您們好：
昨晚摸過自己勃起後的龜頭後（當時乾的，應無Pre-cum)，忘了洗手，過一分鐘後，女朋友請我幫他看看陰道是不是有分泌物，之後我用摸過龜頭的手指碰了陰唇一下，想請問
- 如果我當時沒有分泌尿道球腺液，碰了龜頭再碰女朋友陰唇，咁樣有懷孕風險嗎？
- 如果當時龜頭，已經有很微量的尿道球腺液（肉眼不可視，手也摸不出的量），碰到後再去碰女朋友陰唇，咁樣係咪有風險？
多謝妳們，宜家有點驚…
Hello~多謝你嘅提問
首先，精子暴露喺空氣中通常幾分鐘內就會死亡，而且精子需要有精液嘅保護先可以生存，所以當接觸到皮膚、紙巾等表面嘅時候，精液會被吸收同揮發，進一步減低精子嘅存活率，所以就算你有分沁到尿道球腺液（含有少量精子），經你隻手再掂到陰唇而導致懷孕係冇咩可能嘅。因為只有喺精子同卵子結合成受精卵後，且到達咗子宮腔先會成功懷孕。而如果性器官之間冇直接接觸，基本上精子係冇可能進入陰道嘅。
多謝妳～另外想請問，如果係手指掂到尿道球腺液，而後乾咗，但未用水或清潔液洗，直接深入陰道，係咪有風險？
放心，好似我頭先所講，精子需要有精液嘅保護先可以生存，如果分泌物已經乾咗，精子基本上已經死晒，何況你只係掂到陰唇，冇深入陰道，係唔會導致懷孕嘅
對唔住啊～可能我沒講清楚，我是想問掂到pre-cum後手指乾咗，接著”深入”陰道，係咪有危險？多謝妳回覆!
會這樣問是因為聽日亦有幫女友指交，手指有深入陰道，但一直想不起來自己有沒有碰到自己的尿道球腺液，像是直接接觸到陰莖，或是間接掂到沾到尿道球腺液的內褲或床單，但都係乾咗才插入陰道，咁樣風險高嗎？
咁樣嘅風險都係好細嘅，正如我上面所講
加上精子接觸到皮膚/衣物床單會被吸收，蒸發，加速死亡，所以唔洗擔心嘅
唔該妳啊，宜家真係好驚，那若碰過尿道球腺液唧手指上分泌物乾左加上有抹過床單，係咪可能性更微?
可以話無風險嗎?另外想請問親密當天離預計離M還有9天，算是安全期嗎?
基本上精液掂到床單後，會被吸收，蒸發，加速死亡，你亦都抹過床單；再加上精子唔能夠通過床單令女性受孕，所以唔需要太擔心。風險很微。
關於安全期，所謂嘅安全期係推斷女性排卵而作計算，但係安全期實際上並唔可靠，因為
1）唔係每個人嘅週期都係28日
2）即使係28日週期嘅人都唔一定係第14日排卵
3）要去到月經出現我哋先可以計算上一個週期係幾長，再大概估算上個周期嘅排卵日同「安全期」係幾時，唔能夠係未出現月經就單憑計算日子準確知道係幾時排卵
4）除非每日都係醫生指引下用排卵棒測試體內狀況，否則無辦法準確知道係邊一日排卵。
所以總括而言，安全期並唔係真係安全。
但係因為過程中你嘅精液已經乾咗，冇直接接觸陰道，並且冇進行陰道交，所以都唔需要太擔心。
如果你真係好擔心的話，可以嘗試使用驗孕棒。驗孕棒係透過檢驗尿液中的人絨毛膜促性腺激素 (hCG)水平，hCG係卵子受精著床之後身體會產生的一種荷爾蒙。卵子受精著床需要大概6－9日嘅時間。所以，係性行為發生7日後驗孕會得到初步結果，而在11日之後就會得到相對比較準確嘅結果。使用嘅時候，記住要跟足說明書使用～