我成日好容易就勃起，就算冇性幻想都會
變咗喺條街度好尷尬
我身體係咪太敏感？ 我可以做啲咩？
我有時會諗
女仔胸部明顯隆起，但冇人會覺得有問題，因為係天生嘅生理結構
咁男仔都係天生嘅啫，點解兩隻腳之間突出又會有人覺得有問題？
我都唔想㗎嘛
頂住條褲/俾條褲頂住都唔舒服啦
Hello~ 多謝你嘅問題，你講得好啱，呢個係自然嘅生理反應，除咗因為自行刺激，亦可以因為荷爾蒙水平變動或者衣物摩擦等嘅原因而造成陰莖勃起，有時唔係我哋可以控制到嘅情況，但係社會氛圍仍然係好避忌談性相關嘅事情，可能未必能夠同理，反而仲會指指點點 
如果想降低自己嘅陰莖敏感程度，首先可以留意吓本身嘅衣物、內衣會唔會過緊，令到過度摩擦而刺激到陰莖～ 同時亦都可以留意吓會唔會有包皮過長／過短嘅情況，因為如果包皮無法好好覆蓋龜頭，就會令龜頭成日受到刺激同磨擦，除咗可能容易造成勃起，仲有機會造成不適架～
咁如果著嘅衫都冇過緊，我仲可以做啲咩去降低敏感度？
唔該晒
我就覺得冇必要要降低敏感度，這是很自然的生理現象。有時係唔關太敏感事，只係急尿正常地勃起而已。我年少時都有類似的情況，我會嘗試用衣服或用手提包遮蓋，避免俾人見到。且有時只是你個性太敏感吧了，正常人的視覺都唔會猛盯著男士的下體，只是偶有勃起時需要特別留心吧了。
當你年紀越長，勃起的次數會減少，亦能更自控勃起的情況。所以不用太過擔心。
Hello 明白你嘅擔憂同困擾
正如我地之前所講，勃起係好正常自然嘅生理現象，陰莖喺受到刺激嘅時候會充血勃起，而呢啲刺激未必係同性相關嘅，有時荷爾蒙水平、肌肉血液循環等因素都會關事，尤其青春期期間。隨著年齡增長情況可能會慢慢改變，不過身體情況都因人而異。
如果你覺得尷尬嘅，可以用衣物或者物件遮掩，或者坐低一陣，又或者諗下其他嘢分散下注意力。如果真係好困惑，生活有受到影響，都可以搵啲專業協助，例如社工、輔導等，梳理下你嘅情緒同感受。
有咩問題歡迎隨時搵我地～