想比男友破處 但太緊佢入唔到

男朋友有勃起障礙,以前同啲前度做都未試過高潮/射得出手。第一次同佢試嗰陣,佢用手撩、想令我放鬆,但唔知係佢技巧問題定係我太緊,佢淨係個頭頭入少少已經好痛(上網查佢size應該算好大⋯),進行唔到落去。後續試過幾次都係我太緊,最多入1/4已經盡咗,但我同佢都冇快感可言,只係想「成功入到」🥹而家我好迷惘:

  1. 用性玩具係咪可以擴張到?或者可以點解決緊到對方進入唔到嘅問題?
  2. 我比佢/自己用手指撩都冇快感⋯係咪應該上網搵啲有經驗嘅男仔教我?好似完全同唔到現任享受sex⋯一來雖然我冇經驗但都有需求同佢錫會有反應 二來佢一定要食藥先硬到 但佢點撩都完全令唔到我有感覺

想問多少少,你男友是哪方面的勃起功能障礙?是早洩?是不能維持長時間勃起?是勃起時不夠硬?

他多大年紀了?他自慰時能否順利射精?他用手撩你哪個部位令你得不到快感?

冇辦法維持長時間勃起同勃起時唔夠硬
可能5-6分鐘已經軟返,要食壯陽藥先入到

大概四十歲,佢自己自慰完全冇問題,雖然唔太硬但都出到
佢用手探入去撩,我淨係覺得有異物喺入面郁,冇興奮嘅感覺;反而隔住衣服磨到佢弟弟會濕

他的年紀和我相若,且我都有類似問題,自慰完全冇問題,不過自慰時我需要較長時間才能勃起,且勃起時唔夠硬。過了四十歲大多有類似問題。

用藥只是治標不治本,且長期服用可能會有副作用,唔建議長期服用壯陽藥。吸收多點鋅可以加強造精能力。

建議佢平日可以訓練一下射精的肌肉,平日做做忍尿的動作,加強尿液排放收縮時肌肉的控制能力。

女人的陰道是有一定的收放能力,即或大到像嬰兒的體積也能通過陰道。你說男友的巨物入不進去,大有可能係進入的角度不對。當女人陰道的傾斜角,和陰莖插入時的角度不對,便會難於插入,且插入時會有疼痛的情況,這也是我曾經遇過的情況。男上女下造愛時,嘗試用枕頭枕高你的屁股,並抬高和屈起你的雙腿,這角度應有利陰莖的插入。

每個女人的陰道對插入物也會有不同的感覺,不一定會對插入物感到舒服。嘗試搵出你自己感到舒服的敏感帶,例如乳房和陰唇,陰蒂。叫男友放多一點時間在前戲,用多點時間撫摸你的陰蒂。陰蒂係女仔最敏感的性敏感帶,有如男仔的龜頭。當前戲做得足,你有相當的性亢奮後,亦會增加陰道的分泌,利於陰莖的進入。

若你也有一定年紀,可能會遇到陰道唔夠分泌的問題。在造愛時可以用上ky gel作潤滑劑以彌補陰道的乾涸。

建議男方在造愛前先打一陣飛機,讓陰莖能維持在勃起的狀態。到差不多快要射精前,才用以上的方法插入陰道進行插入式的交溝。這也是我慣用的方法,讓陰莖能維持在勃起的狀態插入陰道。

若你男友的勃起障礙問題持續,建議佢去看看中醫或西醫,看看會否其他身體部位出現了問題導致。不過帶氧運動應可增加他的活力,有助他的性表現。

Hello 你好

明白進行性行為不如理想嘅時候可能會有啲迷惘,但其實好多人都會有呢啲困擾,好多人都唔係一次就即刻得。不論咩性別,其實都會有好多原因影響咗表現,例如緊張、壓力、或者年紀等等。如果有陰道嘅話,緊張、恐懼等等唔同情緒仲可能會不自覺令身體肌肉同陰道肌肉收縮,變得更加緊。另一個情況就係陰道潤滑度比較低,所以難以比外物插入。除咗可能因為緊張而令陰道分泌少而減低潤滑之外,其實每個人天生嘅分泌量都唔同,有啲人有機會本身分泌量比較少令到天生陰道冇咁容易變得潤滑。

就住陰道潤滑度呢部分,下次進行插入性行為嘅時候,都可以考慮買潤滑劑輔助,咁就可以提升返潤滑度,會比較容易啲令外物插入陰道。或者可以喺前戲多啲刺激,令心情更加放鬆,都可以提升陰道潤滑度。而其實潤滑劑都有唔同特質同類型,呢度都有個簡短嘅IG post,你可以參考吓睇吓有冇邊個比較適合你哋用:《Stickypedia系列-安全性行為:第二寶》

就住陰道緊呢部分,其實比較少插入式性行為嘅人都係需要一定時間先適應到有外物進入陰道,包括陰莖、手指、定係其他性玩具等等。你可以嘗試先用一隻手指慢慢插入陰道,當你覺得OK之後就慢慢增加手指嘅數量,慢慢試下令陰道擴張。當中仲可以慢慢試吓唔同角度或者頻率嘅抽插,去搵出合適自己嘅方法。都可以去性商店買一啲合適尺寸嘅性商品輔助,例如一啲棒狀嘅性玩具,都建議尺寸從小到大,慢慢嚟慢慢試。但記住如果用手指嘅話,就要先剪好指甲,同保持乾淨,如果唔係有機會會整傷陰道。

另外,其實相比陰道,好多時陰蒂係會更加敏感,就好似陰莖嘅龜頭咁。所以其實刺激陰蒂係會更加有快感同更容易達致高潮。你地進行性行為時都可以試吓刺激陰蒂,可能更易有性滿足,或者喺前戲嘅時候多啲刺激陰蒂,令情緒同心情都更加放鬆,都可以增加陰道潤滑度,令陰莖相對容易插入。

都明白你同你嘅伴侶兩者可能都係性相處呢方面有壓力。你哋都可以多啲溝通下,多啲傾吓大家喜歡點樣嘅情況,創造一個大家都覺得安全而又舒服嘅環境,試吓探索唔同嘅部位或者行為,例如愛撫、親吻等等,都可能可以為你地帶來性歡愉。畢竟其實性行為有好多唔同形式,一樣可以達到性滿足,並唔需要執着於插入式性行為,而且並唔係個個人都係最喜歡插入式性行為。如果你哋都唔係從插入式性行為中得到好大嘅滿足,都可以探索下其他唔同形式嘅性行為,例如口交、手淫、腳交等等,可能你哋會搵到更加合適你哋嘅形式,或者都可以喺呢啲形式嘅性行為上得到更大嘅滿足。

其實每段關係之中嘅性相處都係好獨特嘅,只要你地雙方之間都有完全知情嘅共識,都可以探索下你哋雙方都覺得舒服嘅相處模式。如果最後都係搵唔到大家舒服嘅模式,或者真係好困擾同好大壓力嘅話,都可以考慮搵一啲專業人士,例如性治療師或者專業輔導人士, 幫助你哋。

至於生理上陰道太緊嘅困擾,都有可能係因為骨盆底肌太過緊,又唔係好識得控制,而導致陰道過緊。如果真係好困擾嘅話,都可以考慮搵婦科醫生,或者專做女性健康嘅物理治療師,睇吓會唔會可以令骨盆底肌肉相對地控制得好啲。呢度有條片,係講解返骨盆底肌嘅相關資訊。如果有時間,或者有興趣嘅話都可以睇睇:骨盆底肌是幹嘛的

見到有同事回覆左,我再補充多少少。
首先性行為有進入困難問題成因有好多,可以係生理或心理造成。先撇除機能上嘅問題,心理因素很多時是因為當其時壓力大或心情緊張,甚至乎可能因為對方性器官嘅size而造成壓力。而你地只係想以「成功入到」作目標,往往造成不切必要的壓力,所以要嘗試放開包袱,性行為不一定要以插入式為目標,其他形式的性行為如口交、手淫等同樣可為雙方帶來歡愉。
為咗令雙方放鬆心情,你們可以嘗試在前戲方面花多啲時間,例如:互相按摩、愛撫性器官等,而使用性玩具亦有助提升整體氣氛及增加刺激感。這樣可以讓大家身體能夠放鬆,在良好氣氛下才開始進行插入式性行為。如果希望再增加氣氛,也可以考慮一齊玩一些床上桌遊(可參考網站https://www.cosmopolitan.com/tw/love/sex/g38166677/sex-games-ideas/)。或者可以一齊去行下性商店揀些大家都鍾意嘅玩具,藉此了解雙方的性喜好,如鍾意邊一類型嘅玩具想一齊嘗試去玩、Cosplay服裝之類。
由於你提到想比男友破處,估計你應該沒有插入式性行為既經驗,因此有進入困難問題是十分常見,所以不用太擔心。而你提到雙方在發生性行為時沒有快感,好像完全不享受,建議可多跟伴侶溝通,分享彼此在性行為時的感受,亦可互相了解雙方的敏感部位和刺激點,從而在前戲期間互相愛撫敏感地帶。亦可考慮試吓在性行為之前一齊去沖涼,或者可以一齊睇AV,同樣可以增加氣氛,剌激雙方之餘,亦可加強大家對性愛的慾望,讓性行為過程更順利進行。
至於你提到對方勃起時間不持久,可先透過增加前戲時間來加強雙方的興奮度,同時亦可考慮轉換環境發生親密關係,例如staycation等。這可使雙方在一個新的環境下,增加浪漫氣氛從而更加放鬆。同時估計你性經驗不多,有時可能受AV情節影響而對伴侶的表現有不必要的期望。在醫學定義來講,由插入陰道到射精整個性行為過程,通常只係10至20分鐘左右,而軟硬度亦因人而異,只要有足夠硬度插入都是正常的,所以可嘗試先調整自己對伴侶表現的期望。假如對方真的有勃起功能障礙,建議應尋求醫生協助診斷,看看有何解決方案。不建議自行購買壯陽藥服用,因為坊間購買的壯陽藥用藥份量並不一定適合任何人,最理想的方法是由醫生處方,按照病人的需要服藥。