關於停食避孕藥

10月3日開始來月經,根據藥盒上指示開始食第一粒避孕藥,然而一路食,身體越來越不舒服,胃脹頭暈呼吸不順,加上我有焦慮症加劇了驚恐症發作,於是食到第七天(10月9日)決定停藥,10月8-9日只來了少量啡血,到10月10日時又像月經重來般,請問這是什麼現象?大概什麼時候才會停止出血呢…

Hello~多謝你嘅提問:heartpulse:你呢種情況係撤退性出血。因為避孕藥係高劑量嘅荷爾蒙藥物,服用之後會令你血液中嘅激素水平喺一驟間提高。直到你停藥,激素回落至一般水平嘅時候,多數會產生子宮內膜部分脫落嘅副作用,導致陰道出血,臨床上呢種出血情況稱為「撤退性出血」,表面上佢同真正嘅月經好相似,但實際上呢種出血唔係一般嘅嚟M,因為呢段出血時期唔係按照正常嘅月經周期日子嚟計算,而係受到藥物干擾之下產生,所以只能夠叫做「替代月經」。

撤退性出血持續嘅時間會同你之前嚟月經嘅日數差唔多。而面對呢類情況,你可以將「替代月經」當係其中一次月經,去推算下次嚟月經嘅日子。期間如果要發生性行為就需要做足避孕措施,例如使用安全套🫶🏻

最後都想提一提你,因為你本身有焦慮症,咁喺服用避孕藥之前記住要查詢醫生嘅意見。因為服用避孕藥初期可能會有情緒波動大嘅副作用,雖然通常幾個禮拜就會消失,但係都有可能令你好唔舒服,所以記住要問過醫生先好食,同埋要定期做身體檢查,監察身體情況🫶🏻

1個讚

謝謝你的解答! 下次我會諮詢醫生意見再決定要不要服藥 :grinning:

1個讚