佢值得更好,我係咪應該走?

我同男朋友拍左拖幾年,平時佢對我好好,我都感受到佢真係好重視我好愛我,我d朋友都覺得佢好好。

但係我覺得我好似只係習慣左有佢呢個可以信任嘅人係我身邊,我繼續同佢一齊好似利用緊佢對我嘅愛咁。

我知道佢一直以黎都想同我做,我都努力配合過佢,但唔知係我太緊張定我真係有問題,次次都入唔到。雖然佢話就算我咁樣佢都會接受我,但其實我知道佢心入面始終都係想做。我覺得我繼續同佢一齊好似連累緊佢咁。

我有d懷疑自己到底仲值唔值得佢嘅愛,佢咁好真係值得一個更好嘅女朋友,我係咪應該該放手退場?

Hello 多謝你信任我哋同我哋分享你嘅疑慮 :sparkling_heart:

唔知喺睇完呢個post之後,你哋嘅溝通有冇咩改變呢?應唔應該分手? - #2 Ana_StickyRiceLove

的確有時喺一段親密關係耐咗,就會好似成為一種習慣。但係無論係幾耐、幾親密嘅關係都好,都需要雙方共同努力去維持,去溝通做共識,然後令段關係更加好。

明白你而家可能有好複雜嘅情緒,我哋可以嘗試慢慢梳理下~你仲想唔想同佢繼續呢段關係?你係咪擔心自己同男朋友未發生到插入式嘅性行為?定係對你哋嘅關係冇乜安全感?定係擔心自己「唔值得」被愛?未諗到都唔緊要,俾啲時間、空間自己慢慢諗;甚至可以同男朋友一齊討論,可能都幫到你。 :wink:

每個人都係值得被愛嘅,尤其係值得自己去愛自己。加上見到你話男朋友好重視你好愛你,為你覺得開心幸福~不妨信任男朋友對你嘅感情。有啲咩擔憂可以同佢傾訴下,可能都係個加深了解雙方嘅機會。 :blush:
仲有,千祈唔好覺得自己「唔正常」!啱啱開始嘗試插入式性行為嘅時候,可能因為陰道唔習慣,所以覺得好痛或者好唔舒服,而一痛或者唔舒服,身體可能更加緊張,更加放鬆唔到。你可以試下同伴侶溝通,搵一個你地都覺得安全同舒服嘅地方,試下用你哋鍾意嘅燈光/音樂,如果想嘅,都可以試下香薰或者蠟燭,製造一個你哋覺得放鬆嘅環境。然後試下多啲前戲,擁抱、愛撫、親吻、探索自己同對方覺得舒服/刺激嘅身體部位或者觸摸嘅方法同力度。唔需要急住插入嘅,等你覺得準備好先嘗試,慢慢嚟。插入嘅時候可以試下用潤滑劑,有時唔夠潤滑都會覺得痛。關於潤滑劑,可以參考:https://www.stickyricelove.com/post/__潤滑劑https://www.stickyricelove.com/post/潤滑劑功能及使用方法、同埋https://www.stickyricelove.com/post/潤滑劑種類
就算今次嘗試都係唔成功,都唔緊要,你哋都可以享受呢一次嘅過程。

介紹多個ig page俾你,有時我哋覺得插入式性行為唔舒服,可能係因為我哋唔太識得控制骨盆底肌呢組肌肉(不過其實我哋平時都會用到,例如小便嘅時候就需要放鬆骨盆底肌),你都可以參考下呢個page嘅內容,了解下自己嘅身體:(@womenshealth_hk) • Instagram photos and videos

有咩問題再隨時搵我地啦~ :smiling_face_with_three_hearts:

每個人都渴望愛與被愛。愛最好建立在立約的基礎上,這樣才顯得忠貞與持久。拍了拖幾年,若大家都互相信任,彼此能相處和諧,有冇和他發展更進深的關係,和他白頭到老?

當然,性在愛中擔當重要地位。但若視性只為一種工具,有性卻沒有穩健愛的基礎,那麼,只是為了滿足一己的私慾而已。

愛需要彼此的付出和維繫,才能持久。你提到他十分愛你,有否想過和他共諧連理?愛的表達不一定用性來表達,若他真的關心和愛護你的需要,大概也不會介懷你性愛的表現如何才對。

剛剛初夜和老婆做愛的時候,也遇到過不能順利插入的情況。於是上網查看過相關資料。原來體位很重要。大概係陰莖插入的角度和陰道傾斜的角度不一致所造成。於是依照所教的,在女人的屁股下sip一個枕頭來抬高女人的陰部,於是陰莖便能順利插入。我也怕女人的陰道唔夠濕潤,為了能順利進入磨擦也塗上了一點ky gel才插入,結果女人的陰道俾我預期中濕潤。

我想講的是,做愛需要建基在立約的基礎上才恰當,亦需要互相溝通和配合才能順利完成,不單是單方面的你情我願。現代人性氾濫,以為性滿足大過一切, 才會導致許多愛情慘劇發生。