懷孕機率?

Hello. 我一直都有食開事前yaz 28粒個種嘅,性行為都有用安全套,每次都無穿無爛。不過我上個月就黎咗2次月經,中間只隔咗幾日,而上幾個月無性行為,所以都排除咗懷孕可能性,個2次應該都係月經黎。
最近一次性行為係9月頭,但9月嘅月經就比預期遲,有少少擔心懷孕。而且9月頭嘅時候,我試過遲食一粒藥,不過都喺二十四小時內補食。唔知道係咪因為上個月嚟咗兩次,所以今個月遲咗?
我亦都喺個次性行為後第14日做驗孕,係陰性。不過我就擔心可能未必準確。基本上我每次都有雙重保護,機率應該好低。

Hello~

睇返你嘅問題,你有提到一直都有食事前避孕藥,關於你上個月就黎咗2次月經,中間只隔咗幾日,其實有好多因素影響月經周期包括:飲食習慣和生活作息,情緒壓力,有冇服用其他藥物等,都會有所影響,就好似月經遲咗嚟就係其中一個影響,仲有其他例如出血日數,出血量,經前症狀。

咁睇返你係性行為後嘅第14日做驗孕,結果係陰性,係沒有懷孕,可以唔使咁擔心。只要有正確使用驗孕棒,而且距離對上一次性行為過咗11日,咁都會得到準確可靠嘅驗孕結果。同埋睇返你講每次進行性行為嘅時候都有得配戴安全套,安全套亦都無穿無爛,所以冇懷孕嘅可能性。

希望可以解答到你嘅問題,如有其他問題歡迎再次留言

(Intern同學 Peter )