如果未夠十八歲
係咪買唔到潤滑劑？
就算買到，有驚俾屋企人發現
如果自慰嘅時候身邊冇潤滑劑
係咪冇嘢可以代替到？
唔該晒
你有冇割包皮？
若沒有割的話，自慰可以不用潤滑劑，純粹用包皮磨擦龜頭一樣可以自慰。
但若你割了包皮的話，必須使用潤滑劑來自慰，否則乾磨的話會有機會弄損龜頭，亦唔舒服。
潤滑劑也分好多種，有分油性、水性和帶矽的潤滑劑。我個人喜歡用矽性的潤滑劑自慰（例如凡士林），因為即或卒龜頭卒得耐，也唔容易有水分揮發掉導致變乾的情況發生。在做愛的時候會用水性的ky gel，不會對陰道造成傷害。
其實自慰係好普通的事，且潤滑劑亦不止純粹用作自慰一個用途，不必太過擔心去買時會出現尷尬的情況。潤滑劑好多地方都買到，藥房丫，萬寧屈臣氏丫。若你真的擔心，口水亦可以當作水性的潤滑劑，或揀間可以自助俾錢的商店購買。
Oh
Sorry
我冇講清楚
其實我係女仔
女仔的話，只能夠用水溶性的ky gel做潤滑劑了。
Hello 感謝你嘅提問
18歲以下可以買潤滑劑，係家計會、註冊藥房、便利店、屈臣氏、萬寧、性玩具商店或者網購都可以買到。但要留意嘅係大部分性玩具商店都要18歲以上先可以入去。
至於自慰需唔需要使用潤滑劑，就係因人而異嘅，可以因應返個人嘅需要而再作出選擇。例如：如果分泌物夠多，就未必需要用潤滑劑。如果自慰嘅過程放鬆少少、環境可以讓你放鬆啲、有多啲唔同嘅刺激，都有機會可以令陰道口巴氏腺嘅分泌物增多，係天然嘅潤滑劑。但若果比較大壓力，或者食開一啲會令陰道偏乾嘅藥物，都會令到分泌物減少，咁就可能需要使用潤滑劑作輔助～
另外我都明白會好驚比屋企人發現 或者可以嘗試購買一啲一次性使用包裝、旅行小包裝、試用裝等等。咁就可以唔使有咁大支嘢潤滑劑放喺屋企。再唔係可以買啲旅行分裝瓶，將潤滑劑倒入去，咁就冇咁容易被發現。
潤滑劑我地唔建議用其他代替品，但佢有分好多唔同種類，如果有興趣嘅話可以參考吓以下嘅連結：
https://www.instagram.com/p/B5cf5Z9FCaS/?igshid=YmMyMTA2M2Y=
https://www.inmediahk.net/node/1036354
最後有個小提示：我地唔建議用石油副產品或者油性產品（例如凡士林、BB油、hand cream等）作潤滑劑！因為呢啲產品會影響女性陰道pH值，比較容易影響陰道嘅健康，例如會引起陰道炎、異味分泌等問題。
咁如果用BB油幫男性手交係咪都應該要避免？
係呀都唔建議，好似上面嗰位同事所講會影響陰道pH值，所以都驚如果清潔得唔妥當會容易造成發炎嘅情況
純粹用手取悅男性咋喎，唔係插入式性行為
同埋原來陰莖都有ph值？
係㗎，陰莖都有pH值，只係個pH值會比陰道相對高。而bb油呢啲石油副產品或者油性產品其實都唔係正式嘅潤滑劑，所以都唔建議當作潤滑劑使用，因為如果冇好好咁清潔嘅話，即使只係用係陰莖上進行手交都好，都係有機會會造成發炎，例如尿道炎等等。所以如果想提升潤滑度嘅話，都係建議買返正式嘅潤滑劑會比較好。