死啦宜家點算
我今日10月8日係月經第7日m量得微小就同男朋友做啦，因為係關燈所以見唔到個套嘅狀態。但係佢射完之後出黎我發現有野流緊嘅，omg居然係個套穿左！我真係超級驚，即刻去廁所狂沖。我已經即刻翻屋企換内褲，打算一起身即刻去家計會食事後藥
想問問題
我宜家嘅狀態懷孕機會率係幾多？
我先18歲係咪去青少年保健中心定家計會食事後藥？
星期六好驚唔開門🥲？
服用之後幾耐後驗孕？
好多謝你睇曬同希望可以回答我嘅疑問
Hello~明白你使用安全措施失敗係會覺得好驚同埋好緊張嘅🥹呢度都想同你講返，雖然嚟M第七日屬於安全期，但係因為排卵期同月經有機會重疊，加上精子可以喺體內存活兩至三日，所以懷孕嘅機率雖然唔大，但係都係有嘅
如果真係好驚有BB嘅話，喺性行為之後嘅72或者120小時內食事後丸係一個最好嘅選擇。
而要留意事後丸喺香港係需要醫生處方嘅藥物，加上唔係每個人嘅身體同情況都適合透過事後丸做緊急避孕，事後丸亦有分不同種類（72小時vs120小時內要服用、一粒裝vs兩粒裝等），所以都建議你食之前要見咗醫生先。 
一般私家診所嘅醫生都會有呢種藥物，其次可以考慮去家計會嘅診所度見醫生睇下適唔適合食事後丸。 
見到你話自己而家先18歲，可以睇返家計會嘅指引，26歲或以下嘅人士可以去家計會嘅青少年保健中心，不過就必須打電話或係網上預約咗先。
呢個係家計會青少年保健中心嘅網址，入邊有寫明收費、地址、開放時間同埋預約方法。佢星期六嘅開放時間係上午九點至下午一點，而星期日係唔開嘅。
一般如果係緊急避孕服務的話（例如處方事後丸），原則上係唔需要預約嘅。不過因為家計會嘅診所成日都爆滿，建議你聽朝一早打去想去嗰間診所，講咗你嘅情況，睇吓仲有冇位先。以免上到診所真係冇位，就要趕去另一間。 
1個讚
至於驗孕嘅話，喺性行為嘅7日後驗會得到初步結果，而11日後驗孕就會得到比較準確嘅結果。 
不過如果你有喺限時內服用事後丸，避孕嘅成功率係有90%以上嘅，懷孕嘅機率好低，唔使擔心。
1個讚
好多謝你嘅回覆啊啊
我今日去左食事後啦，不過我好似感受唔到啲副作用（過左都有7個鐘）會唔會無效
Hello~唔一定每個人食完事後藥都會感受到副作用，有冇副作用同隻藥有冇生效係無關嘅
反而如果副作用太犀利，有肚痾嘔吐嘅跡象嘅話，有可能影響到藥效。所以如果你feel唔到有副作用嘅話，反而係好事嚟㗎
不過要留意事後藥每個月經周期只可以食一次，所以你而家食咗嘅話到下次嚟完月經之前都唔可以再食事後丸嚟避孕，因為事後丸係高劑量嘅荷爾蒙藥物，如果頻密咁食嘅話有機會影響生育能力
1個讚
我又黎報到….好多謝你嘅解釋
我的確安心左.。
不過宜家又好擔心🥲好驚成為個1-3%🥲
8號食左事後藥啦
我希望都無咩事，個姑涼話會提早黎M（如果28號都未黎就要去驗孕）我就好期待黎m啦。
想講到宜家都未黎m！！（26/10）我個內心好驚好驚，我宜家分唔清係m前定有左：我呢排其實壓力都大，情緒唔太好，食得唔太健康，我個胸feel到少漲，重點好容易肚漲，我唔知係我肥左（本人正常身型）定點，大食左同埋總感覺小腹凸
皮膚又變得好差！（平時好少皮膚問題）
我係咪都要去book做驗孕好？定其實係m前？
其實唔敢去驗
Hello~見到你話好驚自己都係會懷孕，但係都想俾你知嗰機率真係好低，所以基本上係唔需要擔心嘅。通常食完事後丸都會懷孕嘅女性，係因為佢哋冇喺正規嘅機構購買事後丸，或者喺性行為之後隔咗比較耐嘅時間（120小時）先至食，所以先至會懷孕。因為你當日就已經食咗事後丸，所以個懷孕嘅機率係真係好低嘅，可以唔使咁緊張
另外，雖然姑娘話會早啲嚟m，但係其實月經係受住好多因素影響嘅，生活習慣改變、壓力大等等都會影響月經周期，令到月經遲嚟。你而家緊張嘅心情都有機會影響月經，so relax!
至於你講嘅肚漲，皮膚變差嘅情況，好大機會係嚟M之前嘅跡象，所以只要你放鬆心情，應該就會如期嚟m。如果遲咗一個禮拜都未嚟m先至需要去驗孕。而驗孕係唔使book嘅，可以去萬寧屈臣氏買驗孕棒自己check，因為你佢哋上次性行為已經隔咗好耐，所以check一次就已經足夠準確。如果你心急嘅話，而家check都係可以嘅，因為距離你嗰次性行為已經隔咗14日以上，驗孕棒嘅結果係足夠準確嘅。Check到陰性嘅話就可以放鬆心情，等待嚟M🫶🏻
1個讚