插入就好快射 但其他方式就正常時間

平時自慰都正常時間 大約幾分鐘先射 唔會話掂下郁下就好有感覺同女朋友試過其他方式都係好正常 但係只要插入陰道就會好有感覺 抽插多幾下就射咗 少過1分鐘就射咗可能30秒左右
我都只係有過幾次插入陰道嘅性行為 經驗唔多
我想知咁樣係唔係我太敏感 唔習慣插入陰道嘅感覺

少過一分鐘便射精可以被界定為早洩了。

早洩可以由多個原因所導致。可以係心理和精神因素:例如插入時心情太緊張,或受著過大的精神壓力;可以係生理因素:例如未習慣插入時被陰道刺激,或身體有其他毛病。建議你在做愛時,放鬆心情,先做點前戱培養好心情,避免太快插入。或變換做愛體位,採取女上男下的方式以避免過激的抽插動作。

其實陰莖對手部的刺激和對陰道的刺激,因人而異。我的經驗反而和你相反,做愛時陰道對我的刺激不大,抽插時沒有太大的感覺,很困難才能射精;反而手淫時陰莖對手部的刺激比較大,因為手指力度可以隨己意控制大細,所以打飛機時的感覺會比較舒服,能較快射精。

你今年幾歲了?青少年大多是心理精神問題影響生理問題居多。假以時日,當陰莖習慣了陰道的刺激,可能情況會有改變,不用太過擔心。我已步入中年,反而想插入後快點射精,在陰道內磨得太耐,磨得沒太大感覺,反而是苦差。

你好呀 @Jupiter :wave:t2:

如果比較少經驗,早洩嘅情況都幾普遍嘅,建議你觀察多幾次,睇下情況會唔會有改善先。

如果真係情況冇改善,咁其實我哋都有幾種方法可以減低陰莖嘅敏感度,同埋都可以練習骨盆底肌,可以延緩射精嘅時間。

首先係幫陰莖減低敏感度方面,可以試下「斷續刺激」治療法,步驟其實好簡單,你先刺激陰莖直到勃起,然後持續刺激到想射精,當你覺得就射嘅時候,就要即刻暫停,用30秒時間令自己冷靜落嚟。當你覺得唔再係想射精啦,就可以繼續刺激,然後到想射嘅時候再停止,你可以重複幾次,咁樣就可以令你射精嘅時間延遲。

另外,都可以試下「擠壓」治療法,同樣都係刺激陰莖到勃起,持續刺激到射精時,再用少少力擠壓龜頭,感覺好似阻止射出咁,重複幾次。但記住,呢兩種方法最後都建議係射出嚟嘅。

至於骨盆底肌肉,就可以試下凱格爾運動,最主要就係訓練盆底肌嘅,咁樣都可以訓練到延緩射精嘅感覺,改善早洩問題。

係一開始做凱格爾運動嘅時候,你需要感受下盤底肌先,你可以試下係屙尿嘅期間嘗試截斷尿液,果一個肌肉就係盤底肌啦。

知道盤底肌係邊之後,你就可以嘗試收緊盤底肌,維持5秒,然後放鬆,再收緊5秒,再放鬆,如此類推,可以先嘗試做10組先,當你熟悉嘅時候就可以慢慢加秒數同埋做多幾組。海格爾運動就無分幾時做嘅,只要你得閒就可以做架啦。

另一方面,而家都會有一啲減緩陰莖敏感度嘅安全套/潤滑劑可以選擇,睇吓可唔可以改善到呢個情況。

不過如果真係發覺到最後都係唔得,咁就真係要去搵醫生啦,家計會其實都有醫生可以幫你睇吓,亦都會有一啲治療早洩用嘅藥物,你可以參考吓以下嘅網站啊。