食藥會唔會好啲..

琴日我同男朋友做果陣,佢冇帶套+內射咗…
但係我有係私家診所打開一個月一次果隻混合荷爾蒙避孕針
咁其實係咪始終食返事後會好啲
但係醫生都話其實打咗針之後有97-99%唔會中
真係擔心會有咗 :sob:

Hello~多謝你嘅發問!
首先想同你講翻事後丸嘅資訊先!其實事後丸嘅成效都係差唔多係97-99%,而事後丸嘅原理係透過用高質量嘅人造荷爾蒙抑制排卵,所以有機會令你嘅經期提早或者延遲。而你所打個隻混合荷爾蒙避孕針就係每一個月要打一次,而且你嘅經期都會規律化,唔會有提早或者延遲,咁避孕針嘅成效其實同事後丸差唔多,所以避孕針係高成效嘅避孕方法。但其實事後丸係一個緊急嘅避孕措施,唔建議作為一個恆常嘅避孕方法,因為事後丸所含有嘅高劑量荷爾蒙有機會令你嘅經期提早或者延遲,同埋有啲不規則嘅出血,而且一個月經週期唔可以食多過一次,所以事後丸嘅副作用係比較大。

咁都睇得出你好擔心會懷孕,咁你可以用驗孕棒去驗孕,係進行性行為後嘅第7日就可以驗出初步結果,而喺性行為嘅11日或之後驗孕嘅結果會更準確,只要照住驗孕棒個說明書用就可以啦!最後都想提提你,冇一種避孕方法係100%可以避孕嘅,如果你好擔心會懷孕嘅話,都建議你係打完避孕針之後,進行性行為個陣都帶翻個安全套,相對黎講會更加有保障!如果你覺得避孕針都唔可以令你安心嘅話,都可以停止性行為,等到準備好嘅時候再進行翻!

1個讚