避孕套穿左好擔心

今日24號同男朋友發生性行為
最近一次月經係9月16號,通常28-30日尼一次
一尼就5-7日 想問下今日係咪都算係安全期:frowning:
有用安全套但中途發現穿咗 已經即時更換另一個
最後男朋友射精係喺體外同安全套內
害怕事後丸很多副作用 其實而家懷孕機率係咪都係算低:weary::weary:

Hello​:smiling_face_with_three_hearts:多謝你嘅提問~首先解釋返安全期嘅概念俾你聽先。「安全期」係指月經前嘅7日同月經起計7日。不過呢一個計算係好科學地以周期數字係28日,而且係第14日排卵去計算。但現實生活中唔係每一個人嘅周期數字都係28日,亦唔係每一個女性都係喺第14日排卵,所以一般情況下係唔會建議大家透過計算安全期或者危險期去避孕。

咁所以睇返你嘅情況,喺發生性行為期間發現安全套穿咗,即時玩一個新係正確嘅做法。之後男朋友亦都喺體內同安全套內射精,其實懷孕嘅機會非常之低,所以都唔使太擔心。但如果都係覺得食事後丸穩陣啲,都可以講吓事後丸嘅副作用俾你聽,等你有個心理準備,包括:頭暈頭痛,覺得嘔心,令下一次月經提早/延遲嚟:ok_woman:t2:

謝謝回覆,請問食事後避孕丸會影響日後懷孕機率嗎:pleading_face:

Hello
事後藥係用高劑量嘅荷爾蒙去做緊急避孕,所以有啲人可能會出現副作用。頭暈頭痛、作嘔、胸部脹痛呢啲副作用就通常1-2日會消退,而對月經嘅影響可能係1-2個週期。

如果醫生檢查完你嘅身體認為你可以食嘅,其實對身體嘅影響都唔會太大,亦唔會影響日後懷孕。 :wink:

不過都唔建議頻繁地使用,例如同一個月經週期食多過一次,或者連續幾個月經週期都食事後藥,咁樣一嚟事後藥緊急避孕嘅功效會受影響,二嚟對身體都可能有比較大嘅負擔,可能有負面影響,甚至持續咁做會影響日後懷孕。 :persevere: