岩岩睇咗婦科照哂都冇事
自己有肌榴同多囊
Hello~
見到你話自己本身有卵巢多囊症，呢樣嘢有機會令你荷爾蒙失調，令月經週期唔準，導致到你經期遲咗一個星期。至於子宮肌瘤通常唔會導致任何月經週期嘅問題，但多數患有子宮肌瘤嘅女性會有大量月經，可能引致貧血。
既然你話做咗婦科檢查冇事，咁可以再等下先，如果月經遲咗三個星期都未嚟先去睇醫生，等醫生決定使唔使開催經藥畀你。
不過月經遲嚟都有好多因素影響，生活習慣嘅改變，壓力大，運動同飲食失調都會令月經遲黎。除非你曾經進行唔安全嘅性行為，如果唔係都唔需要太擔心嘅。
肌瘤同多囊都係香港女性常見嘅婦科疾病，你記得要定時覆診/做檢查，同埋記錄低月經嘅時間同分量，咁之後醫生問開（例如當你想要小朋友嘅時候），都可以即刻了解你嘅情況，作出最準確嘅判斷🫶🏻
我都好遲來經，大約試過45日先來
今個月都好遲先來
今日我週期都36日都未來
在睇埋下星期，已經飲緊紅棗桂圓茶，同薑母茶
真係未飲五花茶，唔想飲咁多涼野
每年一次婦檢走唔甩
因為多囊卵巢綜合症主要嘅影響係月經次數過少（一年月經次數少於九次）或「閉經」（連續三個月或以上冇月經）。多囊亦有可能造成其他類型的月經失調
所以就算你36日都未黎，都係合理嘅，要耐心等下
至於你飲嘅涼茶，對於一般人嚟講，都未必有活血催經嘅功效，何況你本身有肌瘤同多囊，效果會更少
當飲品係冇問題嘅，不過就唔好期望會對催經有幫助。
好多時候都會飲桂圓紅棗茶或黑糖薑母茶
暖下宮，所以都由得m 來咪來唔來都冇計
有時都會知個月兩次
有時一個月來兩次
通常有卵巢多囊症嘅人好少會一個月來兩次月經，多數係周期比較長，甚至乎「嚟貴經」，幾個月嚟一次月經，你嗰次會唔會係排卵期出血？所以令你有一個月嚟咗兩次月經嘅錯覺？
不過既然你檢查過，問過醫生都話冇事，咁就唔使擔心嘅。除非你嚟經期嘅時候有唔舒服嘅感覺，例如強烈嘅腹痛，或者留意到分泌物有唔正常嘅情況，咁就要另外約時間睇多次醫生，問下醫生嘅意見啦
我試過一個月冇來經，一個月來兩次
醫生都話如果經期超過五星期唔返去睇下
但好多身邊朋友都多囊一年四次經
今個月返咗去睇，都冇咩事
所以都等下
嗯～現階段來講卵巢多囊症未有一個能夠完全根治嘅治療方案，基本上都係靠調整生活方式或者食避孕藥嚟減輕症狀。不過因為每個人嘅體質都唔同，所以千祈唔好亂食藥，就算想用避孕藥調整經期規律，都記住要問左醫生先，等醫生處方適合佢牌子同埋劑量嘅避孕藥俾你。
另外，做適量嘅運動同埋培養營養均衡嘅飲食習慣都可以改善經期規律。雖然唔能夠完全醫好多囊，但應該可以減輕你對經期唔規律嘅憂慮
多囊好麻煩又遲期,今個月唔知幾時來
睇中醫唔係人人都夾到
來咗經啦,但好少好少咁來
好少會咁,因為之前做咗手術
唔會咁少少來
如果你之前做過手術，月經量應該係多啲嘅話，可以等多幾日睇下個量會唔會多返，因為月經啱啱開始嘅時候個量係比較唔穩定嘅，可能好多，可能好少。如果到月經嚟完，個份量都係唔啱嘅話，就要搵醫生評估多次之前手術嘅成效，睇下可以點改善