漏吃一天避孕藥隔天出現啡色分泌物

已經吃了大約兩至三年避孕藥來調經,今天突然出現啡色分泌物,然後我才發現原來昨天漏吃了,請問今天出現啡色分泌物是正常的嗎?還是其實是因為我漏吃了一天月經來了?(平時是停藥後第三天會來,很準時的)
我上個月才見了婦科醫生檢查,他說一切正常的
我沒有進行性行為,沒有服用其他藥物,還有三粒才吃完一包(21粒裝)

Hello​:smiling_face_with_three_hearts:多謝你嘅提問~首先想問吓你琴日漏食藥之後有冇補食翻?有關於啡色分泌物嘅情況,有機會係因為琴日漏食藥導致荷爾蒙驟降而造成嘅分泌物。因為當你每日都有食避孕藥,即係代表每日都有服用人造荷爾蒙。咁當食到最後嗰幾日冇藥效嘅藥物/停藥期,因為荷爾蒙嘅驟降,都會有少量子宮內膜出血嘅情況,形成咗你服藥之後見到嘅嗰啲出血嘅情況。雖然外界一般都會繼續叫佢做月經,但佢正式嘅學名其實係撤退性出血(withdrawal bleeding)。咁所以有可能你長期食藥嘅情況下,但琴日冇食到藥,身體嘅荷爾蒙驟降導致少量出血,即係啡色嘅分泌物。

另外除咗服食藥物之外,亦都有好多原因影響月經周期,例如飲食習慣,生活作息,情緒壓力,運動量等,都會影響月經周期嘅出血日數,出血量,經前症狀等。如果身體冇其他不適嘅情況就唔需要太擔心,或者你都可以諮詢下醫生嘅意見:ok_woman:t2:

好多謝你嘅回應,我平時係11pm 食,發現冇晒嘅時候喺第二日夜晚八點,嗰陣就食左1粒,到後日就食左2粒,而家仲有兩粒就食晒成排,應唔應該食埋嗰兩粒?

唔同牌子嘅避孕藥會有唔同嘅補食時間,但大部份都會係24小時之內,呢方面你可以睇返你食緊嗰隻避孕藥嘅說明書。另外喺24小時來補食翻前一日嗰粒避孕丸之後,其實照返每日食一粒就可以,當然停藥同埋嚟月經嘅日子會因為咁樣而延遲咗,但呢個情況並唔會為身體帶來負面影響。