少驚 求解答

8月8號果真時有性行為
兩次都有正確戴套
第一次係戴套然後出嚟先正式外射
第二次係戴套然後出嚟先射套
兩次都有用裝水測試冇穿
之後係性行為之後嘅第12日(8月20)同第14日(8月24)驗左都係陰性一條線
但係佢到今日仲未嚟m
之前另一半試過係4,5月其中一個月冇嚟過m
想問下先前驗陰性係11日
之後會唔會先驗到陽性

你好呀 @ohhaa :wave: :wave:

如果兩次都有戴套,事後亦都有裝水測試冇穿,其實懷孕嘅風險已經好低,唔需要擔心嘅。

見你之後亦都有驗孕,其實喺11日之後驗孕嘅話準確率都好高,因為驗孕棒嘅原理係透過檢測尿液中嘅人絨毛膜促性腺激素(hGC) 水平去驗出懷孕結果,hGC只會喺有懷孕嘅身體中出現。通常性行為後7日驗會得到初步結果,11日後驗會得到較為準確嘅結果。 :grinning_face_with_smiling_eyes:

如果11日後已經驗到係陰性,除非你喺呢11日間試過無避孕措施嘅性行為,否則其實會懷孕嘅風險好低,亦都唔會由陰性變陽性。 :innocent:

如果你真係好擔心,可以試吓買電子驗孕棒驗孕,唔單止顯示得比較清晰,如果真係懷孕嘅話,仲會顯示埋懷孕嘅週數。 :star_struck:

1個讚

純粹因為另一半未嚟m所以好擔心
唔知會唔會真係有左

想問一下過左11日如果驗左2次都係冇懷孕係陰性結果
但係月經仲未嚟嘅話係咩情況?
係咪其實有左但係驗唔出

Hello~月經延遲嘅原因有好多,體重過輕,壓力大,生活唔規律…都會導致月經遲嚟。甚至有女性分享中咗covid之後月經週期被打亂。除非月經比起平時遲咗三個星期以上都未嚟,先至需要睇醫生,等醫生考慮會唔會處方荷爾蒙藥物畀你另一半去催經。現階段可以再等下先,如果真係好擔心,可以喺月經遲嚟7日嘅時候再驗多次孕,嗰陣時嘅結果就最準確~

佢7月個陣係20號嚟m 大概嚟7日左右
如果按返嘅話係咪8月27號check 就會係最準確嘅結果嚟架?

就想問下目前過左11日後check 左兩次陰性
咁我係咪可以肯定佢冇懷孕?

同埋會唔會話過多幾多日會可能轉陽性:pray::pray:

月經週期由21-35天不等 ,以經期嘅第一天至下次經期的第一天相隔嘅日數為一周期。所以佢上個月20號嚟m, 唔代表今個月都係20號嚟。想問下你另一半平時有冇記錄低嚟月經嘅日期?因為月經週期每個人都唔同,有陣時每個月都會相差幾日,所以按返你另一半之前幾個月嚟月經嘅情況推算會比較準確。

另外,好似上面咁講月經遲來嘅原因有好多,懷孕只係其中一個,而既然你哋做足晒安全措施,又驗咗兩次都係陰性,咁基本上可以排除有咗嘅可能性,可以留意下最近一個月生活習慣上面有冇改變,會唔會精神壓力過大,或者有冇食會影響荷爾蒙分泌嘅藥物等等。

最後一次性行為之後14日進行驗孕或當月經已經延遲咗7日以上,個結果就最為準確,因為如果喺上次月經週期已經懷孕,咁通常已經懷孕四週,一定可以驗到。如果驗咗兩次都係陰性,咁就即係冇懷孕,唔存在過多幾日會突然間變成陽性嘅可能。

但係距離性行為8月8號係過左兩個禮拜左右
其實月經週期係點計
真係唔係好知道:pray:
同埋另一半冇紀錄經期嘅習慣所以無從參考:sweat:

如果已經過咗兩個禮拜嘅話,咁而家驗孕個結果就已經係最準確,係冇懷孕嘅。
至於月經周期嘅話可以睇返上面,係指上次嚟月經嘅第一日去到下一次嚟月經嘅第一日之間嘅時間。不過都要提返你月經周期其實係好唔規則嘅,如果相差幾日嘅話都屬於正常。如果唔係有好大嘅變動,都唔需要睇醫生。不過好似上面咁講,如果你嚟月經嘅時間遲咗三個星期以上,咁就需要睇醫生,因為有機會係其他子宮嘅疾病,令到嚟月經嘅時間出現變動。

另外,你都可以提返另一半mark番低嚟月經嘅時間,現時都有好多唔同嘅app可以幫我哋更加好咁去記錄同預測嚟月經嘅日子同情況,咁就可以更加好咁去監察自己身體嘅情況啦!

其實係點樣計到四週:pray:
都仲未好明
8月8到宜家過左2個禮拜左右

懷孕四週嘅意思係,如果你喺上一個月經周期裏面懷孕,但係去到下一個月經周期先至去驗孕,中間會相隔左四個星期或以上,咁個驗孕結果就絕對準確。不過以你嘅個案嚟睇,你唔需要執着係呢個部份,因為你好清楚咁記得自己最後一次性行為係幾多號,所以我哋就可以憑呢一個日子往後推11-14日,去進行驗孕,可以確保到驗孕結果嘅準確性。即係話你8月8號進行左最後一次嘅性行為,咁22號之後嘅驗孕結果就已經足夠準確,你嘅另一半係冇懷孕嘅,可以放心:relieved:

即係8月8號呢日係屬於上一個週期嘅?

咁其實會唔會4週驗唔到遲啲先驗到架:thinking:

因為你嘅另一半中未嚟月經,所以8月8號應該喺今個月經周期內。月經周期嘅計算可以參考以下網址:

其實係唔會嘅,因為如果懷孕四週嘅話,身體荷爾蒙嘅水平已經有好大嘅變化,唔會驗唔到出嚟嘅。不過如果你真係好擔心,唔相信自行驗孕嘅結果,咁可以考慮去睇私家醫生或者公共醫院門診,等醫生幫你嘅另一半做個詳細嘅檢查,亦可以照超聲波觀察子宮內嘅情況,醫生專業嘅判斷就最可靠啦!

呀原來我記錯左
應該係8月10號發生行為
咁係唔係屬於週期內架:thinking::thinking: