我食到第12粒無端端自己黎m，但我都有準時食，只係有一日早咗一個鐘食
想問我第一日冇食到，係咪要等到黎m第五日先食得？
Hello~多謝你嘅提問，有啲女性服用避孕藥嘅開頭果幾個月，陰道會出現並非經期嘅點滴或者短暫性出血。其實唔需要驚慌，或者自行停藥，因為呢個係服藥初期嘅正常反應，一旦你嘅身體渡過咗適應期（一般大約係三個月或者三個月經週期），呢類嘅副作用都會消失，月經都會變得規律。
所以其實唔需要停藥，如果你食嘅係21粒嘅劑型，需要每日吃一粒，吃完21日停7日，下一包喺停藥嘅第8日開始服用，大約依照食3個禮拜、停1個禮拜嘅邏輯嚟服用。如果選擇28粒嘅劑型，裏面就含有24粒有效錠同4粒無效錠、或者21粒有效錠同7粒無效錠兩種，用法都係由月經第一天開始服用，跟箭嘴指示每日吃一粒，唔需要停藥。一般嚟講，上述嘅低劑量口服避孕藥需要連續服用7至10天，當藥性喺血液中達到穩定濃度，先產生到避孕效果。
不過如果你已經停藥超過24個鐘，咁避孕藥嘅效能可能已經減低，建議你盡快補食番，而嚟緊七日如果要進行性行為，要記住同時使用外用嘅安全措施，先可以確保避孕效果🫶🏻
我已經食左16日先岩，因為我將會去旅行想提早來月經。
咁我可唔可以停藥，等黎月經。然後我再重服下一排21日避孕藥呢？ 咁樣係咪只要係黎月經5日內開始服用第一粒就可以？ 謝謝
🫶🏻
可以，但咁樣嘅話，之前建立嘅藥效就會冇咗，如果要進行性行為，就一定要配合外用的安全措施，直到你服用新一排藥7日以上，建立咗足夠嘅藥性為止。
另外，雖然事前避孕藥可以用作調經，但係食之前/停藥之前都建議問吓醫生先，因為事前避孕藥都有好多種，唔同牌子荷爾蒙劑量都唔同，如果只係想提早嚟經就唔需要服用太高劑量嘅藥物，如果唔係有機會導致內分泌失調，咁就得不償失啦！