仲未嚟m好驚有左

上個月8月15號嚟m 平時都會遲嚟大約3-4日
今個月9月17號 有無套磨擦陰道口同埋有帶套sex
男朋友冇射 我哋冇check到condom
但到依家都未嚟m 依家係咁祈禱同埋㩒催經穴位 好驚有左BB

經常飲凍野同夜瞓凌晨2-3點先瞓

Hello
首先想同你解釋,月經同排卵係由身體幾個繁複嘅系統互相配合形成,所以好容易受到唔同因素影響,例如荷爾蒙水平、飲食、作息、壓力、同埋藥物等等。每人每次嘅月經情況,包括月經週期長度、流血日數、血量、經血顏色質地、經痛程度等,都可能唔同。你所講嘅「平時都會遲嚟大約3-4日」,係講緊每次月經週期都比之前長?定係同啲咩去比較? :face_with_monocle:有時可能會見到28日呢個月經週期嘅平均數,但唔係每個人嘅月經週期都一定係28日,亦唔係話長過28日就係唔正常。 :blush:

欣賞你同男朋友有使用安全套,不過想提提你,陰莖受到刺激嘅時候會分泌透明嘅尿道球腺液,當中有機會含有少量精子,「有無套磨擦陰道口」,呢個行為雖然相比冇套插入陰道風險比較低,但都有一定嘅風險。而想你知道,無論月經週期嘅邊一日,只要陰莖/陰莖嘅分泌物同陰道/陰道口有接觸,咁都會有一定嘅懷孕風險。建議你哋性行為全程,即係只要性器官有接觸,就使用安全套

你可以衡量風險,考慮需唔需要服用事後藥。事後藥要喺性行為72小時/120小時內,由醫生處方俾你服用,你可以盡快去家計會診所/母嬰健康院/部分私家診所預約,睇醫生食藥。 :woman_health_worker:t2: :man_health_worker:t2:

如果你衡量完風險決定唔食藥,而你擔心嘅,你可以考慮驗孕。驗孕係檢測身體有冇hCG呢種只有受精卵著床之後身體先會產生嘅荷爾蒙,而卵子受精、著床需要大概6-9日;所以,性行為7日後(9月24號)驗孕會有初步結果,而11日後(9月28號)驗孕就會有相對準確嘅結果。

當然,等待驗孕期間如果月經出現,咁你就可以安心啦 :wink:
另外關於「㩒催經穴位」呢樣嘢,想你知道,每人嘅體質唔同,未必個個都適合㩒,而且如果用嘅力度唔啱,可能對身體反而有負面嘅影響。

依家有血 應該係嚟m啦 多謝你

1個讚