你好，同女友都是新手，我進去時仍很硬，但當女友開始濕的時候便會感到磨擦感減少，我便會軟掉，之前初初破處時幾次做愛都不會有這樣情況，可以硬很久，現在卻一濕就冇乜感覺就軟，係因為以前太習慣自慰？可以怎樣改善？謝謝…
Hello
多謝你嘅提問～
見到你主要嘅困擾係性行為是陰莖硬度嘅問題，主要因為女友陰道濕潤導致磨擦力減低，同埋有可能因為以前自慰嘅習慣。
咁首先講咗磨擦力減低嘅問題，其實有冇破處女膜，同女性陰道濕潤度冇直接嘅關係。所謂嘅處女膜其實叫陰道冠，佢嘅形狀並唔係好似一塊密封嘅膜咁樣，佢係一個有唔同形狀嘅結締組織。有啲女性可能因為做劇烈嘅運動，導致未發生性行為前已經令陰道冠破裂，而且有啲女性即使係發生過性行為，陰道冠都唔會完全破裂。
至於女性陰道濕潤問題，其實女性性興奮嘅時候所分泌嘅液體稱為巴氏線液，半透明而且無腥味，主要作用係令陰道潤滑，讓外物（陰莖、手指、性玩具等）更容易進入從而產生成歡愉。如果想令到性行為期間增加返磨擦力，市面上有一啲安全套係有凹凸/波浪紋嘅設計，就係為咗可以增加陰莖同埋陰道嘅接觸點，從而增加刺激度。一方面可以增加磨擦力，亦都可以避免意外懷孕嘅機會同埋預防性病，一舉三得
另外有關自慰嘅習慣，由於唔清楚你自慰嘅習慣，但其實自慰同性能力並無直接嘅關係，但自慰習慣的確會影響性行為時嘅表現、性刺激度同埋持久度
第一：自慰嘅時候可以由自己控制力度或者刺激方式，可以達到「最令自己滿足」嘅自慰形式；當同其他人發生性行為嘅時候，由於要顧及對方嘅需要，未必可以用「最大刺激」嘅形式進行
第二：男性自慰嘅時候通常會用最「快速」及「高強度」嘅方式刺激陰莖，肌肉會習慣呢個時間長短；但當同其他人發生性行為嘅時候，有機會會超過自己自慰嘅時間，肌肉未能適應之下就會影響性刺激度同埋持久度
希望解答到你嘅問題
謝謝解答，係同女朋友協調下其實已經係唔用套，但都係經常係一濕就冇feel就軟
，因為就快結婚亦都想之後盡快生育，好擔心之後都會咁
對生育有影響。自慰冇呢個問題，亦有晨勃，好想解決，想問減少自慰會否有幫助？
其實都睇左泌尿科，醫生又話冇生理問題，食左藥改善左少許，但問題仍存在，係咪只有不斷練習？
我已年屆中年，和老婆做愛時間中也有中途軟掉的情況。當中途軟掉時，我會暫時離開陰道的刺激，用ky gel自慰一段時間後，等陰莖再次勃起快要射精之前才再次插入陰道內射精。有時，我會改變做愛姿勢，用女上男下的插入方式，我老婆便如蠻牛一樣在我上面猛力用陰道前後卒磨我的陰莖，達致陰莖再次勃起的狀況。或試用狗仔式，從後方插入陰道，這樣會插得較深入，頂到子宮。
睇返其實你之前都有問過類似嘅問題，我哋有俾到啲詳盡嘅回覆，你可以參考返：
有時心理壓力、疲倦程度、當時嘅環境、荷爾蒙水平等等都會影響勃起嘅狀態嘅。建議你哋可以探索下點樣可以令到大家都放鬆啲，狀態好啲。
明白你哋有生育嘅期望，但有時呢種期望可能都會成為一種壓力，反而令到勃起同射精受到影響。
至於自慰方面，我哋之前都解釋過，有時減少自慰頻率同強度都會有幫助。
除咗睇醫生之外，你哋都可以考慮去見下性治療師、輔導等專業人士，可能由心理或者生活方式等層面入手，都可以幫助到你哋。可以參考：性治療 - 香港家庭計劃指導會