避孕藥一問-欣嘗Gveza

想請問
而家食完第一排避孕藥準備開第二排
我食嘅係欣嘗Gveza,家計會叫我試,佢話同休斯名嘅劑量一樣叫我試吓。
身邊好似冇朋友食呢隻,所以都想了解一下呢隻好唔好。
頭2星期情緒唔係好穩定,好似好易唔開心,會喊。
現在好d。
由食到而家都有胸脹痛,停藥7日個陣無禁痛。
但係腋下淋巴位置好怨痺。
同埋而家食咗一排體重都明顯上升同埋肥咗。
暗瘡好似停藥時間會多左。
想知道呢啲副作用會維持幾耐同埋點樣知自己需唔需要轉藥。

同都想知道有冇師姐食欣嘗。

謝謝回覆:pray:t4:

Hello​:smiling_face_with_three_hearts:多謝你嘅提問~首先如果你喺家計會配藥,相信醫生同姑娘喺配藥之前都會為你進行身體檢查,會選擇一隻最適合你身體服用嘅藥物,所以藥物都喺可靠同安全嘅。

有關避孕藥嘅副作用,見到你有提及頭個兩個星期嘅情緒好唔穩定,食到而家都有胸脹痛嘅情況,仲有體重上升同埋暗瘡嘅問題。其實呢啲都係女性喺服用避孕藥嘅初期會感受到嘅常見副作用之一。其他常見副作用就包括噁心、頭痛頭暈、水腫等等。所以好大機會你而家經歷緊嘅問題,都喺服藥初期會出現嘅情況,身體仲而需要時間適應避孕藥。通常適應期為頭三個月,如果三個月後仲喺感受到副作用,可以等下一次覆診嘅時候同姑娘提及自己呢段時間遇到嘅情況,討論一下有冇轉藥嘅需要、定喺再俾時間身體適應。有關欣嘗嘅資訊可以留意佢哋嘅官網:https://www.citracium.com/latest-news/全球藥業產品-gveza-欣嘗/ 34或者諮詢返家計會嘅姑娘:ok_woman:t2: