我琴日同男朋友有做安全性行為 沿住條邊撕開避孕套嗰包裝 之後用吹氣去分辨避孕套嘅正面同反面 帶套嗰陣都有撳住個儲精囊之後帶到落底部 然後每次抽插都有㩒住個底部 同埋最後都有㩒實個底部先至退出陰道再射入個避孕套到 射完之後都見到個避孕套係冇穿 同埋我應該仲有幾日就嚟M 我想問吓如果咁樣算唔算係正確使用避孕套 如果係嘅話懷孕機率係咪好微
補充番 帶套之前有確認手帶套前係乾嘅 同埋拎個避孕套出嚟嗰陣係必出嚟嘅
Hello
多謝你嘅提問～其實睇返你嘅描述都做得非常好呀，好多人都冇留意帶安全套嘅時候要撳住個儲精囊同埋帶到落陰莖底部，而你都有做到，所以正確嘅使用下，成效會達到98%！因為其實冇一種安全措施係可以100%避孕，所以係比較之下你懷孕嘅機率係非常低，所以可以唔使太擔心。有關其他帶安全套嘅時候需要留意嘅地方，例如有冇足夠潤滑劑，射精後要立即除安全套等嘅步驟可以參考以下2個post啊
正確使用安全套：
https://www.instagram.com/p/B4EX0FVFLUf/?igshid=NzNkNDdiOGI=
10個令安全套失效原因：https://www.instagram.com/p/CM4ereiDmIl/?igshid=NzNkNDdiOGI=
我想問下如果避孕套冇穿冇漏 係咪就唔會有懷孕嘅可能性？🥲
即係就算係排卵期 如果有帶套而且冇穿冇漏嘅話就唔會有懷孕嘅可能性？
今日放學返屋企，發現護墊上面有三點啡色分泌物 仲有琴晚同今日都有超級輕微嘅M痛感覺 係唔係就嚟嚟M定係會唔會係有咗 好驚🥲🥲
仲有我8月20號都有同男朋友發生安全性行為 然之後性行為三日後食咗ella事後丸 性行為35日後嘅朝早都有check過係陰性 會唔會係因為果次性行為或者會唔會係因為呢次嘅性行為所以有咗?
除咗完全唔發生任何型式嘅性行為同性接觸之外，冇任何一種避孕措施係可以有100%嘅成功率。
而你所有問題，我哋之前都已經重複回答過你好多次，你可以睇返：
記得認真詳細地睇清楚每一個回應，如果你仲有唔明，或者有新問題，可以再嚟問。
最後想再次重申同強調：
或者你都可以考慮打避孕針同埋使用子宮環，然後再配合安全套一切使用。不過如果咁樣你都係唔ready或者依然會好擔憂嘅，都建議唔好發生任何型式嘅性行為同性接觸著。
唔好意思，我再問多條問題
我今日應該開始嚟M
有M痛 同埋下面都好痛
但係啲血嘅顏色有啲淺色
同埋都有啲少
唔知係咪因為第一日所以先咁少
定係會唔會係着床出血？
定係因為啲乜嘢所以咁淺色？
或者會唔會係之前食完事後所以導致今次嘅月經咁樣
仲有我胸部由21/9開始痛 痛到26/9開始慢慢唔痛 係咪代表係m 而唔係懷孕 真係唔好意思吖
著床性出血其實係受精卵著床係子宮壁嘅時候有機會出現嘅出血情況，但唔一定每個人懷孕都會出現呢個情況，受精卵著床大概係性行為之後嘅6至9日嘅時間，睇翻你出血嘅日子已經超過左6至9日，而且著床性出血嘅血量比月經少好多，所以唔會係著床性出血。而你嘅經血少都有好多因素影響，例如你嘅生活習慣，飲食習慣等都會影響你嘅經血量，特別係你食咗事後藥，其實你嘅經血都會有變化，暫時都唔洗擔心住。
而胸漲胸痛嘅情況，月經期間都會有，唔可以用嚟衡量是否懷孕。另外，知道你真係好擔心，但係都可以從你之前嘅情況去諗吓，你有做足安全措施，亦都有食事後藥，其實懷孕嘅風險好低好低，暫時真係唔需要太擔心。同埋你8月20號做愛，離而家已經差唔多一個月，用驗孕棒其實已經可以好準確咁樣驗出你有冇懷孕，如果真係冇嘅話就真係冇架，就算你點驗都係驗唔出，可能真係要諗吓用邊一種驗孕嘅方法會令自己更加安心，定係要好似以前咁樣嘅嚟M先至會令自己最安心，如果係後者嘅話，其實最需要就係保持一個平靜嘅心去等待，加油啊，糖不甩嘅大家都會喺度撐住你㗎。
咁我想問下會唔會係因為9月24嗰次性行為而著床出血
都唔會呀，要6-9日呀。同埋都要睇吓你24號嗰次嘅性行為有冇用安全措施，如果有的話其實都唔需要太擔心嘅，風險都係比較低嘅。
同埋如果真係怕懷孕，真係要同男朋友傾吓用啲咩避孕嘅措施你會比較安心。同埋都想再提醒你一次，事後丸嘅劑量比較大，唔可以作為一個恆常嘅避孕措施。
如果唔係每次做完愛之後都會有驚慌嘅情緒，其實對於將來都唔會太好，因為有可能將來你會將呢個驚慌嘅情緒連接咗去性愛，到時一做愛你就會好驚，咁對於你自己或者將來個伴侶都唔係一件好事。
同埋正如上面所講：
你都可以考慮同男朋友商量並取得共識，喺你未準備好之前，唔好發生陰道陰莖插入式嘅性行為，甚至唔好發生任何形式嘅性接觸，等你覺得心理上準備好，先再發生進一步嘅行為。
而如果你覺得月經唔規律呢件事都令你好困擾嘅，你可以考慮食避孕藥，服用某啲避孕藥有令到經期規律、經血量減少、減少經前同經期不適嘅情況。食藥之前記得要去睇醫生，檢查身體情況係咪適合同埋適合邊款避孕藥。而且避孕藥喺正確服用嘅情況下有99%嘅避孕成功率，如果你將來想發生性行為嘅話，都可以提供避孕功效。
我今日嘅血顏色深色咗 係鮮紅 同埋血量都多咗
應該係月經 咁係咪就可以排除8月20同9月24號嘅性行為有導致懷孕嘅可能性？
我仲需唔需要係9月24號嘅14日後進行驗孕？
係呀，只要嚟咗月經嘅話就可以完全排除懷孕嘅可能性，唔需要擔心🫶🏻
既然已經嚟咗月經嘅話，其實就唔需要再驗孕。如果你真係唔放心，都可以驗多次，不過就要同自己講，驗埋呢次之後就唔好再驗啦！要學識放低，唔好再咁焦慮同擔心。
知道啦🥹🥹
1個讚
唔好意思吖，我10月15日用咗萬零牌驗咗係陰性，即係性行為21日後驗，係咪可以確實係冇懷孕？