排卵期外射中嘅機會大唔大

我10月30 來m 11月3-4號完m 5號同今日8號都無套外射 我紀錄經期嘅apps 話7-15號處於排卵期 12號會係排卵日 想問下我需唔需要食緊急避孕藥?? Thanks

Hello 先回答返你既問題。

如果以體外射精作為所謂既「安全措施」係非常不可靠,是有懷孕風險的。因為性興奮時男性會有透明的尿道球腺分泌 (pre-cum),裡面一樣有少量精子,只要有精子進入陰道內都會有受孕機會。

至於你在月經過後計算排卵期,其實一樣係不可靠的。因為28天週期,第14天排卵只是科學數字,外在及內在因素都會影響月經和排卵期,例如:情緒波動、荷爾蒙變化、生病、服用藥物、生活作息有改變。而且卵子在體內最長可生存1-2天,而精子在體內最長可生存2-3天,由於兩者生存期不一同,假如在第一天有精子進入體內,而第三天排卵,這樣便有授精可能。你提及app指排卵日係12號,首先這個只是app估算的排卵日子,並非一定係真正既日子,只可作參考,因為app不能預測影響排卵期的外內在因素。要知道準確的排卵日是需要在月經出現後才能推算出來,除非每一日在醫護人員指導下用排卵試紙作測試,否則是不能準確知道幾時排卵。

不過如果真係好唔放心,可以 找醫生諮詢一下,如有需要可由醫生處方事後丸作緊急避孕,但記著不是每個人的身體狀況都適合透過事後丸緊急避孕,所以服用前必須經醫生評估,不要自行購買服用。而緊急避孕係有時限性的,視乎不同類型的事後丸需要係性交後的 72 至120 小時內服用。由於你月經後最早的一次性行為係5號,距離滿120小時已時間不多,所以你應盡快找醫生諮詢作緊急避孕。如果你唔打算進行緊急避孕,你都可考慮自行驗孕。如果想買驗孕棒驗孕嘅話,我哋都建議去返一啲信譽良好藥房或者大型連鎖個人護理商店,買返啲可靠嘅牌子嘅驗孕棒驗孕。一般性行為7日之後嘅話就會有初步結果, 11日之後就會有準確嘅結果。你都可以買多一個牌子,去對比下結果,如果都係陰性嘅話,咁就可以放心係冇懷孕。

不過都提醒返,如果本身冇生育計劃嘅話,都會建議做足安全措施先進行性行為,例如用安全套,不但可以有更好嘅避孕效果,仲可以預防性病傳播,而體外射精和安全期都不是可靠的安全措施。