無套愛愛好驚

8月24號的時候跟女朋友愛愛。是無套的,果陣時係體外射,應該冇射到入去。然後女朋友好似係8月11號先開始嚟M,所以有機會係危險期做咗?但係啱啱女朋友同我講話佢啱啱好似嚟M,佢有feel到m痛嘅感覺。佢依家就嚟18歲。但係嚟M早咗10日左右。請問這是正常的嗎,洗唔洗做啲特別嘅野?感謝:pray:t2:

Hello~多謝你嘅發問!

首先,你提到喺進行性行為嘅時候冇使用到安全套,但係係體外射精。其實喺性行為發生期間,陰莖係性興奮時會流出透明嘅尿道球腺液,尿道球腺液有機會含有少量精子,所以如果尿道球腺液直接接觸到陰道都係會有懷孕嘅機會。

另外,都想同你解釋一下,其實月經週期呢樣嘢會俾好多嘢影響到架,休息時間係咪足夠、有無長期熬夜、生活習慣有無改變、係咪食緊藥物、係咪長期期處於擔心狀態等等都會影響到嘅。每人每次嘅月經週期都可能唔同。而排卵期,即係所謂嘅「危險期」,係要等月經出現之後先可以推算出,除非每日喺醫護人員指導下用排卵試紙測試,否則好難準確咁知道究竟邊日排卵。所以「安全期」呢樣嘢係唔準確可靠嘅。無論係月經週期嘅邊一日,只要陰道/陰道口同精液/尿道球腺液有接觸,就會有一定嘅懷孕風險。

因為你呢一次發生嘅性行為都有懷孕嘅風險,所以都建議你可以用驗孕棒進行一次驗孕,排除左懷孕嘅可能先。因為驗孕棒係透過檢測尿液中嘅人絨毛膜促性線激素(hCG)濃度去判斷有冇懷孕,而只有受精卵着床成功嘅女性身體先會分泌hCG,卵子受精着床嘅過程需要大概6-9日,所以通常最後一次性行為嘅7日後(8月31日)會有一個初步嘅結果, 而11日後(9月4號)就會有一個準確啲嘅結果。咁知道個結果之後你都可以安心啲啦!

至於你話「女朋友同我講話佢啱啱好似嚟M,佢有feel到m痛嘅感覺」,都想了解下佢係咪有出血?經血量係咪同平時類似?如果係嘅話,應該就係月經。如果只有「m痛嘅感覺」冇出血,咁都有好多唔同原因導致,例如經前不適、甚至壓力大都會影響到。而如果出血量比較少,咁都建議首先去驗孕,排除懷孕嘅可能;然後觀察下出血嘅情況,如果比較少嘅話,可能係排卵期出血,如果血量有增加,咁就應該係月經。

最後想你同女朋友商量下,如果未有生育嘅打算都建議使用安全措施。每次性行為嘅全程都正確使用安全套,咁就可以更加安心。關於安全套嘅正確使用方法可以參考:糖不甩 Sticky Rice Love on Instagram: "《Stickypedia系列-安全性行為:第一寶》 講起安全套,大家都會直接聯想到「男用安全套」,呢樣產品方便易用,可以避孕又可以預防性病傳播,如果100%正確使用佢嘅避孕率可以高達92%[1]。但世事係無咁完美嘅,男用安全套有大概13%失敗率[2],而最常導致安全套「唔安全」嘅原因包括 🤭掉轉正反面 🤭無將儲精囊內嘅空氣擠出 🤭無戴到最底 🤭唔係整個性交過程都戴住 🤭潤滑度不足 🤭用咗唔啱嘅尺寸 嗯...驟眼睇大部份意外都係戴嘅期間出咗事,所以今次Stickypedia小百科想同大家詳細講下到底點樣「正確使用安全套」。除咗留意圖2同圖3嘅教學,向左滑最後仲有短片(圖4)示範架~ 雖然佢叫做「男用」,但其實唔係只係男性可以用於陰莖上架。安全套可以係指交,探肛,自慰時使用,亦可以用於唔同嘅性玩具。不同形式嘅性接觸都有機會傳播性病,所以係不論性別/性傾向/性行為取向都可以使用安全套去保護自己同他人,仲可以減低刮傷脆弱黏膜造成傷口嘅機會。 潤滑度嘅問題,我哋會係「第二寶-潤滑劑」再同大家詳細介紹同解釋。知道大家都會好好奇咁點先可以揀到最適合自己嘅套套,唔駛擔心,下一期嘅Stickypedia就會圍繞安全套嘅五大要點,仲會講下「女用安全套」呢樣神秘嘅產品~ 📚 [1] Trussell, J., & Guthrie, K. A. (2007). Choosing a contraceptive: efficacy, safety, and personal considerations. Hatcher RA, Trussell J, Nelson AL, Cates W, Stewart FH, Kowal D. Contraceptive technology. 19th revised ed. New York (NY): Ardent Media, Inc, 19-47. [2] Trussell, J., Aiken, A. R. A., Micks, E., & Guthrie, K. A. (2018). Efficacy, safety, and personal considerations. Contraceptive technology. 21st ed. New York, NY: Ayer Company Publishers, Inc. ——————————————— Come talk to us! 糖不甩討論區有性治療師同義工答你問題!識揀,一定揀糖不甩! Discuss.stickyricelove.com #stickypedia #stickyricelove #糖不甩 #stickypediasafersex #stickypedia安全性行為 #condom #安全套 #五大寶品 #缺一不可 #sexeducationhk #性 #性教育 #gender #relationships #sex #hksex #hklove #hkboys #hkgirls"
或者女朋友可以考慮打避孕針或者食避孕藥,可以去家計會診所/母嬰健康院/部分私家診所睇醫生檢查身體,醫生認為身體情況適合就會注射避孕針/俾避孕藥。不過要注意嘅係,避孕藥同避孕針並唔可以好似安全套咁,減低性病傳播同其他感染(例如尿道炎、念珠菌感染等)嘅風險。你哋可以根據需要選擇適合嘅安全措施。

希望以上嘅資訊幫到你~

(Intern同學 Nicole)

唔好意思🙇🏻‍♂想再問一下,如果嚟緊幾日都有出血嘅話係咪可以排除懷孕嘅機會?:pray:t2:

Hello~呢樣就取決於出血量,如果出血量同平時嚟月經差唔多就可以排除懷孕嘅機會,但如果出血量唔多,或者得啡色嘅分泌物,咁可能係排卵期出血,或性行為期間過度磨擦導致陰道出血,唔能夠排除懷孕嘅機會。如果真係好擔心,可以好似上面同事咁講,喺性行為7-11日後進行驗孕。

如果4/9之後嘅驗孕結果為陰性,咁就可以確定冇懷孕啦~