剛剛真係忍吾到
囉左bra同女底褲，入左廁所戴好bra就開左AV磨J打飛機
我忍左大半日思想淫念，結果都係忍吾住打飛機
其實自己需要都好大，大約每星期3次左右
近排仲開始左嘗試去吾同品牌的內衣
當然話買比女朋友都無人覺得奇怪，店員仲熱心介紹性感款
自己想識女仔打算想戒丁
戒吾到好難識女仔，同比人地知自己縮係屋企果陣做女仔，好羞
點樣做好
有性需要很正常，一星期三次打j亦唔算好多，亦無需擔心要戒掉打飛機才能識女仔。識女仔同打飛機係兩回事，識左女仔後仍然可以自慰，冇衝突，最重要係適可而止，不過份沉迷。若終日都係淫念，建議你培養多些有益身心的活動，打發時間之餘亦能分散注意，且費量參加群體活動，避免一個人留在家，這只會胡思亂想。我最擔心係你的性癖好，建議你去資詢性治療師，尋求他們的協助。
1個讚
Hello～多謝你嘅發問！
睇翻你嘅問題先，因為你之前都曾經喺我哋呢度出個post
(忍住吾射性慾更強 - #2 Kaleo_StickyRiceLove)建議你可以上去再睇一睇之前同事覆你嘅內容
因為見到你仍然都覺得自己需求呢個問題係需要改善嘅，我亦都好欣賞你會主動去證明自己嘅性需要同問題，你會用希望用自己嘅方法去解決自己嘅慾望，雖然你喺購買內衣褲嘅過程講咗一個白色嘅謊言，但係因為你唔係傷害到任何人嘅前提下解決咗自己嘅需要，所以你呢個行為係值得讚賞。我哋之前都有同你講過用女性內衣褲嚟自慰其實係無問題既，因為呢個係每個人嘅取向，只要你冇影響到任何人，而且又令到自己可以得到歡愉嘅話，其實冇要戒甩呢個癖好嘅必要
亦都見到你話啦你想戒自慰同埋想識女仔，但係其實兩者係冇一個既定嘅關係嘅，呢度都想了解下點解你會覺得一定要戒咗自慰呢一個習慣先可以識女仔呢？呢方面嘅需求會喺認識女性呢方面有咩影響？如果要識女仔係咪一定要戒左自慰習慣，佢哋兩者係咪只可以有一者存在呢？
呢度都提供返幾條問題畀你思考下：
1.係咩原因令到你想識女仔/覺得要戒自慰呢？
2.點解唔戒J就好難識女仔呢？
3.自慰對你而言有咩意義同代表啲咩呢？
其實都想話比你聽，性呢樣嘢係每個人嘅都需要嘅一個部份，而且你係滿足到自己嘅需要亦都唔影響到任何人嘅情況下，其實係冇問題個喎，所以你唔需要對於自己有自慰呢個行為覺得有罪惡感，或者標籤呢個想法係一個邪念。
再者，喺認識女仔嘅方面，你可以嘗試喺你自己工作嘅圈子，又或者共同朋友嘅圈子裏面，試吓主動認識新朋友。雖然我係對你嘅交友狀況唔太清楚，不過如果你想擴大你嘅社交圈子，去認識一啲異性嘅話，可能就需要你踏出你嘅舒適圈去主動認識，先至有可能擴大到自己嘅社交圈子。其實都見到你上面有講自己唔想成日屈係屋企，又或者有啲小秘密唔想比其他人知，會唔會係因為之前曾經有啲唔係咁好嘅經歷令到你唔想同人地分享呢？如果你而家暫時覺得係現實生活主動去認識一啲人，可能會對你有少少困難嘅話，你都可以嘗試用一啲交友Apps去認識一啲朋友，例如: good night(語音溝通)又或者heymandi(文字溝通)，作出嘗試先。首先就唔好話一定要目標係識到女仔先，你可以有同性朋友開始令你自己覺得比較舒服咁樣去認識一啲朋友(唔會令你有啲唔舒服嘅感覺)，再同身邊嘅已經熟悉嘅女性朋友多多交流了解吓，至於你講緊你經常會着住女性嘅內衣嚟自慰，我覺得你可以自己衡量下想唔想同未來嘅另外一半講，因為如果你冇傷害到任何人嘅話，而你自己又唔想講嘅，我覺得其實可以唔講都冇乜所謂，最緊要係喺你自己舒適嘅情況而你又想比人哋知先至講都OK。
希望我上面嘅建議可以幫到你，如果你仲有問題嘅話亦都可以喺下邊繼續留言🫂
(Intern同學 Yee)
多謝你嘅回覆
我見到你比我的回應。比較多野講。可能要分多幾次
我
先講著bra同底褲。著住果陣似係有個女仔同我一齊做愛。摸上去質地又滑。會有種安全感
欣賞D花款同埋有幾套換來換去。會摸均自己個身做按摩甘樣。當左係藝術館入面甘。生活好悶
多野煩感覺點解D底褲杉可以甘多顏色
我每次過程都要玩大約1個鐘左右。真係射精反而無咩感覺
跟住就會執番齊整佢。所以要等屋企無人先玩
我想租酒店做E樣野。因為我無自己房。有幾次差D比屋企人見到好驚
每個月都用一件新under/bra算吾算好多
覺得羞恥係點解吾去正經甘識異性。甘就有機會透過親密關係解決性需要
打飛機我有時覺得係有D吾正常。自己想法比較保守
多謝你同我哋分享咁多你嘅個人經歷同感受／
不過正如我哋之前不斷咁解釋同強調，自慰同唔同性喜好係生活正常嘅一部分，只要係喺安全、私隱嘅環境進行，而且冇影響到其他人，其實冇話咩「正唔正經」或者冇一個標準。
如果你覺得去酒店呢啲比較有私隱嘅空間令你比安心同舒服嘅，不妨去做。而每個月用幾多新嘅內衣其實都冇一個標準去衡量。你鍾意嘅可以日日用新嘅。
另外親密關係呢部份，都想你明白，唔係所有人都一定喺親密關係入面發生性行為，有啲人可能未準備好、有啲人可能唔想、又或者有好多其他嘅原因。希望你唔好有呢種誤解，覺得有親密關係就代表對方一定會同你發生性行為。與此同時，有唔少人都會用其他方法或者同其他關係去解決性需要，只要參與性關係嘅人係有共識嘅，咁就可以。
有時如果我哋自己都唔能夠去接受自己、用有色眼光去睇自己，咁可能無論其他人點睇我哋，我哋都會覺得佢哋係評論或者批判緊我哋。所以而家可能你要梳理下自己嘅感受，改變下自己對自己嘅睇法。如果你自己唔主動去接納自己嘅唔同面向，我哋點樣去講，可能都幫助唔大。
希望你會搵到同自己好好相處嘅方法。 