月經已遲兩日 今日驗左不過係晏就 最後一次小便後3小時驗 結果否 但會否因尿液膀胱逗留時間過短 而影響？
各位大大
宜家嘅驗孕棒用全日幾時嘅尿液驗就可以，唔需要一定用晨尿
甘遲幾日算正常呢
每人個cycle同生活都唔同, 唔可能遲幾多日叫正常。
但西醫角度如果3個月以上都無黎一次, 先至係需要處理嘅, 因為有D人係3個月先黎一次月經。
請問，如果距離親密行為3個月其間無任何親密行為，驗完都無係咪可以放心？
我睇左醫生，醫生只係講左有月經就無懷孕；懷孕期出血只係好少量；我9月份月經黎左6日。
然後無驗啲咩就送走左我⋯⋯
其實你可以放心啊，既然醫生都話冇事，你就唔洗咁擔心。
但係我更關心係咩情況令你咁唔放心？
9月14號黎完過左一星期左右，下腹有小小隱隱痛，小小肚漲，然後喉嚨好似有野頂住，但又未到反胃嘔吐，同有腹瀉。
24號睇醫生話係腸胃痰，但好少會肚瀉甘耐。我擔心係懷孕特徵⋯😅
經期有腹瀉可能是子宮收縮導致腸蠕動增加而腹瀉。
你平時經期會痛嗎？
你依家身體狀況點啊？
平時月經黎會痛，黎完唔會，所以驚係人地話既懷孕出血同子宮擴張！
9月份黎經第一日超痛，第二日小小，其餘日子唔痛。胸部就月經完左就無漲痛⋯
月經量就頭兩日較多，其後4日正常/小⋯有血塊。但見有人話懷孕出血都可能同月經一樣多。
食左藥肚濟都好左，但個胃仲係有啲漲⋯
我平時係比較容易緊張既人，所以今次第一次所以特別擔心⋯
謝謝你！其實有你地回覆我感覺安心啲！
只係覺得醫生睇得有少少隨便⋯
容易緊張嘅話腸胃亦都易受刺激而感到不適
我覺得胃嘅問題反而係要放鬆
吾好意思丫 我好擔心D M吾黎 已經五日 我有D胸痛乳頭禁落痛 但肚冇M黎前D搞搞地痛 明明驗左冇 又吾黎 我個人覺得我吾算太大壓力導致吾黎
你對上一次驗孕係幾時？如果你仲係好擔心，可以係上次驗孕後一個星期再驗多次，兩次都係陰性的話懷孕機會非常之微。
雖然你話唔係太緊張，但擔心都會影響到情緒同埋內分泌。盡量放鬆自己吧，有咩野擔心歡迎上黎再傾。
1個讚
遲左第二日就驗 而且我had sex個日係月頭
要糾正一下先，月經週期人人唔同，亦都唔係一定月頭黎嘅
I mean 我月頭做
不如咁，你上次驗個日幾多號呢？到宜家夠一個星期嘅話，就今晚去買驗孕棒吧。如果唔行動，日日都好似熱鍋上嘅螞蟻，對你心理健康都唔好。
同埋真係認真諗下周全嘅避孕方法，唔係每個月都係咁真係好影響身心架。
我地有套套的 不過我都擔心
如果正確使用套套, 避孕成功率都係好高, 所以請放心
不過我總係覺得你未太準備好就開始有性關係, 或者會唔會同之前的經歷有關係呢?