?到底點解陰道會咁痛?

咁我前前後後睇咗3-4個西醫,一個專科,初初西醫驗到係陰道念珠菌,咁我一路不停食藥,塞藥,之後食哂都仲係咁,我就再買1-2樽私密護 一日2次2粒,都係冇用…
後尾又去睇專科醫生,直頭種菌&驗入去都話冇事,只係純粹之前流產個傷口仲有一個芝麻咁細嘅傷口末埋哂,但係我話性行為都好痛好那,佢都只係話我可能太耐冇性生活/搽多啲KY…🫠
不過佢都有照開抗生素,塞藥同埋搽藥比我,不過上2個禮拜都已經食晒,塞、搽晒,隔咗幾日想性為又係咁一擺入去就好痛,我再call 醫生問都話可能只係傷口問題/你尼睇多次/只會開塞藥比我:cry:
請問如果係咁會唔會係前庭炎?:pray::pray:

Hello~多謝你嘅提問:heartpulse:首先同你分析下前庭炎嘅症狀,前庭位於小陰唇內側底部;亦即係上半部介於小陰唇同尿道口之間,下半同埋處女膜外嘅地方為之底下。佢嘅範圍非常細,很難被指引出嚟,但佢上面佈滿咗整排嘅小腺體,能夠分泌滋潤尿道口同陰道口嘅液體。以下係前庭炎嘅症狀:

  1. 內陰唇有泛紅的狀態
  2. 輕輕碰觸前庭部位會伴隨搔癢與劇烈疼痛
  3. 外陰有輕微搔癢感
  4. 產生灰白色、帶腥味嘅水狀分泌物
    因為前庭炎到目前為止都冇一個明確嘅發病成因,並且因為部位不明確,醫學上亦冇被廣泛研究,所以我哋喺呢度冇辦法提供到更加詳細嘅資訊,以醫生嘅診斷作準。

另外,見到你話流產之後陰道有一個好細嘅傷口,建議你去搵婦科醫生做檢查,睇吓會唔會係傷口發炎,或者流產造成嘅併發症或者副作用等等。

最後,都想問一問你平時有冇清潔性器官嘅習慣~因為尿道炎或陰道炎之所以會不斷復發,除咗係性行為交叉感染之外,仲有好大嘅因素係因為清潔得唔乾淨。我哋每日沖涼嘅時候都應該要用溫水輕輕咁擦拭外陰部,唔需要特別用沖涼液或者下體清潔液,但係要留意沖完涼之後,要等陰部完全乾晒之後先好着底褲,唔好up住,如果唔係就好容易變咗細菌嘅溫床:cold_face:

希望以上嘅內容幫到你🫶🏻