今日有做完嚟
係嚟完m之後嘅3日到
無帶套加體外射
但係射嘅時候滴咗好多patpat
唔知有啲精子有無滴到入去…
咁樣洗唔洗食事後丸…
Hello~你呢情況係需要食事後丸嘅
首先，雖然你喺嚟完m之後嘅三日到進行性行為，正常嚟講應該係安全期。不過安全期並唔可靠，詳細嘅原因可以睇返呢個post
另外，喺性行為發生期間，陰莖喺性興奮時會流出透明嘅尿道球腺液，尿道球腺液有機會含有少量精子，所以如果尿道球腺液直接接觸到陰道就係會有懷孕嘅機會。雖然你係體外射精，但係尿道球腺液喺成個性行為嘅過程中都會持續分泌，所以都有機會導致懷孕。建議你同伴侶都可以考慮使用其他更為安全、長期嘅方法嚟避孕，例如全程都使用男用安全套、唔同嘅荷爾蒙避孕方法，例如事前避孕藥/避孕針等等。
最後，如果你實真喺好擔心呢次嘅性行為嘅風險，其真依家都可以服用緊急避孕藥。一般分為性行為發生後72小時、或者120小時之內服用。提提你緊急避孕藥喺香港屬於處方藥物，需要到家計會、私家診所等等醫療機構取得。詳情可以參考返家計會嘅網站：
都要同你講聲，家計會星期六日嘅服務時間相對嚟講係比較短嘅，所以如果要去購買醫生處方嘅事後丸，需要提前打電話預約，如果唔係去到發覺冇位，就要即刻趕去另一間診所
同埋緊急避孕藥唔建議作為一種長期使用、恆常嘅避孕方法，唔應該喺同1個月經週期內服用多於1次。因為緊急避孕藥都屬於高劑量嘅荷爾蒙，對身體嘅副作用會比較大。如果你同伴侶認為安全套並唔喺適合你地嘅避孕方法，都可以嘗試一下其他嘅避孕方法～
另外，服用緊急避孕藥有機會令推遲下一次嘅經期，所以就算下一次經期唔準時、週期比以往長都喺正常。安心等下一次經期出現就可以。希望可以幫到你🫶🏻
1個讚
我呢個情況懷孕風險係咪好高㗎…
其實懷孕嘅風險就唔算係好高嘅，不過凡事都有例外，如果咁啱你同你男朋友嘅生育能力都高，咁少量嘅精子都可能導致懷孕。
如果唔想食事後丸，可以喺性行為嘅7-11日進行驗孕，到時會有初步嘅結果。而性行為14日後/當月經遲嚟7日再驗孕，個結果就最準確啦🫶🏻