我今年18 歲，剛剛今天第一次與同年的男友發生性行為，其實我不想做的，但他又好想，我又不好意思拒絕他，怕你以為我保守，又不夠愛他，所以最後都將我的第一次比左佢，佢無戴套，在我體外射精的，請問如此安全嗎? 會不會有BB? 我需要服用事後丸嗎? 我應該下次如何接受/拒絕他的性要求?
如果你係今日發生唔安全性行為的話，建議你星期一盡早到家計會青少年保健中心做緊急避孕，千祈唔好係外面藥房亂買事後丸服食。服務時間可以睇呢度：
http://www.famplan.org.hk/fpahk/zh/template1.asp?content=services/clinic/services.asp&nscref=19
我覺得你心理上未準備好同男朋友發生性行為，千祈唔好將唔發生性行為跟你愛唔愛佢掛勾，因為愛嘅表現唔需要建立係性行為上面。不妨將你個想法同男友講，亦希望佢能夠尊重你嘅意願。如果你本身對性行為都有一定睇法（例如想感情穩定啲先，甚至唔想有婚前性行為等等），都需要同男朋友傾清楚。
開始左第一次，如果你之後係唔想的話，男生有可能想你幫佢滿足。你能夠接受到有幾親密，都要大家有個共識至得。
性與愛情的關係其實好微妙，好重視兩個人點樣溝通。發生了一次性行為，想要的一方就會希望繼續有。你可能要考慮下自己的意願先，究竟性對於拍拖係咩意義，如果有，會點？如果冇，會點？
性慾每個人都會有，不過當身體有性反應，唔代表自己心理上準備好有性。
體外射精係不安全性行為，龜頭的前列腺液（透明液體）已經含有精子，可能導致懷孕，建議你服食事後丸，下次一定要戴安全套。安全套必須係陰莖未接觸到陰部之前配戴。
你同你男朋友關係點架？係埋一齊幾耐？
多謝你們的回覆，我最後沒有你事後丸啊，怕好多副作用， 又唔夠膽食。。。如果真係有左bb, 係咪應該落左佢？去邊度落仔又平又安全？
謝謝你們的提醒，我同我男朋友關係都算幾好，係埋一齊一個月了，仍算是熱戀期吧！我們發生性行為算不算快？我會唔會太衝動就比左佢，定還是算是正常的表現？
事後丸副作用因人而異，但老實講如果出左意外，再去做終止懷孕，對你嘅傷害比事後丸副作用會更加大。其實聽日可以的話，仍然可以做到緊急避孕嘅。
至於拍左拖幾耐先發生性行為，咁又無話一個月係好快。但我覺得視乎你做好心理準備未，同埋情感上是否已經比較穩固。呢兩樣野可以先問問自己，如果你稍為有猶豫，我覺得將個步伐慢返落黎，係感情上面基礎穩固啲，同時你地可以探索一下對方身體，性同愛都可以相得益彰。