男下體痕癢

我係男仔

早前試過有套性交、無套口交,之後下面陰毛、大髀罅開始痕~
去左檢查中左加德納菌,其他都無,食左一次抗生素,之後一個星期再check變返negative,但都係痕~
3個月後再check,期間完全無sex, 但加德納菌又變返positive,其他都係negative, 之後睇左兩個醫生,食左3個星期抗生素,啱啱食完都係痕,醫生話停藥。

我想問下,加德納菌會唔會有抗藥性,有嘅話,仲可以點算,係咪一世都好唔返?

陰囊都痕

Hello, 加德納菌係一種常見於陰道既細菌,主要通過性接觸傳染, 而患者只要按指示服用醫生處方抗生素藥物,直至服完餘下藥物為止,是可以完全根治加德納菌的。

至於你在治療後仍然復發,首先建議你檢視先前的服藥過程有否按照用藥指引連續服食,直至療程完成。其次, 除咗藥物嘅配合,其實生活習慣都會有所影響,你可以加強注意性器官的清潔衛生,確保陰部保持乾爽,同時避免穿著過緊下身衣物,避免細菌滋生。而你亦應該將現時的症狀告知醫生,如痕癢的部位,諮詢醫生是否需要改變治療方案,如轉藥及處方藥膏搽患處等。相信如完全按照醫生處方的用藥指引,應可以完全根治,不用太擔心的。

有準時食咗三個星期藥,都有注意衛生~
醫生俾左歐膚寶我用,用左幾日好d, 想問下呢隻藥清唔清除到加德納菌?
因為好驚用完一個星期,唔用又痕返,同埋已經差唔多4個月喇,想快d好返。

Hello~ 多謝你嘅問題吖,原來呢個問題困擾左你已經一段時間,辛苦你了:sparkles::heart:好開心你個情況有好轉吖~

咁你有話準時食藥直至到醫生話停藥,同埋都有用歐膚寶,咁就唔洗太擔心,你可以等到用完之後睇吓身體有冇好轉,跟住之後繼續詢問醫生自己嘅狀況。

同埋見到你話對歐膚寶嘅疑問,咁其實歐膚寶唔會幫你根治加德納菌。歐膚寶佢嘅成份主要係舒緩由真菌引致嘅皮膚不適,例如敏感紅腫濕疹之類嘅問題,所以雖然佢都會有抗菌作用,但係主要嘅功效都係想舒緩痕癢嘅問題。如果用晒,而又需要繼續用的話,可以詢問醫生嘅意見再配藥。

見到你之前有提及自己最近冇發生性行為,好好咁避免細菌傳播,非常好呀!咁唔知你呢段時間有冇自慰呢?因為自慰之前都要留意,確保返雙手清潔,或者如果你有用飛機杯,就要確保飛機杯係咪徹底清潔乾淨咗,因為飛機杯嘅結構,就算清洗之後,細菌都有可能殘留喺杯嘅罅隙,咁自慰嘅時候就會令陰部再次接觸細菌,導致返發,所以要加倍小心。另外,要確保唔會返發,平日必須保持返陰部清潔,確保要每日清潔陰部,更換內褲同定期清洗床舖。

同埋都想問吓,見到你有轉過醫生,唔知你有冇轉過抗生素呢?因為如果有轉抗生素,咁就有機會有抗藥性。如果去睇新嘅醫生,咁最好就留低用過嘅抗生素包裝,比醫生睇然後佢開一啲適合你用嘅抗生素或者藥物,

希望呢啲資訊幫到你啦:pray: