食緊避孕藥打針有冇問題

雖然唔知有冇人解答到我,但我都想問下,啲人話打針會遲嚟m,但係我食開避孕藥,每個月都好準時,咁打完針會唔會影響個週期

其實打針對身體嘅副作用係因人而異嘅,就算你有食開避孕藥,都唔能夠保證經期一定準時到。

呢度都補充番事前避孕藥嘅詳細資料俾你:heartpulse: 而事前口服避孕藥嘅服用方式係,喺經期嘅第一日開始使用,如果係21粒嘅劑型,需要每日吃一粒,吃完21日停7日,下一包喺停藥嘅第8日開始服用,大約依照食3個禮拜、停1個禮拜嘅邏輯嚟服用。

如果選擇28粒嘅劑型,裏面就含有24粒有效錠同4粒無效錠、或者21粒有效錠同7粒無效錠兩種,用法都係由月經第一天開始服用,跟箭嘴指示每日吃一粒,唔需要停藥。一般嚟講,上述嘅低劑量口服避孕藥需要連續服用7至10天,當藥性喺血液中達到穩定濃度,先產生到避孕效果。如果正確服用,可以達到99.9%嘅避孕率。而嗰0.1%嘅好有可能係因為體質因素,或者因為同時服用其他影響避孕藥的藥物,好似抗生素、鎮靜劑等。而避孕失敗,多數係因為服用下一包藥嘅時間太遲、或者連續三日唔記得咗食藥。唔記得服藥都有補救方法嘅,只要喺12小時內盡快補食,並且繼續服用當天嘅藥丸,或者喺第2日連食2粒避孕藥。如果一連2日都唔記得食藥,應連續2天都服用2顆避孕丸,之後再每天服用1粒,直到食哂成包藥為止。不過,呢種避孕效果仍然有風險,最好喺漏食之後嘅7日之內,配合其他避孕方法,例如使用安全套等,確保避孕效果。不過,其實任何藥物都可能影響避孕藥裏面嘅荷爾蒙效力。所以,無論服用事前定事後避孕藥,如果同時服用緊其它藥物,最好配合埋另一種避孕方式。因為服用完抗生素之後,就算隔咗幾個鐘再食避孕藥,都唔能夠保證抗生素嘅藥性唔會影響避孕藥,畢竟藥物喺體內會有半衰期嘅情況,甚至可能影響新陳代謝。除咗感冒藥同抗生素會影響避孕藥效果,一啲精神疾病用藥,例如癲癇、抗憂鬱藥物等,佢嘅影響更大。如果有服用開上述藥物,咁喺服用避孕藥之前,一定要事先查詢婦科醫生,並針對個人情況做調整。

所以如果你打完針之後發覺月經週期有改變,可以諮詢返你嘅家庭醫生,睇吓需唔需要重新服用事前避孕藥,或者配合外用嘅避孕方法,直至週期變得規律。不過係正常嘅情況下,只要保證冇食漏藥,都可以確保避孕成效嘅,唔需要擔心:sparkling_heart: