1 我唔識拿捏一個suitable嘅頻率
每一次隔太耐嘅話就會導致太敏感 好容易射精，不過要解決呢個問題，我知道可以喺前戲嗰陣通過各種penetration以外嘅方式令對方高潮先
太頻密就會唔夠硬，呢個就真係唔知點算喇，唔夠硬就真係好影響女朋友嘅feel
所以我好confuse，唔知應該要點
2 其實大腦係咪都係性器官？
我有時覺得可能唔係龜頭/陰莖某個位太敏感 ，而係個腦
即係明明自慰嘅時候隻手已經唔係郁得好快/握得好緊，但都係好容易就會想射精，點樣斷續刺激都冇用，因為任何接觸都會增加想射精嘅感覺
就前幾日咋嘛 ，嗰日自慰咗一次之後，三四個鐘之後沖涼嗰陣，又好想要，真係硬晒，扯住好辛苦，咁我諗住前幾個鐘頭先至射過一次，而家可以享受得耐啲喇啩，點知我隻手先啱啱開始郁，唔夠十秒就射咗
所以我想問下會唔會係我個腦太興奮而導致呢個情況？
3 自慰上癮？
有時我覺得自己唔係想射精，而係純粹想享受stroking嗰種感覺，奈何各種原因，無論我點樣降低刺激強度，都係好快就已經充滿想射精嘅感覺
我曾經試過一日射三次，即係上晝連續自慰兩次，下晝又一次咁樣，但個時間又唔見得有咩變化
又試過連續幾日 每日自慰一次，都係冇用，仍然係好容易就射精
亦都試過一段時間唔自慰，但除咗真係硬到鐵咁同埋最後係噴出嚟之外，時間都係冇點樣長到
個人因此好灰心
其實我問咗幾個問題
唔該晒
想問問
- 你自慰的目的是什麼？是否只想捽磨龜頭，降低它的敏感度？是否想宣洩性的壓力？
- 你是否沒割包皮？
其實每個人龜頭的敏感度也不同。且自慰次數與持久度並沒有必然的關係。自慰得多，一日之內射多幾次精，不一定就代表會持久一些。且自慰太頻反而會精疲力盡，容易傷身。有性慾唔一定就係需要滿足佢才心安。
Hello 多謝你嘅提問
我諗你最主要係認為，因為自己自慰次數太多同頻率太高，導致：
1）認為自己嘅陰莖唔夠硬
2）覺得每次射精時間太快
3）懷疑自己有上癮嘅問題
咁我就分開幾點回答：
1）有關陰莖唔夠硬嘅問題，陰莖嘅硬度其實係會受唔同心理及生理因素影響。的確自慰頻率係會影響陰莖硬度，但呢個都唔係唯一嘅原因。生理上，除咗自慰習慣之外，你嘅身體狀況同生活模式都可能會影響到陰莖嘅硬度，例如可能身體太攰而又冇足夠休息，運動習慣、日常作息睡眠習慣、飲食習慣都係一啲會影響硬度嘅因素。除此之外，心理上，都可能因為有唔同嘅壓力，或者情緒困擾而影響硬度。咁呢方面都可以嘗試吓改變生活習慣，做運動，或者做一啲放鬆心情嘅活動，睇吓會唔會有改變。
2）至於太快射精嘅困擾，其實同上面第1點都差唔多，都係會受唔同嘅生理同心理因素影響，包括上面提到嘅自慰習慣、身體狀況、精力集中的程度、唔同嘅壓力同情緒困擾等。呢啲壓力同情緒困擾甚至可能係來自於因為自己太快射精或者陰莖唔夠硬，而對自己造成壓力同困擾。
如果想增強持久力，我地都會建議可以做「斷續刺激」訓練。即喺刺激陰莖到feel到想射精嘅時候就暫停刺激30秒，比佢冷靜下，當想射精嘅感覺減弱嘅時候，再繼續刺激，如是者重複幾次，然後先射精。但記得唔好強迫自己長期完全唔射精，同埋記住訓練係感覺即將射精時停止刺激，而唔係感覺精液要射出時，利用不同方法阻止，例如用手壓緊陰莖或強行擋住尿道口，咁樣會令精液無法排出，嚴重嘅可能會導致尿道、膀胱、前列腺發炎。
3）至於有關上癮嘅問題，要明白其實自慰或者性滿足呢啲其實都係好個人嘅事情，冇話幾多次數或者頻率先至係正常，只要自己身體、精神、時間都應付得到就冇問題，唔使太過擔心，唔一定話要徹底戒除。當然，如果你覺得自己唔想用太多時間喺自慰身上，或者覺得自己身體已經受自慰影響得好嚴重，都可以嘗試做其他有興趣嘅事情去轉移注意力，調整日常時間分配，等自己唔好對於自慰有太大壓力。如果真係覺得自己無法自拔咁自慰，又嚴重影響身體同生活的話，都可以選擇尋找相關嘅專業意見或者輔導服務。呢度有一個轉做相關服務嘅網站，你可以留意下：
明愛「情性地帶Sexuality Zone青少年性健康支援及輔導服務」
http://playsafe.caritas.org.hk/sz/
到最後，如果陰莖硬度同射精時間情況依然非常困擾而無改善，都會建議你諮詢醫生嘅專業意見，有可能係身體上出現問題導致有咁嘅情況。
的確是沒割包皮
不過即係沒有勃起
仍然可以拉下包皮 露出龜頭
冇錯，我的確係：
1）認為自己嘅陰莖唔夠硬
2）覺得每次射精時間太快
但其實無論我自慰次數多唔多，頻率高唔高，情況都會係咁
Hello多謝你嘅回覆！明白你都好擔心會影響到女朋友嘅感受。
關於陰莖唔夠硬方面，其實依加都無一個標準關於咩係硬，好似john講咁，
陰莖嘅硬度其實係會受唔同心理及生理因素影響，例如可能身體太攰而又冇足夠休息，運動習慣、日常作息睡眠習慣、飲食習慣都係一啲會影響硬度嘅因素。
自慰都會有影響嘅，自慰習慣依靠某一個刺激來源、習慣咗刺激某一個位置、又或者習慣某個程度嘅敏感度嘅話， 都可能令陰莖喺做愛期間無法達致同一硬度。
短時間內你想令硬度提高或者持久力耐啲，你都可以試下凱格爾運動，最主要就係訓練盆底肌嘅，同時都可以改善陰莖血液循環嘅狀況。係一開始做凱格爾運動嘅時候，你需要感受下盤底肌先，你可以試下係屙尿嘅期間嘗試截斷尿液，果一個肌肉就係盤底肌啦。知道盤底肌係邊之後，你就可以嘗試收緊盤底肌，維持5秒，然後放鬆，再收緊5秒，再放鬆，如此類推，可以先嘗試做10組先，當你熟悉嘅時候就可以慢慢加秒數同埋做多幾組。凱格爾運動就無分幾時做嘅，只要你得閒就可以做架啦，咁樣會唔會可以改善到你硬度嘅問題。
見到你都擔心自己射精嘅時間太快，根據依加嘅醫學標準，早洩嘅定義係陰莖進入陰道後一分鐘內就無法控制咁射精，明白平時喺av中見到嘅插入時間可能嘅半個鐘甚至係更長，但其實依啲都係電影，反映唔到真實嘅情況，所以唔一定要同電影情節一樣先叫好，亦無一個標準關於咩叫耐，咩叫快。正如john咁講，射精時間受唔同嘅生理同心理因素影響，除咗自慰習慣外，情緒壓力都好大影響㗎，可能因為覺得自己太快射精，反而造成壓力，更加影響射精嘅時間。
如果想增強持久力，我地都會建議可以做「斷續刺激」訓練。即喺刺激陰莖到feel到想射精嘅時候就暫停刺激30秒，比佢冷靜下，當想射精嘅感覺減弱嘅時候，再繼續刺激，如是者重複幾次，然後先射精。但記得唔好強迫自己長期完全唔射精，同埋記住訓練係感覺即將射精時停止刺激，而唔係感覺精液要射出時，利用不同方法阻止，例如用手壓緊陰莖或強行擋住尿道口，咁樣會令精液無法排出，嚴重嘅可能會導致尿道、膀胱、前列腺發炎。另一方面，而家都會有一啲減緩陰莖敏感度嘅安全套/潤滑劑可以選擇，睇吓可唔可以改善到呢個情況。
最後，兩個人之間嘅性行為唔一定要透過陰莖插入陰道先叫完整，亦都唔需要覺得自己滿足唔到對方而自卑。依加市面上都有唔同種類嘅性玩具同埋前戲嘅技巧，可以幫到你同女朋友獲得快感 ，可以睇下我地instagram嘅post，都有介紹㗎！ https://www.instagram.com/p/CGpLUl2jJW-/
希望以上嘅資訊幫到你！
1.自慰的目的是讓陰莖習慣受刺激，提升它接受刺激的能力
2.的確是沒割包皮，不過即使沒有勃起，仍然可以拉下包皮 露出龜頭