想請問其實如果白色藥片唔食有冇問題架 如果唔會影響避孕效果就唔想特別食了>< 謝謝你們,同埋想問下太耐冇sex,之後sex係咪會痛T^T 想問有冇方法解決同埋係咪買支KY好D QAQ
Hello 你好~
Yaz 白色果個藥片本身並冇任何藥效,所以唔食係okay 的,唔會影響避孕效果~ 佢嘅作用係幫你記啱個日子,防止早咗或遲咗開始食下一pack~ 呢個設計下,只要保持每日準時食藥嘅習慣,就可以發揮同維持到最好嘅效果
至於耐冇sex 方面,有機會因為心情上會緊張啲而增加咗異物感甚至痛感,所以如果能夠做耐啲前戲準備身心,過程慢慢嚟唔好太心急,再加埋使用潤滑液,就可以避免不適感出現嘅機會
同埋常備一支潤滑液係一個好好嘅習慣,因為嚟緊秋冬天氣會變得乾燥,又或者有時冷氣開得比較大,都會令本身天然嘅分泌物更易揮發,消耗得更快,容易令過程中有不適感,或者喺進行插入式性行為嘅時候,因為陰道濕潤度不足而造成陰道撕裂或者有傷口,所以呢個時候加啲潤滑液就可以享受個過程更多喇。都可以提醒你,潤滑劑有好多唔同嘅成份,當中有啲物料可能會產生敏感作用,記住睇返成份選擇適合自己嘅潤滑劑