可唔可以解答一下

我係一個小六學生,今日同我男朋友做咗,我仲未嚟M,我男朋友都射咗係出面,冇套冇食藥,會唔會有咗…

你意思係今日做完,今日無黎到m?因為正常懷孕係唔會即時知道

Hello~多謝你嘅問題!

睇翻你嘅問題,進行性行為時候冇戴上安全套,並且事前事後冇食藥。雖然係體外射精,但性刺激嘅時陰莖通常會自動流出一些透明而黏稠液體-尿道球腺液(Pre-cum),當中有機會含有少量精子。雖然比直接在陰道內射精的數量少很多,但仍然有機會導致懷孕。

建議你服用事後丸(緊急避孕丸),緊急避孕丸須要在發生不安全性行為後72小時/120小時之內服用。如有需要可以選擇聯繫家計會或其他私家診所尋求事後避孕措施。緊急避孕藥物不應作長期使用的避孕方法。事後避孕藥在香港屬於醫生處方藥物,可以於公立/私家診所取得,家計會診所/母嬰健康藥院亦有提供。如情況緊急亦可以考慮前往急症室求診。而一般聲稱有售事後丸而毋須醫生紙的藥房或網店,由於沒有醫生駐診,所賣的藥並不一定可靠。https://www.famplan.org.hk/zh/health-info/contraceptive-methods/emergency-contraception
而喺度提提你喇家計會係需要預約先可以拎事後丸,同埋星期六日係唔開,最快都要星期一先至拎到事後丸,咁嘅話好大機會過咗上述嘅時間(72小時/120小時)咁可能你需要注意翻。而去急症室會係比較好啲,收費比較平,但係如果以你係一個小六學生自己去急症室嘅話,雖然都會提供事後丸畀你,但有機會會畀急症室嘅姑娘詢問,同埋有機會轉介去見社工。

而想知道自己是否懷孕,最直接的方法是。去買驗孕棒測試,或去醫院驗血。驗孕棒是透過檢驗尿液中的人絨毛膜促性腺激素 (hCG)水平,hCG是卵子受精著床之後身體會產生的一種荷爾蒙。卵子受精著床需要大概6-9日嘅時間。所以,在性行為發生7日後驗孕會得到初步結果,而在11日之後或預計月經日子使用就會得到相對比較準確嘅結果。如果兩個都係陰性,咁就應該是沒有懷孕了。

另外,睇翻你所講你係一名小六學生,可能要注意一下法例部分。根據第200章《刑事罪行條例》第123條,與13歲以下女童非法性交,是刑事罪行,最高刑罰是終身監禁。根據第200章《刑事罪行條例》第124條,與16歲以下女童非法性交,是刑事罪行,最高刑罰是監禁5年。以上係你男朋友需要負上的法律責任喇,喺度都建議你16歲之後先進行性行為,同埋進行性行為嘅時候要做足安全措施。

同埋都想問一問你男朋友係幾多歲?你喺性行為嘅過程中係咪自願?過程中雙方有冇達成共識?如果係雙方冇達成共識下進行性行為,咁就會牽涉到性暴力等嘅性罪行!!

希望以上答覆可以幫到你~

(Intern同學 Peter)