急!!好驚

我係佢排卵後4-5日發生行為,佢幫我口交完之後,我磨擦佢陰唇(可能磨擦到陰道口),冇插入,會唔會大肚:fearful::fearful:我好驚

我真係好驚,可唔可以答一答我:pleading_face::pleading_face::pray::pray::pray:

你好~首先好多謝你願意同我地分享你嘅煩惱。
知道你宜家很擔心,首先可以告訴你,非插入式性行為,即如果性行為過程入面精液有冇接觸到陰道嘅話,都可以唔使太擔心,因為精子需要有精液嘅存在先會生存到,一旦暴露喺空氣不足幾分鐘之內就會揮發同死亡,而精子接觸到衣物嘅話,大部份精液會被物料吸收,所以精子嘅存活率好低,懷孕率都相對地低。

不過男性喺性興奮嘅時候,陰莖會流出透明黏稠液體,即喺俗稱嘅尿道球腺液( Cowper’s fluid/pre-cum),當中有機會含有少量精子。就算喺非插入性行為,如果無使用安全套,仍然有某程度嘅懷孕風檢,所以都建議進行親密行為時就算喺體外磨擦,都建議使用安全套,保障大家之餘,大家又心安~

如果真係好擔心嘅話,可以選擇進行緊急避孕,可以喺性行為72小時/120小時內,喺醫生處方下服用緊急避孕藥。你哋可以盡快預約家計會診所/母嬰健康院/部分私家診所睇醫生。不過與伴侶商量,衡量過風險後,認為唔需要使用緊急避孕措施,但又唔安心嘅話,可以考慮自行驗孕。發生性行為7日後驗孕會有初步結果,11日後驗孕就會得到相對準確嘅結果。你哋可以計算返日子,然後根據驗孕棒包裝/說明書嘅指示進行驗孕。

希望以上嘅回答幫到你啦:)

但係尿道球腺液會唔會流入陰道跟住到子宮口?

要知道尿道球腺液係有少量精子,而當陰莖興奮時,就會自然分沁尿道球腺液。就算喺非插入性行為,當性器官磨擦期間就已經會有機會接觸到陰道口而有一定嘅懷孕風險。而且你自己都提到可能磨擦到陰道口,所以尿道球腺液入邊嘅精子都可能因為咁進入體內而導致懷孕。所以先會話使用安全套係好重要,因為就算唔係插入式性行為,冇插入過,冇內射都好,只喺體外磨擦,只係性器官同性器官有接觸過,其實都係有懷孕風險嘅。所以如果冇生育計劃嘅都建議做返安全措施,例如使用安全套,除咗減低懷孕風險,仲可以提防性病,咁係進行性行為時,定係事後都可以放心好多啦。咁呢度呢個IG post就係講返點樣正確使用安全套,睇完了解完下次都可以更加安心咁進行性行為:《Stickypedia系列-安全性行為:第一寶》