琴日同女朋友做嗰陣穿咗

女朋友17號開始嚟 計過琴日27號啱啱好喺安全期尾嗰日,做嗰時一路都有用套。到咁上下甩出嚟嗰下整穿咗就即刻換第二個,但係諗返怕換嗰陣時啲前列腺液掂到,因為本身嗰個之後睇返入面都有濕。想知機會大唔大? 都好怕真係中🥹

Hello~多謝你嘅提問:heartpulse:首先,好欣賞你發現嗰套穿咗嘅時候有即刻換過第二個,不過因為係射精之前陰莖會分泌尿道球腺分泌,裏面含有少量嘅精子,所以都有一定機率懷孕,不過就冇內射機會咁大。如果有及時發現嘅話,懷孕機率就唔大嘅,不過如果喺個套穿咗之後有繼續抽插嘅話,個機會就會大啲。所以如果真係好擔心,可以考慮喺性行為之後72至120個小時內服用事後避孕藥。如果唔想食事後丸,但係又擔心懷孕嘅話,可以喺性行為之後7-11日內進行驗孕,到時就會有初步嘅結果。而喺性行為之後14日再驗孕,個結果都係陰性嘅話,咁就可以肯定冇懷孕啦🫶🏻

1個讚

唔該晒你嘅回覆先! 係穿咗即時換,但係怕中途掂到多所以先咁緊張. 但係因為七月尾先食過一次,怕會對身體影響大

1個讚

咁嘅話懷孕機率就唔大嘅,可以唔使咁緊張。如果都係有啲驚嘅話,就可以按返上面嘅時間進行驗孕。

你亦都可以計吓自己嘅月經周期,預測嚟緊要嚟月經嘅時間,如果月經遲咗七日以上都未嚟,咁就可以考慮驗孕,到時個結果就最準確。