已經食左7粒事前,係咪即係食左7日唔會有事?

Hello!我係上個禮拜(9/9)開始食事前(combined pills),已經食左7粒,係咪即係應該唔會有嘢?
每日都有準時服用

同埋想問事前(combined pills)係咪要每日同一時間食?譬如我而家係凌晨食,其實可唔可以早啲?

補充:我係第一次食藥,因為pcos而食嘅:pray:

Hello~

睇返你嘅問題,你有提到食咗事前避孕藥一個禮拜。而服用事前避孕藥會出現嘅副作用,包括頭痛、頭暈、胃痛,乳房漲痛、月經不規律、改變經血量或改變月經長短等等。每個人身體狀況不一,平均嚟講需要1-3個月時間適應藥效。如果身體不適嘅情況持續,咁就有需要向醫生查詢翻~

另外,改食時間避孕藥係唔會有影響,你只要喺指定時間內(12-24小時,根據唔同避孕藥牌子嘅指引)食翻,同埋每日都有食避孕藥就可以。

最後啦,PCOS除咗食藥之外,有規律性咁運動,飲食控制,改變生活習慣等都係一啲治療方式。

希望可以解答到你嘅問題,如有其他問題歡迎再次留言

(Intern同學 Peter )

想請問係咪食左7粒就唔會有b? 唔好意思問得唔清楚

一般嚟講,上述嘅低劑量口服避孕藥需要連續服用7至10天,當藥性喺血液中達到穩定濃度,先產生到避孕效果。而食咗七粒藥嘅話,只係啱啱達到穩定嘅標準,而因為唔同人嘅身體狀況都唔同,所以我哋唔可以完全確定藥效已經建立咗,一定唔會懷孕。所以如果真係好擔心嘅話,建議搵返醫生檢查身體,或者係最後一次性行為之後嘅7-11日進行驗孕。