9月11日同男朋友有安全性行為後 9月23號嚟咗M 而個次嚟M都同平時差唔多冇乜特別
嚟M後再沒有性行為 即係9月23號後沒有性行為
嚟完M後到10月6號左右開始有開始出血
之後因為睇apps講我8號排卵所以我都認為係排卵期出血 但一路都有斷斷續續嘅出血（有時係啡色嘅有時啡紅色有時鮮紅有時暗紅）排卵期過咗 但一路有出血 量又一張護墊又太小一塊M張又太大 然後我到今日尚有6日左右嚟M但我未有胸痛 但仍然有血
想問首先會唔會係有咗？
然後會唔會係提早咗？（但量好少）
或者係咪有婦科病？Thx
個量呢有時候好多 即係一塊護墊滿到漏
但有時又冇乜
我發現特別去完厠所會特別抹到血 鮮紅到暗紅嘅血
但如厠所用M巾或者護墊又冇乜血
仲有我平時嚟M前十幾日開始有胸嘅按壓痛 但我到宜家都未有🫡
Hello~ 照你所講嘅情況，你喺對上一次嚟經後無發生過性行為，所以係唔會有懷孕嘅風險嘅
可能你擔心上次嚟經或者今次出血嘅情況係坊間所講嘅「假m」，即係着床性出血，指當受精卵着床喺子宮壁嘅時候有機會造成嘅少量出血。但係首先懷孕後並唔一定會出現着床性出血，而且着床性出血嘅血量通常只會有幾滴或者最多一塊護墊可以承載到，而且係一次性，唔會持續地出血幾日，血嘅顏色亦會同月經嘅唔一樣。所以如果有好似平常咁嚟M，又或者出血嘅情況持續嘅話，基本上都可以排除懷孕嘅可能性。
而你呢次出血，有機會係月經提早咗嚟，因為月經本身都係受好多唔同嘅因素影響嘅，例如生活習慣及作息改變、壓力大、生病服食過藥物等等，所以你可以檢視下自己前排有無呢啲情況。另外見你提到出血嘅情況持續，亦都同過往嚟經嘅情況有啲唔同，的確有啲婦科病會有陰道不規則出血嘅情況，所以都建議你去睇醫生了解下身體狀況，咁就唔洗估估下咁擔心啦
1個讚
咁我如果係提早咁少血會唔會係出現咗啲咩問題（平時月經量都大）
定其實都係排卵期出血
月經量都受好多唔同嘅因素影響，例如生活習慣改變、生病服食過藥物、壓力大等等，所以唔一定每個月嘅月經量都一樣嘅，如果好擔心嘅話，建議去睇醫生了解返身體狀況最可靠