有BB定純粹遲咗黎M?

我月經一向都唔太準時,但呢幾個月都幾準時28-30日就黎m。今個月預測經期係8月31日,於是我係該日同男朋友有sex,兩次都有全程使用condom,而且今個月淨係有一次sex!但到今日都仲未嚟m 而且都冇想黎嘅跡象🥲

想問我懷孕機率大唔大?可以點催經?

Hello~多謝你嘅發問!
首先,見你上面都有講你之前幾個月都準時28至30日,今個月預計經期8月31號,但其實月經周期每個月都會有大同小異嘅出入,而影響月經周期嘅因素,例如壓力,作息唔定時,又或者其他藥物影響,都有機會會影響月經周期,所以你都唔需要太過緊張。

想問吓你呢對上一次性行為嘅時候係幾時?講緊8月31號?因為見到你話兩次都有全程使用condom,如果你怕用左condom都會懷孕既話,都建議你喺每次完成性行為之後,可以入水落去避孕套度睇吓會唔會漏水,咁樣就會更加安心,但又話今個月(九月)淨係有一次sex,所以想問清楚你對上一次係幾時:see_no_evil:,如果唔係我哋唔可以清楚咁答你,應該係邊一日驗孕最準確,相反sex嘅次數唔係最重要,應該你喺月經周期裏面最後既果次。你可以喺最後一次性行為之後,大概7-11日後驗孕較為準確,如果顯示無懷孕,基本上結果都比較準確。

不過如果你驗孕之後都仲未有月經嘅跡象,都唔需要太擔心可以再等等,唔需要特別買一啲催經嘅藥,又或者用一啲偏方嚟催經,情緒穩定返身體回復就好快會嚟(驗孕結果冇懷孕),如果你月經遲咗三個禮拜都未嚟嘅,建議你可以去醫生度搵佢幫你檢查,檢查左之後佢有機會會比催經藥比你, 又或者有其他方法去幫助你,希望我上面嘅意見可以幫到你,如果你仍然有問題嘅話都歡迎你繼續留言🫂

(Intern 同學 Yee)

Sorry 我講解得唔清楚 我上一次黎M至今只係係31/8發生過一次性行為:pray:t2:

想知道懷孕機率大唔大 :pensive:

Hello~多謝你嘅發問!
見到你都有講過話你8月31號發生過一次性行為,驗孕可以在最後一次性行為7日後(大概會有初步嘅結果),又或者性行為11日或以後(會更加準確),咁距離驗孕嘅最佳時間(9月11號)仲有幾日,建議你可以喺最後一次性行為11日或之後再驗(會更加準確),呢個會係比較好嘅驗孕時間,同埋呢由於女性懷孕之後呢,身體係會產生一種荷爾蒙(人類絨毛膜促性腺激素),簡稱HCG,係懷孕先會出現嘅一種荷爾蒙,如果太早驗孕又或者 HCG濃度唔夠嘅話,驗孕棒亦都唔會顯示到結果。建議如果你真係擔心嘅話,可以參考我以上嘅建議驗孕時間,進行驗孕。

同埋因為我吾清楚你係完成性行為之後有無入水檢查,會唔會有漏水既情況,不過,如果你怕用左condom都會懷孕既話,都建議你喺每次完成性行為之後,可以入水落去避孕套度睇吓會唔會漏水,咁樣就會更加安心。我想問吓你月經周期係最近先有變化定係因為你生活上有變化(e.g.藥物),所以先導致佢有機會吾規律?希望上面嘅資料可以幫到你,如果你仲有疑問都可以喺下面繼續留言:relaxed:

(Intern 同學 Yee)

可能因為8月份差唔多日日都食凍野又3.4點先訓,唔知關唔關事?

我冇食藥呀 同埋食短效避孕藥係咪會容易有卵巢癌?

Hello~
睇翻你第一條問題先,喺中醫角度來看,生冷食物和凍飲屬於陰寒性質,人體吸收後,寒便會把熱收起來,抑制陽氣,有可能會出現月經失調、量少、痛經等徵狀。而在喺西醫角度來看,經期間並不需要戒吃任何食物,經血量的多少或經痛與吃生冷食物也沒有關係。另外,睇返你嘅生活作息時間係3.4點先訓,都有可能係影響月經週期嘅原因。當然除咗生活作息唔定時、飲食唔均衡之外,仲有情緒有起伏、壓力過大、都有機會有所影響。

咁第二條問題,暫時未有研究證明到食短效避孕藥會容易有卵巢癌。相反,有研究結果顯示口服避孕藥能降低卵巢癌的發生機會,即使停藥後,效果仍能維持數年之久。亦都有許多研究皆顯示避孕藥會降低30-60% 卵巢癌的發生,甚至在使用避孕藥之後幾個月之內就有明顯效果,但效果達到最大值則是在長期使用之後。

如有問題嘅話歡迎再次留言,希望以上答覆可以幫到你喇!

(Intern 同學 Peter)