第一次服用口服避孕藥一問

Hello~我早前到睇門診醫生,順便問埋醫生意見應該點樣開始食第一粒事前避孕藥。
醫生話食避孕藥可以由嗰日(月經第五日)食,聽取完醫生建議之後就去咗萬寧買Yaz 28天嘅事前避孕藥,亦由當天開始每天準時服用,由於事前都有Google過避孕藥喺服用7日後會起避孕交用,所以喺食左第十粒後同男朋友嘗試第一次無套性行為,由於都係擔心,最後體外射精。
後來上網睇Yaz嘅官網,發現佢哋建議初次服用應該由月經來潮第一天/第一個星期日開始食,首七天性行為的話需要阻隔性避孕方法。因為同醫生嘅講法有出入,所以想問一下,到底我由月經第五天開始食,並且連續服食10日後當天發生的無套性行為會唔會已經有避孕效果??Thank you

呀,漏左講,食左避孕藥十幾日,我平時食嘅時間都係17:00-19:00内,唔知有冇影響效果:sob:

準確嗰時間係17:00-18:00中間服用,有時17:20有時17:50。定其實最好同一時間食,等佢唔好起過24小時都冇藥力?

1個讚

Hello,多謝你嘅提問。

首先,就住避孕功效嘅問題,一般嚟講,如果你係第一次食避孕藥,而又係嚟月經嘅首5日服用,只要連續服用7至10天,就可以係身體中產生足夠藥性,並達到避孕效果。

而呢7至10天嘅計法,係指由開始食嘅7至10天計算,而並唔係月經開始嘅7至10天。如果你係嚟月經嘅首5日服食避孕藥,而你又係食咗第10粒後先進行無套性行為,其實都已經係有避孕效果。

另外,關於開始服用嘅日子,一般都會建議係嚟月經嘅首5日服食,原因係可以更快地建立到藥效,咁服食嘅頭1個星期內進行性行為時都建議使用返安全套。但如果係嚟月經之後嘅第6日或之後先開始服用,就會建議係頭2個星期內進行性行為時都使用返安全套。

另外,有關食藥時間嘅疑問,當然最好係可以係同一時間服用避孕藥,但由於你正服用緊嘅Yaz係混合荷爾蒙避孕藥,食藥時間上相對較彈性,每日食嘅時間差少少係唔會有影響,你提及嘅range都係可以接受範圍,只要確保每日都有食避孕藥就可以啦。

2個讚

唔該晒你吖:bowing_woman:t2::bowing_woman:t2: 解釋得好詳細

1個讚