事後避孕藥副作用

想問返來m前一星期食事後藥係咪會提早, 正常平時月頭4號左右, 但呢次提前咗2-3日, 係咪藥嘅副作用

睇返你上面都有問到,嚟M前一個禮拜食事後藥會唔會提早嚟M,其實食咗事後避孕藥出現唔規則出血、經期比以往嘅周期提早或者延遲都係一個常見嘅副作用。而且服用事後避孕藥,仲會有機會有以下嘅一啲副作用,例如:噁心、嘔吐、腹痛、疲勞、頭暈、乳房脹痛又或者頭痛等等⋯

參考資料如下:

緊急事後避孕藥(Levonorgestrel) :用途功效、潛在的副作用與注意事項 - Hello 醫師)

雖然食事後避孕藥有機會,會出現月經周期吾規律,但係其實本身月經周期都唔一定係固定嘅,今次月經周期吾規律,有機會係其他外在因素影響,例如:生活習慣(捱夜)、壓力導致周期不穩定(影響荷爾蒙水平)、其他藥物影響,所以未必係同今次食咗事後丸有關係。

(月經晚來有8大原因!快看你是哪一種 | 月經遲來 | 懷孕 | 減肥 | 大紀元)

不過如果你都係對呢個情況有擔心嘅話,你都可以去搵醫生問清楚,因為我都唔係十分清楚你嘅情況,而且我都唔係專業人士,所以如果你仍然係有疑慮嘅話,都建議你可以去問醫生,希望以上嘅建議可以幫到你,如果你再有其他疑問嘅話,你都可以再喺下面留言。

(Intern同學Yee)