部位,例如陰莖根部,同埋陰囊等,搵出令自己舒服嘅位置。當然除咗刺激部位之外,有時環境,燈光,音樂,氣氛嘅配合,都好影響享受程度。你可以試吓下次較暗啲燈光,播一啲你覺得適合係呢個時候聽嘅音樂,令你覺得呢一件事係輕鬆,舒服,冇壓力嘅,咁可能可以刺激陰莖分泌更多前列線液,舒緩磨擦嘅痛感。

至於射精嘅問題,由於現時醫學上對早洩嘅定義都係講緊陰莖進入陰道後1分鐘就射精,所以以你嘅射精時間(兩三分鐘),並唔可以定義為早洩,呢方面你都唔需要太擔心~其實有唔少人都會透過練習去延長自己射精嘅時間,例如係刺激陰莖到想射精嘅時候就忍住,重複練習,直至到自己期望要射精嘅時間先射精,久而久之都可以令自己無咁快就射精嘅。除此之外,市面上亦有一啲潤滑劑嘅功能係減低龜頭敏感度,從而延長射精嘅時間。亦有安全套係標榜含有呢啲潤滑劑,設計比較厚或者有特殊嘅紋路去減低刺激感,呢啲都係一個可以考慮用作改善嘅工具嚟。如果試過晒呢啲方法情況都係無改善,甚至變差嘅話,都建議你諮詢返醫生嘅意見,可能係身體機能上出現問題導致有咁嘅情況:pleading_face:

最後其實心理因素都好有影響,可能割咗包皮呢個轉變令你喺發生性行為或者自慰嘅時候感到有壓力同埋沮喪,呢種擔心同焦慮都可能影響到性行為嘅表現。

至於繫帶方面,你可以參考上面嘅回覆。

如果真係好唔舒服可以諮詢醫生嘅意見,或者搵多一個醫生做檢查,再決定割唔割繫帶🫶🏻

謝謝你嘅回答。咁我想請問下,敏感部位的確少咗,但而家我的龜頭同冠狀溝嘅位置都仲覺得好敏感,日子耐咗之後,呢個現象係咪會冇咁明顯?另外你提及年紀越大之後,龜頭同外界接觸多咗,磨擦多咗,便會冇咁敏感。想請問下,咁會唔會導致陽痿或者勃起功能障礙架?

現在我通常都係抽插兩分鐘內便會射精,有時候,當陰莖插咗入陰道之後,就會覺得龜頭異常敏感,更有幾次係陰莖進入陰道之後,只係抽插咗幾下,大概三十秒內便已經射精,滿足唔到我嘅伴侶。唔知係咪因為本身我有包莖嘅問題,龜頭仲未習慣同外界接觸嘅原因?有冇咩方法可以延遲射精嘅時間?

另外繫帶嘅問題,係咪趁住我勃起嘅時候,用手輕輕拉扯繫帶,就會有改善?

正如我頭先所講,普遍我都係喺陰莖插入陰道兩分鐘內就已經會射精,而且有好幾次,當龜頭同濕潤溫暖嘅陰道接觸嘅時候,嗰種包住嘅感覺已經令到我嘅龜頭十分敏感,再磨擦多幾下,就已經忍唔住射精。最後,只能夠靠我用手指去刺激我伴侶陰道入面,同埋撫摸佢嘅陰蒂先可以令佢高潮,但係我嘅伴侶覺得冇陰莖插入嘅高潮,始終唔夠滿足,我亦都因為咁,唔係好敢同我伴侶做愛,究竟係因為乜嘢原因導致我有呢個情況出現呢?係唔係同我割咗包皮有關係呢?我又可以透過咩方法解決呢個問題?定係只能夠靠睇醫生?

Hello~ 明白你嘅困擾:pleading_face: 的確喺擔心自己滿足唔到另一半嘅情況下,對性行為嘅心理壓力會好大,繼而令你抗拒性行為:pleading_face: 雖然你呢個情況好大機會係割包皮所致,但其實陰莖持久度都可以透過一啲運動鍛練去提升嘅:relaxed: 第一可以嘗試"Edging"依個自慰技巧,顧名思義就係徘徊喺高潮嘅邊緣。至於點樣運用依個技巧呢?簡單黎講就係不斷刺激陰莖至感覺就黎要射精嘅時候,然後停止/減少刺激陰莖令性興奮嘅程度回落,之後再重新刺激陰莖至就黎射精嘅狀態,如此類推直到你想高潮嘅時候就let go,不過如果過程有任何不適記住立即停止,有關自慰時使用edging依個技巧嘅資料可以參閱以下文章:https://www.issm.info/sexual-health-qa/what-is-edging-and-why-might-it-be-employed/

另外,你亦都可以嘗試使用延遲射精嘅性用品,例如陰莖環,佢可以透過套喺陰莖根部,減慢血液循環而提升陰莖嘅持久度。不過要注意唔好持續使用多過30分鐘,或者陰莖/陰囊有任何不適都要立即停止使用,因為如果陰莖嘅血流量不足嘅話有機會令性功能受損。如果想購買陰莖環嘅話,可以先上網search下邊間情趣用品店有售,再到心儀嘅店舖選購,因為初次購買都比較建議親身到店舖了解下實物同向店員了解返使用方法:thought_balloon:

另外補充多少少,見你提到包皮繫帶過短嘅情況,雖然有啲拉筋運動有機會可以改善呢個情況,但係都建議你先諮詢左醫生嘅意見,同埋了解運動嘅正確做法,咁就可以避免拉傷或者造成其他負面影響。

若龜頭太敏感,在做愛後不足一分鐘便射精,建議你們在做愛前先來點前戱,刺激一下女方的陰蒂和陰道,摸摸她的乳房,讓她在做愛前先達到一定程度的亢奮才進入她的身體內,以滿足她的需要。

另外,我之前也提到過,做愛時可以帶上避孕套,以減低龜頭直接接觸陰道的機會。巿面上亦有一種塗劑,在做愛前先塗在龜頭表面,以減低龜頭的敏感度。不過我之前試用後覺得效果麻麻,不如想像中有效。

另外的話,可以考慮在做愛一兩個鐘之前先打一陣飛機,射精後一兩個鐘後才再做愛。這樣的話,因為龜頭已經對自慰的磨擦習慣了一點,亦已經射了一次精,所以在做愛時陰莖仍未能完全回復狀態。當然,到做愛時再射精的話,精液份量會減少。後生的話可以試試這個方法。

多謝你嘅回答,我依家都試緊 edging 呢個自慰技巧,但係因為我伴侶因為我之前割包皮嘅時候已經停咗一段時間冇同佢發生過性行為,佢而家幫我試下 edging, 咁當然我都有幫番佢,例如用手按摩佢嘅陰蒂同埋陰道內部,但係佢始終都唔係好滿足,呢幾日我都有嘗試再同佢發生性行為,但係始終陰道濕潤嘅環境緊緊咁包住我嘅龜頭,令我本身好敏感嘅龜頭頂唔住來自陰道嘅刺激,抽插咗幾下就會射精,令我嘅自信更加下滑,有一次直頭喺未插入嘅時候,就已經係佢外面射咗精。想問下,除咗插入之外,有冇啲咩方法通常係女仔都會鍾意,而有親密感架呢?

亦都多謝你嘅回答。我同我嘅伴侶前戲我都覺得做得好足夠,會幫佢按摩佢敏感嘅位置,例如陰蒂或者陰道內部,每次都令到我伴侶陰道好濕潤,佢覺得有一定程度興奮嘅時候,我先會將我嘅陰莖插入,但係因為頭先提及嘅原因, 我覺得最近性行為嘅表現未及預期,令我好緊張,次次都係喺陰莖插入咗之後, 抽插咗冇幾下,就已經覺得龜頭非常敏感,就會射精,而且有一次仲係喺我尚未插入嘅時候,喺佢外面已經射咗精。所以,無論前戲做得有幾足夠,我嘅伴侶都仲覺得未夠滿足,我都覺得好困擾。

而你提及喺做愛之前一兩個鐘先打飛機,我都有曾經試過,但唔知係咪因為太緊張嘅問題,打完飛機射咗精之後,我嘅伴侶嘗試將我嘅陰莖插入嘅時候,我都唔係好能夠勃起,要再抖耐啲,先可以再次勃起。但係唔知係咪因為抖得太耐,又重覆番以上嘅問題,龜頭太敏感。我真係唔知點算好。

另外你之前都有提及過隨着年齡嘅增長,自慰同做愛嘅次數增加,龜頭亦都習慣咗同外界磨擦,敏感度會因為習慣咗磨擦而慢慢變弱。想請教下呢個過程係要幾耐先會發生?會唔會到時導致勃起功能有障礙架?

Hello~好欣賞你願意將你朋友嘅需要擺喺自己嘅前面:heartpulse:亦見到你好努力咁想佢滿足同埋開心~其實每個女仔覺得舒服嘅位置都唔同,所以建議你可以係前戲同佢一齊去探索呢方面嘅嘢,搵出佢嘅敏感點,咁之後就可以係插入之前先刺激佢嘅敏感點,令對方高潮左一兩次之後再插入,延長親密嘅時間。

呢度介紹一啲情侶床上互動嘅卡牌遊戲俾你,你可以按照卡牌嘅指示同女朋友互動,增加情趣之餘,仲可以達到上面嘅效果:smiling_face_with_three_hearts:
https://diutionary.com/product-category/伴侶調情互動/床上互動遊戲/

呢類嘅卡牌遊戲有好多種,你可以帶埋女朋友一齊去香港嘅性用品專門店挑選~

不要太過責怪自己的性表現,這只會增加自己的壓力,阻礙自己與伴侶的溝通。每一個人的身體也不盡相同,你的伴侶應該要體諒你身體的狀況才對。若她得不到滿足,可以買一些抽插式的女用自慰器幫她達到抽插式的高潮。

我因自年少時已割了包皮,年少時便開始打飛機,所以到了四十來歲結婚時,龜頭已完全適應了外部刺激,龜頭都由原本的鮮紅色磨到變淡紅色,所以沒有你早洩的問題產生。不要過份憂慮自己的身體狀況,明天自有明天的憂慮,憂慮只會加增不必要的恐慌。每個人龜頭的敏感度也不同,可能你要有較長的適應期才能習慣外部刺激都未定。你也只割了包皮過多月,言之尚早,不應太快下定論,或許再過多一個月,情況亦會改善一點。建議你每日都抽十至二十分鐘,卒磨一下龜頭,讓他更快點適應外部刺激。我的意思是塗點潤滑劑到龜頭處,自慰一段短時間,但不要射精,目的只是幫助龜頭適應磨擦帶來的刺激,而不是為了性滿足。初時龜頭可能只能磨一兩分鐘,在射精之前停止手部動作,相隔一段時間等刺激消去後,再重覆卒磨龜頭的動作,直至還沒射精之前便停止。這樣來回數次。日子有功的話,你的龜頭應該會更快習慣。亦建議你可以不穿底褲,讓平時龜頭直接和外褲磨擦,增加龜頭有機會和外界磨擦的機會。