初來報到 亦係第一次投 希望可以耐心睇
10月15日左右同另一半第一次發生性行為 第一次有戴套(男方帶）
第二次 冇帶 但只係入咗去幾下 好快出返嚟
知道分泌物都有機會中嘅時候都好驚
上個月22號嚟M 而我經期一般都36-44日不等🥲
呢幾日個肚一直好痛 食嘢食唔飽咁 好空
下個又好濕 想問下有冇中？定嚟M前先兆
一直都好驚 Thankq !
Halo
Hello～好多謝你嘅問題
見到你話同另一半第二次發生性行為嘅時候冇帶安全套，咁都提返你其實就算另一半冇射精，但當陰莖受到性刺激嘅時候都會流出尿道球腺液，當中有機會含有少量精子，雖然精子嘅數量會比射精的數量少很多，但仍有機會導致懷孕，所以下次要小心記得要做足安全措施吖～
至於你都提到你有分泌物，咁最近天氣都比較局同埋潮濕，所以要多啲換護墊，確保陰道清爽乾淨，防止念珠菌感染。同埋其實陰道平日都會自然流出偏奶白，帶有黏性的分泌物—白帶，以保持陰道濕潤，係周期唔同嘅時段都有唔同嘅分泌量，例如經期前後都會增多。如果發現分泌物顏色、氣味有異咁做需要去睇醫生做身體檢查確保陰道健康狀況。
而你話覺得個肚痛，你會唔會感受到係胃痛，腹部痛，或者係其他？因為都有好多其他唔同嘅因素會導致到身體不適同埋胃口改變，所以其實可能係月經嘅前兆，唔洗擔心～ 但因為每一個人嘅身體狀況都唔一樣，所以如果真係覺得唔舒服最好就去睇醫生。
所以其實最好係搵婦科醫生或者驗孕棒嘅方法去檢查是否懷孕。使用驗孕棒最佳嘅時間一般都係受精時間嘅7至11日之後，姐係今日10月21號就可以驗，最好可以買多一兩個牌子去驗，咁就可以確保結果嘅準確度。
希望呢啲資訊可以幫到你～
一直都驚肚痛係以為會有咗 因為食極都食唔個啲
如果你感受到嘅係腹痛（子宮嗰啲位），可能係月經前嘅徵兆；如果係胃部（偏左邊高啲嘅地方），咁就可能係胃痛或者腸胃炎之類嘅情況～ 亦有可能因為緊張而壓力太大，造成肚痛不適甚至肚瀉嘅反應呢～
食慾變大的確係懷孕初期嘅徵兆，但係呢啲徵兆喺懷孕後約6至8個星期先會出現，你對上一次性行為係大概一星期前，所以係唔likely 會出現懷孕嘅徵兆架～
食極都唔飽方面，有好多因素影響嘅～ 例如天氣變凍咗，能量消耗大咗，如果食嘅份量冇乜增加，咁可能就會消耗得快啲，令到快咗需要再進食嚟補充能量，咁就會好快再肚餓；或者如果你食開嘅嘢食嘅升糖指數比較高，會比較容易造成血糖大升大跌，繼而造成好快又需要進食嘅情況～
所以你可以試吓食多啲低升糖嘅食物，佢會帶嚟更大嘅飽肚感，同埋唔會令血糖大上大落，咁就唔會好快肚餓又唔覺得飽喇：）
呢度比返一啲食物對應升醣指數嘅資料比你，希望幫到你啦 <3
1個讚