Hello, 想問下, 斷斷續續食左好幾年優思明, 呢2個月開始都早左黎M, 早左成日星期開始黎M, 係黎足十幾日, 尾幾日仲好啡,黎到直至開新藥先識停, 有無人試過知咩事?
Hello 多謝你嘅提問
首先，首先想問下你斷斷續續食咗好幾年，詳細係點斷斷續續？係食咗幾個月停幾個月？定係食咗一年然後停咗幾個月？因為其實避孕藥係非常高劑量嘅人造荷爾蒙，如果你斷斷續續食下停下，會令身體入邊嘅荷爾蒙波動非常大。因為正常地，當停食避孕藥大約一個月左右開始，身體就會慢慢恢復正常排卵。如果斷斷續續咁食，就會有機會擾亂身體周期。
另外都有機會係你之前斷咗食避孕藥，然後喺上一次嚟月經嘅時候食返，係藥效未建立好嘅時候，又嚟新一輪月經，而導致咗相關嘅情況。而呢個都只係其中一個可能性，所以都想知道返你提到嘅斷斷續續食咗好幾年係咩意思。
同埋都想問一問，你係食避孕藥之前有冇曾經搵過婦科醫生做過檢查或者諮詢過相關意見？因為斷斷續續咁食都唔係一個理想嘅食法，都建議跟返規律咁食。
另外你提到，尾幾日好啡，係指流一啲啡色嘅分泌物？定係指經血？因為如果係指分泌物嘅話，就有可能係撤退性出血嘅血再加分泌物。
同埋你嚟經期嘅日子都比較多，所以想了解返，你嚟經期嘅量係多唔多？會係量比較少但日子比較多？定係都有正常份量但日子都咁多？因為如果係正常份量但嚟咁多日嘅話，都有可能係出現一啲婦科疾病，例如子宮息肉。
呢度都會建議你搵返醫生做個專業嘅診斷，因為單靠文字都能夠清楚判斷到你身體嘅狀況。呢到係一個家計會嘅網站，你都可以喺嗰度搵返一啲婦女健康服務：
希望以上嘅回答可以幫到你。
1個讚