月經遲嚟半個月

你好:wave:t6:我今年20歲,一向月經週期都係20-35日之間,雖然唔係次次都準,但都算正常。但今個月既月經週期變左50日,上網check過50日點都唔會係正常週期日子,而且比之前唔舒服好多。平時作息都算regular,雖然好夜訓:joy:(大約1-2點)但都係regular咁夜訓,亦都冇乜壓力,進食都係好普通既屋企飯。想問下我咁既情況其實有冇迫切性睇醫生?:hot_face:問過fd佢地建議我body check,但body check實在太貴,淨係婦科都幾千蚊。想問下如果真係有迫切性睇 應該去咩地方睇比較好?

感謝:pray:t2:

Hello~多謝你嘅提問:heart:經期遲咗咁多的確好令人擔心嘅。呢度都想問番你,喺上個月經周期有冇進行唔安全嘅性行為?或者有冇服用含有荷爾蒙藥物?最近亦有女性反映中咗新冠之後,月經周期變得唔規律。至於月經延遲嘅原因有好多,體重過輕,壓力大,生活唔規律…都會導致月經遲嚟。除非月經比起平時遲咗三個星期以上都未嚟,先至需要睇醫生,等醫生考慮會唔會處方荷爾蒙藥物畀你去催經。

睇返你嘅情況,今個月嘅月經周期比起之前長咗大概兩至三個星期,所以其實係需要睇醫生,檢查下身體嘅。如果覺得睇婦科要幾千蚊好貴嘅話可以預約家計會嘅婦科檢查服務。詳情可以留意以下網址:婦女健康服務 - 香港家庭計劃指導會

希望以上嘅資訊幫到你🫶🏻