我好想陰莖能夠保持硬度 但係又成日都好想射精
同埋女朋友性慾都比較大 有時就算我用手幫佢 佢都係覺得唔滿足
如果一日射精一次
長遠嚟講個結果會係
長期硬度不足
抑或
身體會適應到較高頻率嘅性活動 從而令陰莖即使勃起次數多咗都仍然能夠保持硬度
又或者係咪應該循序漸進？
一嚟就1日1次可能太chur？
例如一個禮拜3-4次 即係2-3日1次 咁樣會唔會好啲？
其實太耐唔射精/勃係咪都唔好？
我好想陰莖能夠保持硬度 但係又成日都好想射精
同埋女朋友性慾都比較大 有時就算我用手幫佢 佢都係覺得唔滿足
如果一日射精一次
長遠嚟講個結果會係
長期硬度不足
抑或
身體會適應到較高頻率嘅性活動 從而令陰莖即使勃起次數多咗都仍然能夠保持硬度
又或者係咪應該循序漸進？
一嚟就1日1次可能太chur？
例如一個禮拜3-4次 即係2-3日1次 咁樣會唔會好啲？
其實太耐唔射精/勃起係咪都唔好？
同埋有冇話應該點樣balance個時間
即係如果太高強度嘅自慰就會導致陰莖慣咗好快就射 咁對性行為就唔好
但如果自慰時間太長會唔會令陰莖因為長時間充血而過份疲勞？
我有時覺得sex都真係幾複雜 而且每個人都唔同 真係需要時間去了解
Hello~好欣賞你咁重視女朋友嘅感受
其實一日射精一次，或者長時間充血都唔會對身體有太大嘅影響，只要喺過程中冇出現唔舒服嘅情況就ok～
見你希望令陰莖即使勃起次數多咗都仍然能夠保持硬度，建議你可以嘗試下凱格爾運動。凱格爾運動係不斷收縮骨盤底肌嘅運動嚟嘅，佢嘅好處有好多，其中就包括咗增加陰莖嘅硬度、改善早洩、治療前列腺疼痛等等。首先要搵到骨盤底肌係邊度先，你可以試下去小便嘅時候嘗試中斷尿流，中斷時用力嘅位置就係骨盤底肌啦。平時就唔好係小便嘅時候夾斷尿流啦，避免膀胱壓力過大。記住果收緊骨盤底肌嘅感覺，然後就可以試下每日練習。例如一開始可以嘗試收縮嗰組肌肉5秒，然後放鬆5秒，咁樣為之一組，重複呢組動作10次。然後當身體適應咗，可以再加長加多鍛煉嘅時間同次數。但喺都提醒你啱啱開始做嘅時候，都可以循序漸進咁練習，日子耐咗就會見到效果架啦～
另外，你都可以嘗試持久環，透過減慢陰莖嘅血液循環，從而令陰莖冇咁敏感。陰莖未勃起嘅時候將個環套喺根部，但需要留意使用持久環都有一定嘅時限，一般而言唔可以超過20分鐘。因為持續處於血液循環較慢嘅情況有機會影響性功能，例如性功能障礙等等。
至於自慰時間太長會唔會令陰莖因為長時間充血而過份疲勞，答案係因人而異，因為自慰時間冇一個標準，自慰亦都唔一定要射精。你可以試吓keep住陰莖興奮，同時延緩射精嘅時間。
1）一開始用你自己認為最舒服嘅方式刺激到有射精感覺，然後停低；
2）等感覺消退/減少之後用指尖按摩陰莖同陰囊，保持陰莖勃起嘅狀態，
然後就有兩條path俾你揀，
第一條path：維持強度短暫刺激（即係握住陰莖嘅力量唔減少）
按摩嘅時候快速上下套弄陰莖3次左右，然後放手，心中倒數10聲，然後繼續用指尖按摩陰莖
（如果係比較敏感嘅情況，依家呢個時候應該會想射精；如果仲未有感覺，就可以再套弄3次，唔好連續套弄，係3次3次咁，當然上下套弄嘅次數都可以自己定嘅，釐定嘅標準就係會令你再次有射精感覺）
第二條path：減少強度持續刺激（姐係用比較輕柔嘅手法刺激陰莖）
按摩之後，用指尖輕輕摸陰莖，用好輕好輕嘅力度摸，切忌唔可以用手掌，好似挑逗緊自己嘅陰莖咁，一直持續到有射精嘅感覺，然後放手，心中倒數10聲，然後繼續用指尖挑逗陰莖
3）最後你可以選擇射精定唔射精
你同女朋友都可以就住性行為傾返大家嘅感覺同期望，因為性行為都有好多種，見到你話女朋友性慾比較大，除咗插入式性行為之外，都可以通過其他性接觸，例如口交，或者利用性玩具，嘗試提升對方嘅歡愉度。因為每個人鍾意嘅性行為節奏，同埋達至性歡愉嘅時間都唔同，所以情侶之間好需要溝通同嘗試，搵出兩個人都舒服嘅性事頻率，而唔係強迫自己改變去滿足對方嘅需要。
另外想問下關於清潔嘅問題（環境同身體）
應該點樣盡量避免射精淨污糟周圍 因為有時射精距離好難預計
同埋每次射精之後係唔係應該都沖涼比較好
唔該
Hello~多謝你嘅回覆其實最好保障衛生嘅方法係喺性行為嘅前後都沖一次涼，沖走汗水同埋體液。至於清洗陰莖有三個貼士：
1.使用溫水
與其站在洗手台拿杯子沖洗，或是用濕紙巾慢慢抹，直接淋浴嘅效果最好，沖涼仲可以順便好好咁從激情之中平復心情，而以「溫水」清潔陰莖嘅原因係因為性行為之後陰莖多少都有啲敏感，如果直接用冷水沖會太刺激，加上溫水有助放鬆身心，你甚至可以邀請女朋友一齊共浴，延續親密時光👩❤️💋👨。
2.搭配皂液
當然淨係用溫水沖，好難帶走黐立立嘅體液同潤滑液，所以我哋可以選用成份天然、刺激性低、溫和嘅番梘，因為市面上嘅沐浴露好多都添加咗過量嘅香料同化學物質，容易對性愛後嘅肌膚造成刺激，所以選用專為私密處肌膚設計嘅洗滌產品（微酸性），效果會更佳。
3.記得小便
最後一個需要特別注意嘅點，係性行為過後要記得屙尿。男性射精後，可以稍微休息5~10分鐘，等陰莖充血狀態消退再進行排尿，將殘餘嘅精液同體液排出，咁樣唔單止可以保持尿道清潔，仲有助預防尿路感染
。
至於清潔周圍嘅環境，可以用有消毒功能嘅濕紙巾，用完就可以扔，咁就可以避免細菌積聚喺毛巾上面，影響環境衛生。
而女性都係一樣，用溫水溫柔咁清潔陰部就可以，唔需要灌洗陰道，或者伸手指入去撩。因為陰道嘅皮膚好脆弱，以上嘅方法反而容易令細菌進入陰道，導致發炎。而陰道本身有自我清潔功能，可以將體液同埋潤滑劑排出，唔需要特登購買清潔液灌入陰道殺精（何況唔會有呢個效果
，只會過分刺激陰道）。
希望以上嘅資訊幫到你🫶🏻
但係如果身上有精液嘅話 係咪就唔適合用温水？
之前試過 明明水温已經唔係好高 但沖完涼就發現無論係身上定地下 只要精液同啲水接觸 就會變得癡𥹉𥹉 甚至癡住啲毛
所以我而家一係就避免身體掂到精液 如果沖涼嗰陣自慰 最後就一定要用凍水沖乾淨地下/牆先 之後先可以用返温水
每一個人自慰後和做愛後的清潔習慣都唔同。既然自慰後，射精好難預算精液射向哪，便乾脆不要理會吧。為了就住就住打飛機，為了要準確射去某個地方方便清理，便會失去了自慰的情趣。我不太介懷精液射到哪裡，不竟它是身體體液的一部分，且精液隔了一段時間後便會液化，不再那麼黏調調。若射在身上，便用紙巾抹抹便是了，即或有殘液留在身上也沒相干；若射在地上，便用紙巾抹乾淨便是了。若你怕精液射到通處都是，可以把陰莖對準廁所自慰，那麼射在廁所裏，一沖廁便可以了。
做完愛的話，射在女人體內，我也沒太講究什麼清潔。只是用紙巾抹抹沾在陰毛上陰液便算了，反正都是體液。有一點女人的體液沾在自己身上，反而帶給我一種親密的感覺，這樣才叫做愛。
當然，有許多人比較講究事後的清潔，不能一概而論。以上只是我的個人習慣。
Hello~如果要清潔身上面精液嘅話，喺精液未乾晒之前用凍水沖效果最好。因為精液大部份嘅成份係蛋白質，如果用熱水沖嘅話有機會令到蛋白質變成固體，所以會有你所講黐立立嘅感覺。但係因為精液一旦暴露係空氣之中，就會開始蒸發、變乾。咁嘅話就用溫水清潔比較好，容易令精液由身體上面剝落落嚟。
另外，如果精液整污糟咗床單或者被鋪，千其唔好用漂白水清潔，由於精液成份有好大一部分係蛋白質，漂白水反而會令蛋白質變黃、變顯眼。建議用含酵素嘅清潔劑嚟做初步處理（可以買清洗經血嘅清潔劑），再掉入洗衣機。
精液喺濕嘅時候係最容易清乾淨嘅，至於已經乾咗嘅精液痕，可以用醋同小蘇打處理，最方便暴力嘅方法係直接倒上適量雙氧水，然後拿乾濕兩用吸塵器，直接對住佢吸。
而針對陰道分泌物嘅污漬，可以直接用3%濃度嘅雙氧水，將雙氧水倒喺汙漬上面，再用毛巾或抹布將水分吸乾。呢個步驟就可以帶走汙漬，來回重複以上嘅步驟到你覺得汙漬已經唔會再減少嘅時候，就可以將床單或者被單掉入洗衣機（記得一定要用冷水，熱水會令髒汙固著喺床單上面），之後洗完嘅衣物，同埋床單被鋪就會非常乾淨
的確每一個人嘅清潔習慣都唔同。不過我哋唔贊同唔清潔，或者就咁用紙巾抹一抹就算。因為精液同埋陰道分泌物都有佢獨特嘅味道，如果唔好好清潔嘅話有機會積聚細菌，造成感染
另外，如果唔抹乾淨就着返條底褲，加上天氣熱，出汗噏住嘅話好容易會造成念珠菌感染，有機會導致尿道發炎。如果係察覺唔到嘅情況之下再做性行為，傳染咗俾女朋友，令到佢陰道發炎，就更加得不償失啦