點樣唔忘得一啲唔開心既事

我一年前鐘意左個男仔
我係學校坐佢隔離
當時我同佢可以日日wtsapp
一開始我同佢表白佢話唔鐘意我
之後佢又同我講話佢鐘意我
大家就係男女朋友之下既關係排迴
但係我父母都唔俾拍拖
所以我會呃我mummy話同女同學去補習
約佢出黎一齊補習之類個啲
我地大家仲知道我地兩個都會自慰
佢仲會無啦啦講性話題(我唔想聽
大家好清楚大家
佢仲會有時send啲心心符號過黎
到左七月
佢咩都揾我
我覆少句佢又係到話我
我開始覺得佢煩
佢又成日扮情聖
我最近頂唔順就叫佢唔好再wtsapp我
佢就屈我收兵 同人周街唱
我就罵爆佢
呢排已絕交
但係成日都諗番佢之前個啲變態語氣
仲覺得我對唔住我daddy mummy
點算
p s我屋企人唔知

多謝你上來同我地傾計啊!你要加油!
有冇同朋友傾過?如果個男仔一直同其他人講你壞話,佢真係好唔尊重你。
我覺得你唔需要自責啊,感情狀況其實係個人隱私,父母唔知道你的感情狀況,唔代表你一定要同父母講。但如果你願意同父母其中一方傾下,佢地可能俾到一d實用的意見你。你平時同屋企人關係點架?

通常男生都會視主動示愛嘅女生做「收兵」, 我個人感覺男生會欲拒還迎, 所以佢地會先拒絕, 又覺得既然自動送上, 唔食就真係「罪大惡極」。當然男生都會嚮往拍拖, 但大家相同年紀, 男生又真係會低能少少。我覺得「收兵」呢樣野都只係得佢把口講, 謠言止於智者, 既然你都已經鬧爆左佢同埋同佢絕交, 就無需要再理會個D閒言閒語吧。

感情事始終都係面對自己, 可能你會怕父母知道左好似辜負左佢地咁樣, 但將來你都會真真正正拍拖。睇下你同爸爸定媽媽比較友好, 將來可以慢慢以滲透的形式去將拍拖呢個事實講俾其中一方聽, 當然需要令佢地保持對你嘅信任。

係一段關係入面, 男生對性話題通常係比較雀躍的。我唔知道你同佢個陣時點解會提到性話題, 但我覺得係一段感情未係太穩定, 同埋未到個種親密程度的時候, 我唔會同對方傾性話題, 始終保護自己係最緊要嘅。男生好容易因為女生有自慰習慣而誤以為佢可以再進一步, 所以佢會成日同你講性話題。

我同媽媽都講左話佢講我壞話
都同家姐講左
仲有叫左啲同學唔好再話我同佢
講完之後個心都舒服好多
thx!

1個讚