有關事前避孕藥停藥

你好,
我係今年30/6 (經期第一日)開始食第一盒yaz 避孕藥 (以前冇食過任何避孕藥)
食到第二粒白色藥丸果晚開始黎m (around 26/7)
去到食到最後一粒白色藥丸之後
果晚因為個頭好痛失眠
所以第二日去左睇醫生
係醫生既評估下覺得我身體唔適合長期食事前藥
所以叫我停左佢
停左之後第一個月
我8 月份有發生過性行為 (8 月最後一次性行為係19/8,每次性行為都有戴安全套)
22/8 都照有黎m
黎m 之前個一星期都斷斷續續有少少啡色分泌物同覺得下面up 住up 住咁,胸漲痛,小腹間中痛
但今個9 月仲未黎m
個月經app 估我20/9 黎
我係16/9 同17/9 有發生過性行為 (9 月頭同中都有發生過親密行為,但唔係插入式,所以我覺得懷孕機會低)
同8 月份一樣都係臨近m 期前發生
但8 月份差唔多m 到前我係明顯感受到身體有啲怪
但今個月冇乜咁既狀況
只係覺得個胸之前痛痛地同埋小腹間中有痛
9 月比起8 月生活冇咁規律
因為冇返工所以日日2、3 點先瞓
有時又失眠到朝早先瞓到覺
平時份人又日日飲凍野
以前好少做運動
但15/9 做運動做得好激烈
全身肌肉痛到行步路都痛到不行
都用左3、4 日時間recover
而我本身月經週期都唔太準
Around 26-35 日
我依幾日已經學過網上既方法催經
例如:穴位按摩、飲涼野如崩大碗
都未有黎m

所以我想問下:

  1. 懷孕機率高嗎?
  2. 係唔係事前避孕藥令到經期唔規律? (我有懷疑8 月份避孕藥仲係身體有藥效,所以同7 月份黎m 既日子都差唔多,會唔會係今個月藥效已經逐步減少令到m 期變得無咁規律?)
    謝謝

Hello~多謝你嘅提問:heart:經期遲咗的確好令人擔心嘅。但喺一般情況下,精子係好難由外陰游入陰道並進入子宮嘅,所以只要冇插入,基本上喺唔會懷孕嘅:heart:至於月經延遲嘅原因有好多,體重過輕,壓力大,生活唔規律…都會導致月經遲嚟。除非月經比起平時遲咗三個星期以上都未嚟,先至需要睇醫生,等醫生考慮會唔會處方荷爾蒙藥物畀你去催經。

而停藥會導致消退性出血,通常會持續一周左右。呢種情況通常同月經出血係相似嘅(類似約7天嘅經期)。通常消退性出血嘅天數唔會比平時嘅月經長,但通常會好難預測下一次月經幾時嚟。因為有啲女性嘅生理期相當規律、會好準時報到;但大多數女性就唔係,並且有好多生活因素都會對經期規律造成嚴重破壞,所以你停藥嘅情況確實有機會令到經期唔規律。不過可以放心,事前避孕藥中嘅荷爾好快就會喺身體入面消失,所以你喺呢一個月裏面可能會注意到陰道分泌物的變化(會冇咁乾燥)、性慾可能會開始增加、而胸部可能會開始縮減。而呢啲現象都係正常嘅,除非你真係好唔舒服,如果唔係都可以再等下先。

1個讚

多謝你解答左我:blush:
不過有啲野都未係好明
希望可以再次解答到

你提到我7 月尾停藥之後會出現消退性出血
想問下咁即係8 月中出現啡啡地有少少粉色嘅分泌物係消退性出血?
定還是22/8 先係消退性出血? (我22/8 啲血量好似平時黎m 咁,都持續左4-5 日,而且日子都近上上次黎m 既日期26/7,所以我唔係太知究竟22/8 真係M 到定還是你解釋既消退性出血?但無論係m 到定消退性出血,22/8 見血,應該8 月份懷孕個機會率都好低?同埋如果22/8 果次真係消退性出血,咁就好似你講既咁,今個月既經期就好難預測?或者另外都有其他因素如生活習慣改變影響經期唔準)

另外,我今個月16/9 同17/9 都有插入式性行為,不過有戴套,3/9 同10/9 有親密行為但冇插入,個月經app 估我20/9 到,但目前而家未黎m,咁所以我其實想問16/9 同17/9 做過2 次愛,應該唔會影響到我既經期遲黎?我知而家驗孕都未必準,因為都係距離做愛過左3 日、4 日咁上下,定還是我其實唔應該太信月經app 預測m 到個日子,當佢係一個參考就好?

Hello~你8月中出現嘅「啡啡地有少少粉色嘅分泌物」應該係排卵期出血,唔係月經,所以22/8先至係你嚟月經嘅日子。而你之前有講你嘅月經周期大概係26-35日,日數嘅浮動都大嘅,所以導致你用app去預測會唔準確。如果用最長35日嚟計算嘅話,你22/8嚟m大概持續左4-5日,咁今個月嚟m嘅日子應該係22+5+35-31= 31/9。所以你可以再等吓先,唔使咁擔心。

另外,你話今個月16/9 同17/9 都有插入式性行為,不過有戴套,3/9 同10/9 有親密行為但冇插入,咁只要有正確佩戴安全套,並且確保個安全套冇穿,懷孕嘅機率係好低嘅。不過如果你唔肯定嘅話,都可以係最後一次性行為(17/9)之後嘅7-11日(24-28/9)進行驗孕,到時會有初步嘅結果。

1個讚