請問點樣可以提升陰莖硬度

唔知點解而家勃起好似唔夠硬

我已經唔記得上一次自慰係幾時
咁即係都有一段時間
所以應該唔係頻繁自慰導致唔夠硬

年紀亦都唔係話大

而休息同心理
其實都係同以前差唔多
所以我都唔知點解會咁
而家直頭係連晨勃都冇

想問下可以做啲咩或者有冇啲乜嘢鍛鍊可以令勃起變硬啲

唔該晒

Hello​:smiling_face_with_three_hearts:多謝你嘅提問~其實陰莖硬度問題都受好多因素影響,為咗更了解你嘅情況都想問吓:

  1. 見到你提到自己都有一段時間冇自慰,咁想問吓性行為方面呢?或者有冇睇AV嘅習慣?
  2. 見你提到自己而家冇晨勃嘅情況,想了解下以往晨勃嘅頻率大概嘅情況喺點樣?
  3. 硬度不足嘅情況維持咗幾耐?

其實陰莖嘅硬度會受唔同心理同生理因素影響:會因為心理壓力太大,令到陰莖無法達致足夠開始到性行為、或者喺一定時間中維持足夠嘅硬度。又或者因為生理原因而導致硬度不足嘅情況。自慰習慣都喺其中一個影響因素之一,例如只依靠某一個刺激來源、習慣咗刺激某一個位置、習慣某個程度嘅敏感度,同埋自慰嘅頻率同時間,都會影響陰莖硬度。

另外,男性並唔喺每日都有晨勃為之正常,現階段建議可以檢視現時嘅生活模式先,例如睡眠習慣、壓力來源、自慰嘅習慣等等。如果呢幾方面,近來都有冇轉變既話,而呢個問題又真喺令你感到十分之擔憂嘅話,建議可以去睇睇家庭醫生,或去睇泌尿外科嘅醫生做番個檢查,了解身體出現咩狀況:thinking:

至於點樣可以令陰莖硬度提升,建議做「斷續刺激」嘅訓練,即喺當想射精嘅時候就暫停刺激,俾啲時間自己冷靜,當想射精嘅感覺消退/減弱嘅時候,再繼續刺激。如此類推重複幾次,然後先射精,但記得唔好強迫自己長期完全唔射精。呢個訓練主要適用於自慰嘅時候,另外都有一啲訓練係主要針對性行為嘅時候,例如凱格爾運動:喺一種斷收縮骨盤底肌嘅運動嚟嘅。首先要搵到骨盤底肌係邊度先,你可以試下去小便嘅時候嘗試中斷尿流,中斷時用力嘅位置就係骨盤底肌啦。然後就可以試下每日練習。一開始可以嘗試收縮嗰組肌肉5秒,然後放鬆5秒,咁樣為之一組,重複呢組動作10次。然後當身體適應咗,可以再加長加多鍛煉嘅時間同次數。

性行為方面係一直都冇
就算睇唔睇AV都係唔夠硬 而睇AV

  • 見你提到自己而家冇晨勃嘅情況,想了解下以往晨勃嘅頻率大概嘅情況喺點樣?
  • 硬度不足嘅情況維持咗幾耐?

性行為方面係一直都冇
就算睇唔睇AV都係唔夠硬 而睇AV亦都唔會話硬過唔睇AV

以往晨勃嘅頻率大概嘅情況係每日都有

硬度不足嘅情況維持咗差唔多一個星期

正如我哋之前所講,勃起同陰莖勃起之後嘅硬度都受好多唔同因素影響。如果只係出現咗一個星期,咁都可以嘗試調節下自己嘅生活習慣,有足夠嘅休息、均衡飲食同埋適量運動,睇下情況有冇改善。如果情況持續或者你依然好擔心嘅,都可以搵醫生,了解下自己嘅身體情況,令到自己安心啲吖 :woman_health_worker:t2: :man_health_worker:t2: