Sex coaching vs sex therapy

和老公有共識想要bb,嘗試了大半年,雖然沒有成功懷孕但過程都沒有大問題,但最近兩個月老公經常未插入已射精,或有勃起困難。請問這種情況下應該找sex coaching還是sex therapy?

我個人覺得搵性治療師會比較恰當。你老公多少歲了?建議你老公先徵詢治療師的意見,做做身體檢查,看看什麼導致勃起異常,一時早洩,一時又勃起困難。且你們準備有bb, 做做產前檢查亦能確保身體健康,能負擔得起有下一代。若檢查過身體一齊正常,可嘗試找找性助教,如何在做愛體位上做配合,使能順利進入後射精。

不太清楚你老公為何同時會有早洩和勃起的問題,描述不太清楚,是否在做愛前經歷過大心理壓力,有時心理狀況亦會影響交合時的表現。

生b的話,建議不要做得太密或太疏,建議隔兩日才做一次,保證精子的數量和精液的質量。

謝謝你的建議!

我老公今年36歲,我30歲,半年前做過孕前和婦科檢查,報告都合格。老公的早洩和不舉不是同次出現的,我們認為是計算排卵期令他有壓力,所以這個月我們沒有再計日子,但可能之前的失敗經歷令他有陰影,情況就未有改善,所以我們才考慮是否要找sex coaching或性治療。

Hello 多謝你信任我哋同我哋分享你嘅經歷 :sparkling_heart:

明白準備同嘗試懷孕嘅過程可能有好多唔同嘅情緒,有期待、緊張、興奮、甚至失落等等。想你同老公知道,勃起係陰莖受到刺激之後,海綿體空腔充血,陰莖脹大同埋變硬嘅現象,係由神經、血管等一系列複雜因素配合後出現嘅結果,所以會受到好多唔同嘅因素影響,例如當日疲勞程度、身體水份、精神壓力、環境、刺激情況等等。

如果你哋呢排嘅性行為都比較「匆忙」、甚至你哋覺得有啲似「交功課」,咁不妨俾個機會大家去好好享受一次性歡愉。你可以嘗試同老公商量,搵一個大家都覺得ok嘅時間,去個安全、舒服、令到你哋放鬆嘅地方,然後慢慢嘗試。又或者試下營造一個同平時唔同啲嘅氣氛,可以試下調節下燈光、或者試下用香薰、又或者係播住音樂。然後慢慢去發掘令到雙方都舒服嘅行為。一開始唔需要急住插入嘅,可以多啲前戲,例如親吻、愛撫等等。當大家都放鬆嘅情況下,嘗試插入;試下唔同嘅姿勢、唔同嘅郁動頻率同幅度、唔同嘅力度,睇下有冇邊個係令到你哋覺得舒服同埋刺激嘅。就算冇勃起或者未插入就射精都唔緊要,呢個係一個探索同放鬆體驗嘅時間,可能一次未必得,需要多幾次,最緊要係放鬆地去享受個過程。可能佢會咁樣慢慢放鬆落嚟,進入狀態。 :blush:

另外如果你覺得ok,你都可以嘗試問下老公,佢平時有冇自慰嘅習慣。佢自慰嘅時候有冇中途軟嘅情況? :face_with_monocle: 自慰可以係一個好好了解自己身體、探索自己喜好嘅過程。如果佢平時自慰冇呢個情況,咁你哋都可以討論下,佢平時自慰嘅喜好同習慣係點樣?有邊啲部位敏感,接觸到會令到佢舒服?鍾意點樣嘅頻率同強度? :thinking:同你發生性行為可能個刺激同佢平時自己自慰好唔同,所以產生嘅刺激亦會唔同,甚至可能佢因為準備懷孕有緊張嘅感覺,都會影響勃起嘅狀態。你哋可以嘗試溝通下彼此嘅喜好。

另外,都有啲練習可以介紹下,循序漸進咁堅持慢慢做,都可能會提升到持久度、令到陰莖勃起時間耐啲、對刺激嘅接受程度多咗嘅。 :wink:

  • 第一種係「斷續刺激」,可以喺自慰嘅時候試下練習,當想射精嘅時候就暫停刺激,俾啲時間自己冷靜,當想射精嘅感覺消退/減弱嘅時候,再繼續刺激。如此類推重複幾次,然後先射精。但記得唔好強迫自己長期完全唔射精。

  • 第二種係「凱格爾運動」,呢個係一種鍛煉骨盤底肌嘅運動嚟嘅,因為骨盤底肌同陰莖其他嘅器官都有關聯,當訓練咗骨盤底肌就會可以較為容易啲控制肌肉。現時網上都有唔少鍛煉呢組肌肉嘅訓練方法,有啲可能係瑜伽動作,有啲會係健身work-out嘅做法,可以建議老公嘗試下,睇下邊一種運動鍛煉嘅方式最適合。不過都有啲更加簡單、隨時隨地都可以做到嘅鍛練方法。首先要識得搵到呢一組肌肉,其實收縮呢組肌肉嘅感覺係類似忍尿嘅感覺,甚至可以去小便嘅時候真係試下中途忍住,感受下嗰種感覺。然後就可以隨時隨地去做,做嘅pattern可以因應身體情況去制定。例如一開始可以嘗試收縮嗰組肌肉5秒,然後放鬆5秒,咁樣為之一組,重複呢組動作10次。然後當身體適應咗,可以再加長加多鍛煉嘅時間同次數。

不過要記得嘅係,呢兩種方法同其他鍛煉身體嘅練習一樣,都係要循序漸進唔可以太強求身體第一日就做得好好,同埋都需要持之以恆堅持練習呀。當身體覺得唔舒服就要作出相應嘅調整,減少訓練嘅強度/暫停練習,以免傷害到身體! :nerd_face:

至於搵專業人士諮詢意見方面,其實可以搵醫生檢查下身體先,排除一啲影響性功能嘅生理因素,例如血壓問題等 :woman_health_worker:t2: :man_health_worker:t2:。排除之後,可能你哋都會有份安心~
至於要搵性生活啟導 (Sex Coaching) 定係性障礙治療 (Sexual Dysfunction Therapy),都係睇你同老公嘅意願,或者兩邊都去見下治療師/輔導,可能多一啲建議對於你哋嘅懷孕準備都多一份幫助。可以俾啲資料你參考下:性治療 - 香港家庭計劃指導會

最後想你知道,現時生育醫學技術都好發達,如果有任何困難都總會有解決辦法嘅,千祈唔好因為嘗試大半年都冇成功懷孕就怪責自己或者伴侶、亦都唔好俾壓力自己。你哋兩個保持身體心理健康,可能身體都會更加容易懷孕嘅。希望你哋早日如願以償啦~ 有咩問題隨時搵我哋!~:smiling_face_with_three_hearts:

1個讚