去咗娼妓 好驚得性病

事源是咁的,五日前去叫妓的時候佢一開始用佢下體幫我磨咗兩分鐘(無套)期間絕對冇插入性行為,之後就口交加口爆(無套)。完事後立即沖涼,且用簡液清洗陰脛兩次,完咗之後一直好後悔好驚,今天會預約私人檢測中心進行全面的檢測,以下係我嘅問題:pray:t2::pray:t2:

1.DNA檢測性病準確嗎?
2.我感染性病的機會高嗎?
3.如果真係有性病應該點做?
4.MHS 嘉偉男士健康中心可靠嗎?

經過今次事件我對自己發誓以後都唔會再進行危險性行為,呢幾日每日都提心吊膽,壓力好大好驚,希望有人可以盡快回覆我:pray:t2::pray:t2::pray:t2:

Hello~多謝你嘅提問🫶🏻等我一個一個問題,咁樣答覆你啦!

  1. DNA檢測性病嘅準確率都高嘅,但係要留意嘅係感染性病之後會有一段時間嘅潛伏期,係呢段時間裏面病毒或者病菌潛伏喺體內唔會有任何病徵。而即使你已經有病徵都好,都需要過一段空窗期,等病毒嘅數量累積多啲,先至可以透過唔同嘅方法檢驗出病毒/病菌。以下就係一啲常見性病嘅潛伏期:

生殖器疱疹(疱疹二型):約2-5天

淋病:約1-14天

滴蟲:約4-20天

衣原體感染:約7-21天

梅毒:約9-90天

性病疣(椰菜花):約 1-8個月,平均為3個月

以上嘅時間都係一個平均數值,有好多人過咗呢段時間都未出現病徵,其實都係好正常嘅。除咗要睇你當時接觸到嘅病毒量,仲要睇你本身身體嘅狀況健唔健康。 :wink:

愛滋病比較特別,佢有一個叫空窗期嘅時期,就係感染病毒後,體內嘅病毒量未能被快速測試檢驗到嘅果段時間。一般坊間一啲免費嘅性病快速測試都需要大概係3個月左右嘅時間,身體嘅病毒量先至可以上升到可以檢查到嘅水平。係空窗期期間,雖然檢驗唔到,但係都可以傳染俾其他人嘅。而且愛滋病嘅潛伏期就半年到10年都有,所以感染咗愛滋病之後未必真係會立即發病嘅。 :thinking:

只要你係進行過一次唔安全嘅性接觸之後大概3個月,做一次全面嘅性病檢查,其實已經可以檢查到全部嘅性病。同埋感染性病最基本嘅條件就係需要有高風險體液接觸,姐係精液、陰道分泌物同埋血液接觸,而口水並唔係一個高風險嘅體液。,或者經由有損傷嘅黏膜組織,例如破損嘅皮膚、口腔、眼睛或者鼻腔先可以傳染到。 :nerd_face:

另外,如果係空窗期內再有一個高風險嘅性接觸,其實就要重新開始計算三個月,當你去檢查嘅時候,其實就只能夠反應三個月之前嘅性接觸有無令你感染性病。睇返你嘅情況,你只係口交,其實感染到愛滋病嘅風險都係非常低嘅。:relaxed:

  1. 首先性病係屬於傳染病,不分年齡、性別、種族,一般透過性接觸,不論係性交、肛交、口交或生殖器之間皮膚接觸,就有機會經由血液、精液或其他體液感染性病。而性病一般可以分為細菌型性病,或者係病毒型性病。前者大多數都可以完全根治,而後者大多數未有藥物可以完全根治,但可以控制病情,例如愛滋病,性病疣(椰菜花)。所以你冇帶安全套口交的確係會增加感染性病嘅風險。

至於傳播途徑,除咗上述提及到嘅,性病主要以血液、精液、陰道分泌或其他體液作傳播媒介。性病一般經性接觸 (包括口交、肛交、陰道性交) 傳染。有啲性病能夠透過皮膚傳染,例如椰菜花等,所以根據你所講,對方一開始用下體幫你磨左2分鐘,有機會已經傳染咗性病。而如果對方幫你口交嘅時候,佢嘅口腔有流緊血嘅傷口,咁就有較高嘅風險傳染性病。雖然無套口交傳染性病嘅風險,比起冇套進行插入式性行為細,但風險依然存在。至於你話你做完之後有即刻沖涼,同埋用鹼液清洗,對於減低性病傳播嘅風險係冇幫助嘅,正如我頭先所講性病係通過血液或者其他體液作為傳播媒介,單憑用鹼液清洗係唔能夠避免到個風險嘅。

  1. 如果真係感染咗性病嘅話,就一定要積極進行治療。因為如果性病得到治療嘅話,致命嘅風險都係好低嘅。而當病毒或者病菌嘅數目受藥物控制,減低到冇辦法被檢測到嘅時候,咁即使你同其他人進行性行為,性病都唔會傳染俾其他人(Undetectable = Untransmittable)。所以及早發現及早治療最重要,同埋記住要定期檢測:heartpulse:

  2. 至於你講緊呢間檢測中心,因為我哋冇太多嘅資訊,可以唔能夠判斷究竟可唔可靠。不過因為每一種性病嘅空窗期都唔同,所以就算你今次去咗驗,結果係陰性都好,都唔代表你冇感染到性病,可能只係時間未到,所以驗唔出。 以愛滋病病毒為例,一般空窗期以三個月為準。受愛滋病病毒感染嘅人,假如系「空窗期」內接受愛滋病病毒抗體測試,測試結果有可能會呈陰性反應(因為未檢驗到抗體),但體內卻帶有愛滋病病毒,係能夠傳染到比其他人。所以我地一般都會建議番性接觸後90日之後(90日過程中唔能夠發生任何性行為/性接觸),先去做愛滋病病毒抗體測試,咁先可以得到最準確嘅結果。

如果你未決定去邊度驗血,建議你可以選擇去以下機構做免費嘅性病測試
:point_right:t2:政府社會衛生科服務診所:各類型性病檢查(較全面:+1:t2:,能即時知結果及比藥:pill:
:point_right:t2:關懷愛滋:25歲或以下青少年、男男性接觸者-愛滋滋病病毒/梅毒/淋病/衣原體/丙型肝炎
:point_right:t2:香港愛滋病基金會:愛滋滋病病毒/梅毒/丙型肝炎
:point_right:t2:再思社區健康組織 (C.H.O.I.C.E.) :愛滋病病毒/梅毒
*因為最近受疫情影響,建議前往之前,先到相關網站睇下機構有無開~!

暫時可以先留意自己身體有無出現明顯病徵。如果已經出現下體痕癢、小便刺痛、分泌物異常、下體生粒粒等病徵時,就可以先及早求醫。不過如果未有出現明顯病徵的話,都建議考慮三個月(三個月已經過左大部分性病嘅空窗期)後,再一次過去做一個全面嘅性病檢測,會比較準確 :relaxed:

你好 十分多謝你嘅回覆
我仲有一個小小的問題 就係上述嗰間化驗所同我講話佢地嘅DNA空窗期只有一天(包括椰菜花), 至於愛滋及梅毒的化驗空窗期就要遲啲再抽血,請問驗測報告的結果能作準嗎?

因為我哋唔熟悉DNA檢測性病嘅程序,所以唔能夠肯定個檢測結果係咪可靠:thinking:不過,一般性病嘅空窗期都唔會得1日咁短,而椰菜花平均嘅空窗期都要三個月。所以建議你都係去返我哋上面建議嘅嗰啲政府機構或者組織做檢測會好啲。