女朋友12號完M，之後14號就發生性行為，當時我勃起，龜頭上面有一滴透明嘅嘢，之後我冇理，帶咗condom，但係個condom掉轉咗，之後我再調返轉嚟戴，而家我好驚佢會唔會大肚
Hello，多謝你嘅提問。
見到你提到話係女朋友完M之後2日就發生性行為，估計你係認為呢個算係安全期期間進行性行為，可以減低懷孕機會。
的確，如果按標準正常月經周期嘅計算方法嘅話，應該唔算係危險期入面。不過，需要提一提你，靠安全期避孕係好唔準確嘅。因為女性每次月經周期都唔一樣，而月經亦會受好多因素影響，不是每個人每次的週期都會是28天。加上每個人的排卵時間都不同，即使是28天週期亦不代表身體在第14天排卵。月經同排卵是有機會撞期，所以即使剛剛完結月經亦有機會受孕。
欣賞你冇打算單靠安全期避孕，亦有用到安全套。但最安全嘅方法係係性器官接觸前就以正確的方式使用安全套。你提到你性興奮時的陰莖有透明分泌物，其實係尿道球腺分泌 (pre-cum)， 裡面一樣可能含有少量精子；即使只是pre-cum接觸到陰部，也不排除可能會有任何一條精子遊進去和卵子結合，然後導致懷孕。
所以，以你嘅情況其實都有懷孕風險，都會建議你女朋友係發生性行為嘅7日或者11日後做返個驗孕測試。你女朋友可以依照驗孕棒說明書嘅指示使用驗孕棒，在性行為發生7日後驗孕就會得到初步結果，而在11日之後使用就會得到相對比較準確嘅結果。你女朋友都可以買多一兩個唔同嘅牌子去驗，如果都驗到係陰性，咁就應該係冇懷孕啦。
最後都建議你下次可以分清楚正反面先戴，如果發現咗戴翻左就直接換一個新嘅，避免有懷孕同患有性病嘅風險。我地呢到都有個IG Post講解點樣正確使用安全套，你都可以留意返：
https://www.instagram.com/p/B4EX0FVFLUf/?igshid=NzNkNDdiOGI=
但係我上網睇到一啲人話precum 冇精子，一啲人又話有
仲有懷孕嘅風險高唔高
尿道球腺液（Pre-cum）本身自己係冇精子嘅，但點解會話當中有可能含有少量精子呢？係因為尿道中有機會殘存著前一次射精時所遺留的精子，例如係性交過程期間，有機會係射精前出現「漏精」情況。而且射精都唔只限於與伴侶做愛時嘅射精，都可能係之前自慰、或者係夢遺而射過精。所以當尿道球腺液（Pre-cum）經過尿道時就有機會會混合咗少量精子，令精子透過Pre-cum得以存活並游進去同卵子結合。雖然呢個情況比直接係陰道內射精的精子數量係少好多，但都唔能夠話排除到懷孕嘅機會。所以都只能夠答到你係有懷孕嘅風險。
但如果我喺發生性行為嘅前一日，即係13號夜晚，我打完飛機，跟住14號朝頭早屙完尿，會唔會清空尿道入邊啲殘留精子