嚟m一直唔準，但係8 9月都幾準係月頭嚟，但係10月嚟嘅m係啡色，之後係10月22又嚟m，係正常量鮮紅色，但嚟m嗰日即10月22號都有做，全程帶套，咁11月我應該係幾時嚟，係月頭定月中嚟，係10月31（朝早），11月3（夜晚）用試紙驗係一條線，好不安😵💫
Hello, 好多謝你嘅問題～
咁你關於經期嘅問題，見到你講到10月身體排出過一啲啡色嘅血，咁其實嗰啲有可能係排卵期排出啡色嘅分泌物，並唔係m血，咁都係一個正常嘅現象嚟嘅。
咁一般嘅周期日子，以28日為平均日數，但唔同人嘅週經都會比平均人數多、或者少五至七日，咁所以唔洗太擔心。其實導致經期唔規律有好多唔同嘅因素，咁唔知你最近有冇作息唔定時、食緊藥、或者壓力好大呢？因為長期捱夜、生活習慣改變、心理壓力過大等等嘅因素都會影響週期，所以就算週期同以往唔一樣，都係常見嘅現象。所以唔使擔心～
如果你係10月22日嚟m，咁下次大概會係11月尾12月頭嚟。但如果月經周期一直都唔規律，咁其實都建議你去睇醫生做個詳細嘅身體檢查，睇下有冇一啲平時難以發現嘅婦科疾病，咁醫生就可以開藥去調理一下身體。
同埋都見到你11月3號有驗孕，姐係發生咗性行為之後第12-13日～咁其實睇預計受精期嘅7-11日驗孕就係最準確，如果你係一條線，就係準確嘅，你冇懷孕所以唔使擔心。
希望呢啲資訊幫到你啦～
但係10月22號嚟到24號就完咗，淨係嚟咗幾日
Hello~ 月經嚟2至7日都係正常嘅情況嚟架，佢嘅長短會受好多因素影響，例如飲食、運動量等等，所以唔駛太擔心：）
排卵期出血一般會係三日或以內出血，顏色通常會係淺粉紅色或者啡色，如果啡色嘅話有機會會係上一次經期未排得晒啲經血，於是喺排卵嘅時候就派出埋剩低果啲～ 根據你嘅講法，似乎10月頭嘅啡色血比較貼近排卵期出血嘅情況～
而鮮紅色血一般係會出現喺月經度，所以你22至24號嘅應該係真係嚟m～
同埋想問你係咪平時都會有排卵期出血嘅情況？如果係嘅話就會係平常嘅情況～
同埋你穩定嘅時候，月經週期大概係幾多日，而唔穩定嘅時候又會有幾大偏差？
如果你能夠講多啲比我哋知，我哋都可以比返多啲嘅建議你，咁你可以安心啲呢～：）